maady
وســــــــام كبار الشخصيـــات
شفيعـي : أم النور
المزاج : القراءة
الهواية : 
 [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
 | | موضوع: كلمة هامة لجميع الأعضاء السبت 15 يناير 2011, 8:12 pm | |
|
كلمة هامة لجميع الأعضاء
اخوتى واخواتى ابنائى وبناتى
نعمة وسلام الرب يسوع
تكون مع جميعكم
وسلام الله يملىء قلوبكم فيمنحكم
سلاما واطمئنانا
اما بعد
اسمحوا لى انى اتكلم معاكم بالعامية
لان مصابنا جلل والامنا تفوق قدرة احتمالنا
كلنا حزانا وكلنا الضربة تعبتنا نفسيا
وكلنا مالناش نفس لآى شىء
كثير من اخوتى واخواتى وابنائى وبناتى هنا تكلموا معى
سواء على الفيس فوك او تليفونيا
كلهم فقدوا الرغبة فى الحياة
صدقونى انا كنت اولكم
انا اول واحد فقدت توازنى
انا اول واحد الصدمة اصابتنى فى مقتل
وعلى مدى اسبوع كامل
دموعى لم تجف
وفقدت كل رغبة فى الحياة
واسماء كبيرة هنا كلن عندها نفس الاحساس
بل فوجئت ان الكل عنده نفس احساسى
ولكننى على مدى ثلاث ايام كاملة
كنت انام امام الكمبيوتر وسط دموعى
رافضا كل طعام وكل كلام
الى ان جائنى تليفون ابونا اريانوس
الذى طلب من اسحق يطمن علىّ
وقتها ومجرد سماع صوت ابونا
انفجرنا سويا فى لحظة واحدة
فى بكاء ونحيب مرير
استمر دقائق يعلم الله وحده عددها
فقد كنت فقدت احساسى بالزمن والوقت والحياة
وكان سلاحى الوحيد نقل كا مااستطيع للمنتديات والجروبات وصفحات الفيس بوك
بعضكم هيسالنى طيب وبتحكى لنا ليه دلوقتى الكلام ده
لأنى اكتشفت انى مش الواحدى
الكل عنده نفس الحالة
وحتى الان
كتير لسة ماعندهوش نفس
لايكتب ولايشارك ولاحتى يتكلم
لا
لا
لا
ياحبائى
هو دا اللى عاوزنا نوصله عدو الخير
اليأس
وفقدان الثقة فى ربنا
قال لى قدس ابونا كلمندس
هما فى السما فرحانين
واحنا هنا زعلانين يابختهم
وقال ابونا بولس جورج فى اجتماع الراعى الصالح
فى نهاية الاجتماع يطمئن الشباب
ماتخافوش ياولاد
الشيطان بيهوهو على الكنيسة
وقال ابونا لحظة التفجير
ماتخافوش
مفيش حاجة
محدش يخاف
كان الروح القدس يكلم كل الاقباط على لسانة
ياريت نستعيد توازنا
ياريت يبقى عندنا ثقة فى ربنا
ياريت نفهم ان الكنيسة مابتقواش وتنشط الا مع التجارب
ياريت نفهم انه صار لينا سفراء من ايامنا يصلوا عنا
قال لى كثير من الاباء
ان ناس كتير رجعت للكنيسة
والوف الوف اعترفوا
وان الكنائس ليلة العيد
ماكنتش شايلة الناس من شدة الزحام
وان فيه ناس عمرها مادخلت كنيسة
وجت واعترفت وحضرت الكنيسة
الكل راح ومستعد للأستشهاد
احنا مانقدرش نفهم مقاصد الله
وفيه خراف اخر من حظائر اخرى
استغربت لموقفنا وعدم خوفنا وذهابنا للكنائس
ودا مخالف للغرائز الانسانية
ان الخوف يدعو للهرب
والناس ماخافتش من الموت
بل راحت الكنايس
وهى عارفة انها ممكن تموت
ياريت نرجع لخدمتنا
ونشاطنا
ومنتدياتنا
ونشارك من جديد
ونبدأ من جديد
علشان نسطر ملحمة الشهداء
ونتامل فى حياتهم
واستشهادهم
ولازم نصدق وعد ربنا
character0009 أبواب الجحيم لن تقوى عليها character0009
ربنا يبارك حياتكم ويحفظكم
| |
|
قيثارة التسبيح ..
شفيعـي : أمي الغالية ,أبونا عبد المسيح
المزاج : ♥ *_* Jesus^_^ ♥
الهواية : 
[table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| |
†††
الرئيسية
المجلة
أحدث الصور
التسجيل
دخول
التسجيل
