مديح الأم أيريني

تمجيد الأم إيريني

القرار : السلام لك يا تاماف

- فى كنيسة الأبكار فى مجمع الأطهار قائمة بكل وقار
- فى سن الشباب فضلت رب الأرباب عن الأهل و الأصحاب
- تركت الأرضيات حبا فى السموات يا شفيعة فى الضيقات
- و البابا يوم رسامتك تنبأ و قالك أما تكوني لشعبك
- ينطبق قول الرسول عليك أنت يا بتول لشعبك أكملت الجهاد على طول
- فى دير أبى سيفين علمتنا الكثير من تراتيل و مزامير
- و ايرينى كان اسمك و سلام كان فعلك مع كل من طلبك
- حبيتي أبى سيفين وفى ديره خدمتي سنين بالأمانة فى كل حين
- علمت الراهبات الطاعة و الثبات فى محبة رب القوات
- المعجزات قدمتى مع كل من أراد من كل الطبقات
- قدمتى العطايا نفذتى الوصايا محبة فى رب البرايا
- أخذتى المرض صليب محبة فى الحبيب ليكون لك نصيب
- العذراء و أبى سيفين حبوك هما الأثنين لطلباتك مستجيبين
- و الناس لما شفوكى طلبوكى و نادوكى و شفيعة أخذوكى
- و عمرتى دير كرير لحبيبك فيلوباتير شهيد الله القدير
- أحتملتى الآلام يا عروسة للديان حبيبتنا فى كل آن
- و فى أثناء سفرك الى جرجا بلدك لم يتركك وحدك
- عملتى العملية لأخو أمنا برتينيا فى أثناء العشية
- و أبونا مرقس طلب صلواتك حضرت له بنفسك
- رجعت له الحياة الدكتور لما رآه قال ده شئ من الإله
- و طول فترة مرضك دايما شاكره ربك وشكرك من قلبك
- الخاطئ سامحتيه المرتد رجعتيه المكسور قومتيه
- و فى مركز الحياة أنتقلتى الى السما فى مساء يوم الثلاثاء
- أنتقلتى لحضن الحبيب مع لوقا الحبيب وهذا أحسن نصيب
- ياريت نحيا حياتك أذكرينا فى صلاتك قدام عرش إلهك
- طوباكى ثم طوباكى يا حبيبة مولاكى المسيح أتى و دعاكى
- تفسير اسمك فى أفواه كل المؤمنين الكل يقولون يا إله أمنا أيرينى أعنا أجمعين

- ياريت نحيا حياتك أذكرينا فى صلاتك قدام عرش إلهك
- طوباكى ثم طوباكى يا حبيبة مولاكى المسيح أتى و دعاكى
صلوات وشفاعة أمنا تماف أرينى معانا كلنا
شكرا كتير صلاح

» مديح الأم دولاجي صوت للتحميل mp3
» عظة الأم للقمص يوسف أسعد
» عفوا .. تهنئة بعيد الأم
» ما حكم الإسلام في الاحتفال بعيد الأم ?
» اجمل واحلى ترانيم في عيد الأم