هام جدا للجنسين .. الصداقة بين الشاب والفتاة من على النت وتطوراتها ومدى خطورتها

هام جدا للجنسين ..

 الصداقة بين الشاب والفتاة من على النت وتطوراتها ومدى خطورتها




character0009 يامن خلقت المسكونة والبشر ..احمى ولادك وبناتك من غدر القدر character0009 




هذا الموضوع يعود فيه الفضل لأبنتى فى المسيح يسوع تريزا عوض الله الخادمة النشيطة على الجروبات المسيحية  بالفيسبوك وقد قامت بنقل الموضوع من مكانه الأصلى لجروباتنا التى نتشرف بالخدمة بها  وأضافت اليه سطور قليلةخاصة باخواتها البنات ..وانا بدورى انقل الموضوع  لكل اخوتى واخواتى وأبنائى وبناتى للنقاش حول الموضوع  والأستفادة منه ..ربنا يحمى كل ولادنا وبناتنا من كل شر ..

 

      +++((( الصداقة بين الشاب والفتاة من على النت وتطوراتها ومدى خطورتها )))+++

      موضوع عجبنى وحبيت انقله ليكم علشان الكل يستفاد

      ...



      الصداقة بين الشاب والفتاة من على النت وتطوراتها ومدى خطورتها فيما بعد على الطرفين



      كل إنسان مننا معرض للخطـــــأ ؛ للفشل ؛ لليأس ؛ للضياع
      ده طبيعى جداً بس المهم اننا نتعلم من اخطائنا ونحاول نتغلب عليها علشان نكون احسن من الاول
      الانسان بطبيعته البشرية معرض للخطية وعدو الخير دايماً بيساعدنا على الوقوع فى الخطأ لكن لو ايد ربنا ماسكانا صدقونى الوضع هيكون مختلف جداً


      كتير من الشباب بيدخلوا على النت وممكن كمان يكون ليهم اصدقاء مقربين جداً من خلال المواقع والمنتديات المسيحية
      ده مش غلط ؛ لأن الانسان بطبيعتو مخلوق اجتماعى ميقدرش يعيش لوحدو حتى لو كان ده على النت لأن أى مجال من مجالات الحياة بشكل عام بتتطلب وجود روح التعاون


      هكلمكم بنعمة المسيح عن موضوع مش اول مرة تسمعوا عنو لكن هو مهم جداً ويهم كل بنت وخصوصاً كل بنت مسيحية
      ممكن بعض البنات - ومش بقول كلهم - تتعرف على واحد من اى منتدى على النت وتبدأ تتكون مابينهم صداقة وتتطور علاقتهم بعد كدة ممكن الى حب وممكن كمان مفيش مانع انو يوهمهما بأنو هيرتبط بيها على الرغم من انها
      بتتكلم مع واحد متعرفش عنو اى حاجة خالص غير من كلامو معاها على النت يعنى لا عمرو شافها ولا عمرها شافتو بيتكلموا وبس


      انا كتبت الموضوع ده علشان عارفة ان فى بنات كتير بتمر بالحالة دى بس مبتلجأش لحد علشان تعرف منو هى ايه موقفها من تصرفاتها دى ؟ هى كدة صح ولا غلط ؟ المفروض تثق فى اللى بيكلمها ده ولا تعمل ايه ؟


      أولاً : مش المفروض خالص انك تكونى من النوع اللى بيثق فى كلام اى واحد او واحدة من على النت بسهولة لأنك متعرفيهوش فطبيعى ان الثقة متتكونش بسهولة الا من خلال مواقف كتيرة بتمرى بيها مع الشخص اللى بيكلمك ده وعلى اساسها بتبتدى تكونى عنو افكار وتعرفى هل الولد ده كداب وقال كدة لكذا واحدة قبلك (( وصدقونى دى الحقيقة ده ممكن يكون يعرف ييجى ميت واحدة غيرك ويقوللك انو مبيكلمش غيرك ومفيش واحدة فى حياتو غيرك وانتى .. وانتى .. ويخليكى تقولى بس .. ده الولد ده كويس ومفيش زيو .. وترجعى تعيطى فى الآخر )) وممكن برضو يعنى يكون كويس وده احتمال بنسبة ضئيلة اوى 1 % مثلاً بس ده شئ نادر جداً


      لازم يكون ليكى مرشد روحى امال ربنا هيتدخل ازاى فى الموضوع ؟ يعنى تكلمى اب اعترافك .. باباكى .. مامتك .. أخوكى .. اختك بس يفضل اب اعترافك علشان تعرفى انتى بتتصرفى صح ولا غلط وغالباً تعارف النت ده بيبقى كلام وبس وصدقونى ده كلام واقعى جداً وحقيقى وبجد مهما العلاقة دى اخدت وقت برضو صدقونى هيطلع الموضوع مجرد كلام وبس


      متخلوش العلاقة تتطور بسرعة زيادة عن اللزوم ومتخليهوش يعرف عنك كل حاجة لأن الطيبة زيادة عن اللازم دى مش مفيدة
      امشوا في العلاقة واحدة واحدة. خالص وصدقونى علاقات الحب اللي بتبدأ على الرابع دى غالباً بتفشل
      ما تشاركوش مع بعض عيوبكم وضعفاتكم ومشاكلكم الشخصية في أول العلاقة ليه؟ لأن الطرف الآخر بيستخدمها ضدك مع أول سوء تفاهم وصدقوني هيحصل سوء تفاهمأكيد بينكم وساعتها هتفهموا معنى كلامى ده


      لازم يكون الاحترام هو الاساس اللى علاقتكم مبنية عليه متخليهوش يتعدى حدودو معاكى خالص مهما حصل وبينيلو انو لو قال حاجة غلط انتى هتتضايقى متخليش كل حاجة عادى كدة انتى
      بنت المسيح ولازم تكونى مستحقة انك تكونى بنت للمسيح مش واخدة لقب مسيحية كدة وبس متخليهوش يقوللك اى كلام مش فى وقتو ويتحجج لك انو بكدة هيتقرب اكتر ليكى فى طرق كتير اوى الانسان بيكشف للى قدامو عن اللى جواه من غير الكلام ده خالص وبعدين انتو مش مخطوبين يبقى مفيش اى داعى لكلامو بالطريقة دى معاكى وانتى سهل جداً تكتشفى اللى قدامك ده بيتسلى ولا بيتكلم بجد يعنى لو لقيتيه اتكلم الكلام ده وفتح مجال ليه لو لقى منك تجاوب يبقى خلاص انتهى الموضوع وبكدة تعرفى انو قال كدة مش ليكى بس لأ ده يمكن ييجى ل 100 واحدة قبل منك


      كمان نقطة مهمة جـــــــــــــــــــــــــــــ​ــــــــــــــــــــ ـــداً
      رجـــــــــــــــاء محبــــــــــة علشان خاطر المسيح بلااااااااااااااااااااش الصــــــــــــــــــــــــورة​ بتاعتك توصـــــــــــــل خــــــــــــــــالص عندوحتى لو قاللك ان علاقتو بيكى هتنتهى لو مورتيلوش صورتك مش لازم يشوفك دى اهم حاجة بجد يا بنات اوعى تغلطى الغلطة الشنيعة دى وتديلو صورتك او حتى توريلو صورتك صدقينى الإنسان التافه اللى بيهموا الشكل وبيبعد عن الجوهر ده بيبقى عندو فراغ بيحاول يملاه وبس ومش هيفرق معاه انتى حلوة ولا وحشة يعنى ده ممكن يكون عاوزك توريلو صورتك بس علشان يتمنظر بيها قدام اصحابو ويوريهم انك حلوة ويعمل نفسو الواحد اللى مفيش غيرو فى الدنيا وهو اصلاً بيلعب بيكى مش اكتر ولا اقل كمان خلى بالك انك لو وريتهالو على الايميل بس ممكن برضو ياخدها منك مش شرط يعنى تبعتيهالو علشان تبقى معاه لأ ده ممكن ياخدها منك وانتى مش عارفة


      بجد بزعل جداً لما بشوف بنات كتير حاطة صور ليها وممكن تكون لابسة فيه لبس لايليق خالص وحاطاها ممكن على موقع زى الفيس بوك كدة لأى حد يشوفها
      انتى متعرفيش انك بكدة بتسمحى لاى حد انو يعمل للصور دى كوبي عندو وبعد كدة فى برامج كتير ممكن تركب الصور دى على حجات مش كويسة خالص ؟ وممكن يهددك بيها بعد كدة ؟
      ليه كدة ؟ ليه تسمحى لحد ميعرفكيش انو ياخد صورتك ويعمل فيها كدة ؟ انتى بنت المسيح يعنى لازم تكونى مختلفة عن اى بنت تانية


      كمان نقطة مهمة اوى لازم تخلوا بالكم منها إن في كتير من الأوقات الطرف التاني بيحاول يمتحن العلاقة وده بيكون من خلال طرق كتير.


      مثلاً تلاقي احد الاطراف تراجع شوية عن العلاقة، أو افتعل خناقة علشان يزعل الطرف التانى منو او يضايقوا بكلام معين علشان يختبرو بيه ويعرف هو هيتصرف ازاى فى موقف زى ده وبيفكر ازاى وهل هو عصبي ولا لأ . ممكن يمر أسبوعين من غير ما الطرف الآخر يتصل. ممكن حتى يحاول يثير غيرتك بأنه/ إنها يغازل شخص تاني او يكلمك عن واحدة | واحد تانى
      في كل مرة بيحصل حاجة زى كدا خليك/ خليكي تقيل \ تقيلة.. ليه؟ لأن الطرف الآخر في الحالة دي عايز يعرف هل أنا حر إني أسيب العلاقة وقت ما أعوز ولا لأ. هل هى \ هو بعد الموقف ده هيعاملنى زى الاول ولا لأ


      حاولى تجربيه بكذا طريقة متخليش نفسك من النوع اللى ممكن يوافق على اى حد كدة والسلام


      أوعوا في الحالة دي تتمسكوا بالطرف التاني أو تطلبوا منه يرجع. يا ما ناس عاشوا طول عمرهم من غير ما يرتبطوا بسبب إنهم معرفوش يتقلوا وقت الامتحان ده


      تبدأ القصة كالتالي

      اولا :الاسم


      ثانيا :الصورة الشخصية

      ثالثا : المويابل بقا





      و الغرض هو التلاعب بعواطف البنت و خلاص ..و لا فية عندهم يسوع و لا حاجة ..المهم التسلية و خلاص

      انا مش قادرة اصدق الكلام اللي بيحصل لشبابنا المسييحين

      ازاي يسمحو يعملو كدة علي نفسهم ..لية مش بيفتكرو ربنا في كل حاجة بيعملوها و غرضهم اية في النهاية

      ايقاع البنت

      ..

      ايقاع البنت

      ..ثم

  


   ايقاع البنت

      اللزة الشخصية ..الشهوة الشخصية برضة
      تبادل لكل كلات الغرام دون حدود
      و تصدق البنت خلاص ان انة وقع في حبها


      كفايةةةةةةةةةةةةةةةةةةةةةةةةةة​ة

      بقول لكل شاب مسيحي بيعمل كدة و واقع في كدة ..حرام بقا ..افتكر ان ممكن يكون ليك اخت يتعمل فيها كدة .

      و البنت لازم تفوق و تحمي مشاعرها و تعرف ان مفيش حاجة اسمها حب عن طريق الانترنت و دة عمرة ما حيحصل ..

      النتيجة ..

      الفراق او الانفصال النهائي ..و البنت هي الضحية
      تفقد عملها او تفوقها في الدراسة
      و تعييش وسط الزكريات المؤلمة و مش بعيد تصاب بعقدة
      طب كل دة عشان اية ..واحد مسيحي اسمي ..
      ميعرفش اسم المسيح و لا عمرة شافة


      عاوز اشوف ردودكم بامانة
      الموضوع منقول و انا ضايف علية

 

      ملحوظة فى بنات بتعمل اكتر من الصبيان ودى عن تجربة شخصية بجد
      ربنا يحمينا ويحمى بناتنا ويديهم الحكمة

      الموضوع منقول للامانة

سلام ونعمة الرب معكم جميعاً
موضوع يستحق النشر والكلام فيه لأنه فعلاً خطير جداً وحذاري حذاري لشبابنا وشاباتنا أن لا يقعوا في حبائل الشيطان فهناك شياطين لابسة زي إنسان تفعل ما يحلو لها فلا تغرنكم اقوالهم وما ينشروه في النت من صور وفيديو لإعمال باهرة تجذب إليها النظر فكلها خيوط لسحب أرجلكم والوقوع بفخ لا يمكنكم الخروج منه ...
إخوتي وأحبائي وأبنائي الشباب والشابات تمسككم بدينكم ومسيحيتكم وبربكم يسوع المسيح له المجد لا تنسوا بأن الرب يسوع قد ضحى بنفسه من أجلكم فأعملوا جاهدين على رد الدين للرب يسوع وكيف تجازوه بأعمالكم ونظراتكم ومحبتكم الصادقة والمحبة بالصلاة والإيمان وأحذروا إحذروا مرة أخرى من حبائل إبليس ومعاونيه على الأرض (( فإن المعاشرات الردية تفسد الأخلاق الجيدة ..1 كو 15 : 33 ))
وأخيراً اخوتي وابنائي يقول الكتاب المقدس (( توكل على الرب بكل قلبك وعلى فهمك لا تعتمد ...أم 3 : 5 ))
صلاة : أعطني يا رب الحكمة لأختار الأصدقاء الذين يشجعونني للنمو في معرفتك وخدمتك ...آمين