وحشتونا يا شهدائنا يا أعز وأغلا الاحباب

]وحشتونا يا شهدائنا يا أعز وأغلا الاحباب
من سنة جرحكم وجرحنا بينزف..بس النهاردة خلاص طاب
علشان ميزان العدالة اتنصب والقاتل خد العقاب
ولسة فى السما كمان باقى الحساب

انسو الأوجاع وارتاحو فى الفردوس
وفى احضان الآب القدوس
وصلو عنى وعن كل النفوس
انتو شفعائنا فى السما عند الرب ايسوس

صلينا كتير وانتظرنا كتير
وحسينا مع كل تأجيل بألم كبير
اصل التهاون فى حقوقنا دة جرم خطير
ومش عارفين كان هياخدنا فين المصير؟

اشكرك يا رب ..يا مبدد الظلام
كلنا واثقين فى عدالتك على الدوام
ولازم اللى يقتل يكون مصيره الاعدام
عاقب.. تعاقب من غير اى شك ومن غير اى كلام

يارب حل بسلامك على اراضينا
وانزع الكرة والشر من وسطينا
بننده لك من كل قلوبنا.. وبدمع عينا
ارحمنا وطبب جراحنا ..احنا مالناش غيرك يا فادينا

ارجوك يارب لسة للحكاية باقية
ماتنساش اولادك شهداء الاسكندرية
انتقم لدمائهم الطاهرة الذكية
كلنا واثقين فى عدالتك الالهية

كلمات:شاعرة الشهداء
ناهد فاروق شاروبيم[

ارجوك يارب لسة للحكاية باقية
ماتنساش اولادك شهداء الاسكندرية
انتقم لدمائهم الطاهرة الذكية
كلنا واثقين فى عدالتك الالهية

روعة يا وليد
شكرا ليك اخي وليد وللشاعرة ناهد فاروق