دقت الدفوف باللألحان ..وبالتهاليل

دقت الدفوف باللألحان ..وبالتهاليل
والاكاليل فى السما زادو.. كمان اكليل
اكليل شهادة ابن الاسكندرية:صاموئيل
اللى احتمل الالم.. وفترة العلاج الطويل
هنيئا لك فى احضان عمانوئيل
...
انضمت روحك مع ارواح شهداء الاسكندرية
ليسجلها السنكسار فى اورشليم السمائية
لقد صعدت دمائكم الطاهرة كرائحة بخور ذكية
لتعلن للعالم ....ان كلمة مسيحية
تعنى البذل... والحب ....والتضحية

احتملت يا صاموئيل بصبر ..الجراح والالم
قولت يارب سامحهم ..وماقولتش يارب انتقم
احنا مش هنتكلم ولا هنتهم
لكن حقيقى احنا كل يوم بنتهان وبنتظلم
بس مش دى النهاية ..بكرة صوتنا هيعلا ومش هيتكتم

وكل نقطة دم سالت ..ليها عند ربنا تمن
وربنا هيجيب ليها حقها..مهما طال الزمن
اصبرو بس واستنو ..دى البدايةو لسة فى كتير تانى محن
دى تجارب واحنا لازم بيها نمتحن
والشاطر اللى هيثبت حقيقى.. انه مسيحى شجاع .ومؤتمن

كلمات:شاعرة الشهداء
ناهد فاروق شاروبيم