منتديات أولاد أم النور
بسم الآب والإبن والروح القدس الإله الواحد آمين
♥†††♥†††♥

مرحبا ً بك زائرنا العزيز
ينبغي عليك أن تعرّف بنفسك لدخول المنتدي
وإن لم يكن لديك حساب بعد، فنحن نتشرف بدعوتك لإنشائه



 
الرئيسيةالرئيسية  المنشوراتالمنشورات  المجلةالمجلة  بحـثبحـث  س .و .جس .و .ج  التسجيلالتسجيل  دخولدخول  التسجيلالتسجيل  

شاطر | 
 

 رسالة من بنت مسيحية ..هتجوز عبد التواب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maady
وســــــــام كبار الشخصيـــات
وســــــــام كبار الشخصيـــات
avatar

شفيعـي : أم النور
المزاج : القراءة
الهواية :
ذكر
My SMS [table style="WIDTH: 150px; HEIGHT: 100px" border=3][tr][td]
هذا هو اليوم الذي صنعه الرب ، فنبتهج ونفرح به. يارب خلصنا، يارب سهل طريقنا. الله الرب أضاء علينا: الليلويا.إخرستوس أنستى .. إليسوس أنستى .. المسيح قام بالحقيقة قام .. صلبوا يسوع فارتفع، أما صالبيه فصاروا تحت قدميه.كل سنة وانتم طيبين .[أولاد أم النور][/td][/tr][/table]



مُساهمةموضوع: رسالة من بنت مسيحية ..هتجوز عبد التواب   الأحد 12 يونيو 2011, 12:09 am




رسالة من بنت مسيحية ..هتجوز عبد التواب




كلمات الشاعر رمزى بشارة

قامت بالنشر على الفيس بوك

الأخت ايناس نبيل

هاأتجوز عبد التواب -

رسالة إلى كل أب وكل أم تركوا أولادهم بلا رعاية

إلى كل أب كاهن ترك شعبه ليفتقده إبليس بدلاً منه..


أنا من يوم ماأبويا ضربنى
وأنا مش طايقه قُعاد فى البيت
......وأخويا قال هيكهربنى
لو رُحت لخالتى وشكيت

كل ده علشان عايزه أتجوز
واحد مش جاى على مزاجهم
وباأقول إسمه ماما تبوز
دايماً سيرتُه بتهيجهم

أصل أخويا بيكرهه جداً
بيقول من عيله مش هاى
وآدى حبيبى فـ مالطه بيدَّن
ضغطوا علىَّ فقلت له باى

مع إن أخويا المدَّلَّع
مِختار واحده زى البومه
ونقول لأه الدنيا توَلَّع
أو يمكن ناخُد بالشُّومه

شكلها عامل زى غوريللا
ضبَّها يجى شبرين قُدَّام
ولسانها زى الفَرقِلَّه
وعيلتها مش عيله تمام

رحت لبابا قلت له دادى
أنا زى أخويا أنا حُرَّه
فقعد يضحَك عالكلمه دى
بعدها قال لى إطلَع لى بَرَّه

هُوَّ دَكَر أمَّا إنتى نتايه
هو على كيفُه يختار
ولا عندِك دَم ولا ربايه
كَاسفانا وجايبه العار

رُحت لأبونا عشان أشكيلُه
قال لى يابنتى أنا مشغول
وساعات مش باألقاه لو أجيله
وموبايلُه على طول مَقفُول

وإللى باأحبُّه راح يخطبنى
طلبوا منه حاجات خَنَقُوه
بعد ماجابها وراح يطلُبنى
إتلَكِّكوا تانى وطَرَدوه

بَقى مِتهان مكسور الخاطر
وده شىء صعب وجع لى ضميرى
وِفِضل صابر صابر صابر
بَعدَها سابنى وِخَطَب غيرى

تَن أخويا علىَّ يغَلِّس
وأنا مقهورة وأنا متكاده
فاضل حَبَّه خلاص وِهاأعنِّس
قلت فى بالى لأ بزياده

ولا كلمه حلوه فى البيت
ولا حتى رعاية من أبونا
فَكَّرت كويس ونويت
أعمل حاجه تكون مجنونه

حاجه تفَوَّق لى النَّاس دُول
وتخليهم يسألوا عنِّى
وِتخَلِّى أبونا المَشغُول
يحفى علىَّ عشان يقابِلنى

أنا قررت أشوف لى حبيب
وهاأعوَض كل الحِرمان
إن شالله بياع أنابيب
أو سواق توك توك غلبان

هاأتجوز وهاأعيش وحديَّ
حتى لو كان مش متدين
أنا محرومة من الحنِّيه
وإللى هاممنى يبقى حنَيِّن

أصلكم إنتوا ماربيتونيش
غير عالقَسوه وكتم الصوت
لوموا نفسكوا بقى ماتلومونيش
عيشتى فى بيتكم زى الموت

لا خطفنى وخَبَّانى فـ شنطه
ولا فيه حاجه صفرا أشربها
لو تعتبروا هروبى ده غلطة
تبقم إنتوا ياأهلى سَبَبها

وهاأسيب قبل ماهاأمشى جواب
هاأكتب فيه أنا سايبه البيت
هاأتجوِّز عبد التواب




إمضاء إبنتكم جورجيت
اى واحدة هى جورجيت






أرفع رأسك لو مقطوعة خليك ميت وانت رافعها
دى الراية هتفضل مرفوعة دم الشهداء هو رافعها


الرجوع الى أعلى الصفحة اذهب الى الأسفل
 
رسالة من بنت مسيحية ..هتجوز عبد التواب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أولاد أم النور :: المنتديات الإجتماعية والخدمية :: القصائد والاشعار والتأملات والترانيم المكتوبة-
انتقل الى: