| تقرير عن رحلة المشرف العام الى المنيا وسوهاج ونجع حمادى والأقصر | |
|
|
كاتب الموضوع | رسالة |
---|
maady وســــــــام كبار الشخصيـــات
شفيعـي : أم النور المزاج : القراءة الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: تقرير عن رحلة المشرف العام الى المنيا وسوهاج ونجع حمادى والأقصر الأحد 24 أكتوبر 2010, 8:36 pm | |
| | |
|
| |
maady وســــــــام كبار الشخصيـــات
شفيعـي : أم النور المزاج : القراءة الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الأحد 24 أكتوبر 2010, 9:44 pm | |
| البداية
المحطة الأولى .. المنيا
منحنى الرب نعمة العمل باحدى البواخر السياحية وتقرر سفرى مع الباخرة من القاهرة الى الأقصر وعبثا حاولت التهرب من السفر لارتباطات اعمالى بالقاهرة ولكن كانت مشيئة الله ان أسافر ومجرد ان علمت بموعد تحرك الباخرة اتصلت بقدس أبونا آريانوس لعمل نهضة فى اجتماع النعمة وابلاغ اخوتى وابنائى بالمنيا بموعد حضورى
كنت فى زيارتى التانية للمنيا والتى اصطحبت فيها ابنتى وقضينا ثلاث ايام رائعة فى رحاب الأديرة والكنائس وتكللت الرحلة باكبر زيارة قمت بها وهى زيارة مدينة انصنا للشهداء وبعد اجتماع النعمة وسبق لى ان رويت ان هذا الاجتماع يعقد فى الشارع وعند ملتقى ثلاث شوارع ويشكل حرف T نظرا لعدم وجود كنيسة بالمنطقة والمنطقة فقيرة نسبيا وكم كانت سعادتى للأستقبال الحافل الذى استقبلنى به شعب المنطقة وكانت هذه زيارتى التانية لهم وعقب الاجتماع مباشرة وكنا فى ضيافة احد الأسر هناك واخذوا ابنتى لترى حسب تعبيرهم زريبة البهايم وترى العجل الوليد وكيف يتم حلف الجاموسة وقدموا لها كوب لبن دافىء لم تستطع ان ترتشف منه الا رشفة واحدة لكونه لبن دسم جدا وهى لم تتعود على ذلك وقدموا لنا كشك وبتاو (البتاو نوع من الخبز الفلاحى ) وعندما حاولوا تقديم كوب لبن لى رفضت ابنتى باصرار شديد وقالت بابا تعبان وميقدرش يشرب اللبن ده قلبه يقف واثناء كل ذلك كان ابونا آريانوس غائب عنا فى بيت اخر وعندما جاء ..قال لى باسما كعهده الناس هنا قرروا انك لازم تزورهم مرة كل شهر والايام اللى هتكون موجود فيها هنعمل نهضة فى الاجتماع اى سيكون الاجتماع يوميا ولم اعرف بماذا أرد قلت بس صعب اجى هنا كل شهر قال هذا قرار ولارجعة فيه قلت ربنا يدبر الامور
...
لذلك حينما تقرر سفرى وعرفت موعد وصول الباخرة الى المنيا أبغت أبونا بموعد وصولى قبلها بثلاثة ايام وقام أبونا بابلاغهم وقوبل الخبر بفرح عظيم وأبلغنى قدس ابونا بالخبر وفرحة الناس وكنت اعد الساعات للقاءهم فكم احببت هذا الشعب البسيط ... فى اليوم المحدد لوصول الباخرة اتصلت بقدس ابونا وابلغته بوصول الباخرة فى تمام السادسة مساءا الى تل العمارنة وتل العمارنة هى الشاطىء الشرقى للنيل وعلىّ عبور النيل الى البر الغربى وقررت العبور بالمعدية
...
كان صديقى احمد وهو احد العاملين بالباخرة سوف يهبط معى لنزوله اجازة لمدة 24 ساعة نظرا ان بلدته اسيوط على ان يعود الى الباخرة فى اليوم التالى عند وصولها الى أسيوط وعندما علمن بذلك قلت له ممكن تنزل معايا وابونا هيكون فى انتطارى وناخدك معانا فى السيارة
...
كل من على الباخرة مسلمون حتى العمال اللذين كانوا معى واستطعت فى سويعات قليلة ان انال حب واحترام الجميع من اول مدير الباخرة الى اصغر عامل الكل يود الحديث معى ولا أرفض طلبا لأحد وأقابل الجميع بحب وترحاب وعند اى سؤال دينى اجيب بكل بساطة ليتامشى مع عقلية من اتكلم معه وكان هناك حالة شغف لمعرفة الكثير عن المسيحية وانا اجيب ببشاشة وسعة صدر لذلك التف الجميع حولى
اكتب هذا ليس لمجد شخصى بل مجدا للرب الأله الذى اعطانا الحكمة والعقل والبصيرة ليتكلم على السنتنا ونكون شهودا له ليعطى لأسمه كل مجد وكرامة
...
ومن بين الأصدقاء كان احمد ووافق بعد حرج كبير ولكننى اوضحت له ان الامر بالنسبة لنا بسيط جدا وليس فيه اى احراج
...
تاخرت الباخرة عن موعد وصولها ساعتين كاملتين من السادسة الى الثامنة كل ذلك وأبونا فى انتظارنا على الشاطىء ومعه اسحق
...
أسحق كان يعد لدخول الدير والرهبنة وهو موسوعة ناطقة متحركة يحفظ التاريخ القبطى حفظا كاملا ويحفظ اسماء جميع الشهداء والقديسين وقصة حياة كل منهما وجميع اسماء كنائس الله ومكانها وتاريخ انشاؤها كما يحفظ اسماء واماكن المغارات التى بالجبل وكل الاباء النساك والسواح اللذين سكنوها الم اقل لكم انه موسوعة ناطقة متحركة يضاف الى ذلك قلب طفل صغير وبرائته للدرجة التى اثارت استغراب ابنتى فى زيارتنا للمنيا وبعد ان تعرفت على اسحق وقالت لى .. ممكن يابابا لسة فى زماننا ده ناس كده ناس بريئة كده .. ناس نظيفة كده دا طفل كبير يابابا قلت لها فيه كتير ولولا الناس دى كان ربنا ولع فى الدنيا زى ماحصل زمان
... ونظرا لطول فترة الانتظار تعرض ابونا لمضايقات اطفال المنطقة وقالوا كلاما لايليق وانتهرهم اسحق فابتعدوا قليلا وجاء عم محمد وهو شيخ وقور ونهر الاطفال بعيدا واخذ ابونا واسحق الى المضيفة فى احد العائمات الموجودة على شاطىء النيل واعتذر لقدس ابونا كثيرا مما لاقاه من الاطفال ودار الحديث من لقن هؤلاء الاطفال كل هذه الكراهية وتكلم عم محمد عن ايام زمان حينما كان يسود الحب بين الجميع واحترام رجال الدين وكيف لم يكن هناك فرق بين مسيحى ومسلم الان الدنيا اتغيرت والناس اتغيرت والقلوب اتغيرت كان عم محمد محقا فى كلامه ...
وصلت الباخرة بسلامة الله وفور هبوطنا منها اتصل بى قدس ابونا قال انا شايف الباخرة اطلع قدام شوية هتلاقى لنش مستنيك يجيبك ناحيتنا وحاولت اشاهد ابونا ورفعت يدى ملوحا فقال لى انا شايفك وترجلنا خطوات بسيطة ولحظات وجاء اللنش اتفضل ياباشمهندس ابونا فى انتظارك كان معى احمد وكجرد ان وصل اللنش الى البر الغربى وغادرته جريت فى اتجاه ابونا آريانوس الذى فتح يديه لى وارتميت فى حضنه معانقا ومقبلا
مشهد اثار فضول الجميع مشهد غريب على هذه المنطقة التى لم ترى قسيسا منذ سنوات بعيدة مضت والقسيس فى ضيافة وحماية عم محمد ومهندس غريب يعانق القسيس
وقبلت يد أبونا ثم عانقت اسحق كثيرا وصافحته بحرارة الحب الذى يجمع بين قلبينا
وقدمت احمد الى ابونا صديقى احمد اخ لينا على المركب (بلغة البحر) وصافحه ابونا واسحق وقدم لى ابونا عم محمد وصافحته شاكرا محبته وانتظاره لنا مع ابونا وقال عم محمد لما ترجع بالسلامة ياباشمهندس اتصل بينا اللنش يجيلك فورا وحاول عم محمد استضافتنا والقيام بالواجب معنا لكننا شكرناه كثيرا وركبنا السيارة انا وابونا واسحق واحمد
وحاول ابونا استضافة احمد لكن احمد اعتذر لضيق الوقت وان يتوق لرؤية اولاده وزوجته
وهبط اسحق مع احمد من السيارة لتوصيل احمد الى السيارة التى تقله الى اسيوط
بينما انطلقنا انا وابونا فى طريقنا الى الاجتماع
وفى الطريق روى لى ابونا المضايقات التى تعرض لها
كما روى لى اشتياق شعب الاجتماع لرؤياى والاستماع الى الكلمة التى سوف القيها
كنت فى المرة الاولى تكلمت عن بعض الفضائل وفى المرة الثانية تكلمت عن معجزات ام النور وسألنى ابونا هتتكلم فى ايه النهاردة قلت .. صدقنى انا بجهز فى الكلمة دى من ساعة ماكنت هنا المرة اللى فاتت هتكلم عن الالام فى حياة ام النور
...
| |
|
| |
maady وســــــــام كبار الشخصيـــات
شفيعـي : أم النور المزاج : القراءة الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الأحد 24 أكتوبر 2010, 10:15 pm | |
| اجتماع النعمة
وصلنا بالسيارة الى مكان الاجتماعومجرد هبوطى من السيارة فوجئت بكوتش مان بجوار السيارة
احتضنته وعانقته طويلا لقد ترك ارتباطات مهمة ونرك كل شىء ليكون معنا وليكون فى استقبالى
ولم أفرغ من كوتش مان حتى وجدت ابنائى هانى منير ومينا الكوتش بجوارى
وصافحتهم وعانقتهم وقبلتهم هؤلاء الشباب فخر شباب المنيا احب الناس الى قلبى من اجلهم آتى الى هنا بكل الحب الحب الذى رأيته فى عيونهم وقلوبهم وبنفس الحب يتركون كل شى للقائى
وسرنا فى طريقنا الى الاجتماع
...
الاجتماع كما قلت سابقا يعقد فى الشارع ثلاث شوارع على هيئة حرف تى يجلس الرجال فى جانب والبنات فى الجانب الاخر والسيدات والاطفال فى الجانب الثالث من الحرف تى وامامهم السماعات الكبيرة لستمع الجميع ... ومجرد مرورنا ووقوفنا فى المكان المخصص لنا فى الوقوف لحين احضار كراسى لنا لأن الجميع هنا جلوس على الارض دوت عاصفة من التصفيق المتواصل فاشرت بيدى لهم شاكرا صدق مشاعرهم
...
قال أبونا استاذ مجدى جاى مخصوص علشانكم هو كان فى شغل ولما المركب وقفت جه لكم فقاموا بالتصفيق مرة اخرى
وابتدأ البنات فى تقديم مسرحية جميلة يقومون هم بتاليفها وتمثيلها بامكانياتهم الضعيفة جدا لكن المعنى الروحى من المسرحية يصل بسهولة الى قلوب الناس
بعدها فريق الترنيم بالمنطقة انشد بعض الترانيم و الألحان الجميلة
...
قال لى ابونا آريانوس قبل ذلك ان هؤلاء الناس كانت كلمة كيرياليسون صعبة عليهم وميعرفوش ينطقوها وانا بخدم هنا من قبل الرسامة شوف دلوقتى حلوين ازاى
...
وقبل ان يقدمنى أبونا آريانوس طلبت احدى بناتى هناك الكلمة فقال لها ابونا هتقولى ايه قالت هنرحب بعمو مجدى قال لى ابونا باسما .. صدقنى انا اول مرة اعرف الموضوع ده ان البنات مجهزين كلمة
والقت ابنتى الكلمة وهى كلمة ترحيب باسلوب بسيط عفوى وشكر على انى اتى اليهم متحملا تعب السفر وانهم ينتظرون قدومى اليهم ويحفظون كلامى عن ظهر قلب ويشكرون ابونا آريانوس على كل خدماته لهم وعلى حضورى الاجتماع
أسعدتنى كثيرا كلمات ابنتى التى لم تتعدى الرابعة عشر من عمرها وصافحتها شاكرا لها محبتها الكبيرة متمنيا لها دوام التوفيق
...
| |
|
| |
maady وســــــــام كبار الشخصيـــات
شفيعـي : أم النور المزاج : القراءة الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| |
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الأربعاء 27 أكتوبر 2010, 6:10 pm | |
|
الجزء الثانى
زيارة مدينة سوهاج
حينما وصلت بنا الباخرة الى سوهاج خرجت أنا وزوملائى موظفى الباخرة أحمد وطلب (بكسر الطاء واللام وتسكين الباء ) فى رحلة نستكشف فيها معالم سوهاج وعبرنا الكوبرى العلوى اعلى النيل متوجهين الى البر الغربى حيث مدينة سوهاج
تجولنا داخل المدينة وعند اخر الشارع لمحت كاتدرائية كبرى لفتت امنتباه اصدقائى
قال طلب ابسط ياعم مجدى الكنيسة قدامك اهه ادخل بقى خد بركة واتبسط
... اثناء تواجدى بالباخرة لايخلوا حديثنا عن المعلومات الدينية ومن خلال حوارتنا معا عرف طلب اننى شغوف بزيارة الكنائس ولااترك فرصة مواتية والا استغللتها فى زيارة الكنيسة اى كنيسة .. لأننى اعتبر الكنيسة هى بيتى الاول الكنيسة فى اى مكان هى سلوتى ومكانى فى اغترابى الدائم خلال عملى الكنيسة مكانى وبيتى وعزائى وحياتى فيها اجد الامان والدفىء والاطمئنان فيها اتخلص من كل الامى واحزانى واغسل خطاياى بدموعى الكنيسة هى الملجأ والملاذ والحماية فيها يسوع وسط طغمات الملائكة والقديسين لذلك احس فيها بالامان والصدق مع الذات
مانتعلمه هنا وعلمناه يتعارض كلية خارج اسوارها واصدقائى المقربون يعرفون جيدا اننى لااكذب خاصة وانا داخل جدران بيت الله مهما كانت الاسباب والنتائج لأن هنا الصدق والاخلاص والصراحة والوضوح هنا ليكن كلامكم نعم نعم لا لا
...
نظرت الى الكاتدرائية وتاملتها جيدا انها مبهجة للعين كاتدرائية كبرى وامامها شباب وبنات ورجال وسيدات الشارع مزدحم ولها بوابتين كبيرتين
حاول طلب بكل قوته ان يدفعنى ويقنعنى بدخول الكنيسة قلت ماينفعش قال ليه قلت لأننى ارتدى فى قدمى شبشب وهذا لايليق ببيت الله القدوس بيت الله له احترامه
تعجب احمد وطلب من كلامى قال احمد ياعم احنا كلنا بنروح الجامع بالشباشب
لكننى كنت مصرا على رأيى لايجوز دخول بيت الله هكذا
بيت الله له احترامه
انتحينا جانبا امام احد محلات المينى ماركت لنشرف حاجة ساقعة
لمحت ان الام وابنتها لايرتديان الحجاب وشعرهما مسترسل واستمعا الى جانب من حوار زوملائى معى
قالت الابنة ياعمو مفيهاش حاجة لما تدخل الكنيسة بالشبشب هنا كل الشباب بييجوا كده
ابتسمت لها وقلت
انت اسمك ايه قالت كريستين قلت ماينفعش ياكرستين
ببيتك يارب تليق القداسة
وخلنا فى حوار طويل شارك فيه الجميع
...
هذه الكاتدرائية هى كنيسة مار جرجس بسوهاج وهى اكبر الكنائس فى المحافظة وليست كنيسة واحدة بل ثلاث كنائس كبرى كل منهما منفصلة عن الاخرى
كنيسة مار جرجس كنيسة العذراء مريم كنيسة الانبا باخوم
وهم يخدكوا منطقة كبرى وياتى لها الزوار من كل مكان
وتحتوى الكاتدرائية على مكتبة لبيع الكتب والايقونات والصور وبيت لحم لتصنيع القربان واغابى وكافيتريا مجهزة على احدث مستوى ولها بواباتان كبيرتان واحدة للدخول وواحدة للخروج
وهى من اهم معالم محافظة سوهاج
| |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| |
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| |
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الأربعاء 27 أكتوبر 2010, 7:31 pm | |
|
الجزء الثالث
مدينة الشهداء نجع حمادى
حطت بنا الباخرة بجوار كوبرى نجع حمادى انتظارا لفتح الكوبرى العاشرة صباح الغد لتعبر الباخرة طريقها الى الأقصر
كان الوقت بعد الرابعة عصرا بقليل
...
الآن والآن فقط يتحقق حلم العمر زيارة مديمة نجع حمادى
لقد سبق لى ان زرت مدينة نجع حمادى كثيرا ووالدى على قيد الحياة وهو كان يعمل بها وزرتها بعد انتقاله للسماء لآنهاء بعض الاوراق
وزرتها كثيرا اثناء وقوف البواخر بها للعبور
وزرت كنائسها ومطرانيتها واعرفهم جيدا
لكن هذه الزيارة مختلفة
ومنعت اكثر من مرة من الزيارة
لأسباب تتعلق بامن المدينة واسباب تتعلق بامنى الشخصى
منذ اللحظة الاولى للحادث كنت اود ان اكون هنا لكن الامور سارت عكس مااريد
وهاهى اللحظة قد حانت
وانا فى نجع حمادى
لن انظر اليها من شرفة القطار واتابع منارات الكنائس الست وهى مضاءة ليلا
نعم ست منارات مضاءة
تراها كل ليلة
وكثيرون لم يفهموا ولن يفهموا
لماذا سمحت العناية الالهية بست منارات تضاء يوميا
لأن الله بعلمه السابق كان يعلم ان هناك ست شهداء
سيكونون شهودا لكلمة الله
وبدمهم الطاهر
يضيئون فى ملكوت ابيهم
...
الان لااستطيع ان اصطحب احد معى ولا اريد ان اصطحب احد ولااريد ان يعرف احد وجهتى ولا اريد احد
فقط انا وحدى اعرف وجهتى
...
خرجت من الباخرة وصعدت اعلى الطريق
وتوجهت مترجلا فى طريقى الى كنيسة مار يوحنا
المدينة تغيرت كثيرا كثيرا جدا
شوارع واسعة ومرصوفة سيارات امن فى كل مكان ...
قال لى موظف الامن بالباخرة وانا خارج من الباخرة ياباشمهندس لو خارج نجع حمادى خد بطاقتك معاك ومتتاخرش بالليل البلد دى مش امان ...
نعم ليست فيها امان لأهلها واصحابها فقدوا الامان يوم فقدوا اغلى الولدان فقدوا الامان فى يوم ميلاد ملك السلام
عندك حق مبقيتش امان
...
الشرطة فى كل مكان والحواجز الحديدية تغلق اغلب الشوارع
سرت فى طريقى
وشاهدت سوبر ماركت به صورة العذراء
دخلت بحجة شرب حاجة ساقعة
فتحت التلاجة واخذت زجاجة وفتحتها
ووقفت متاملا الصور الموجودة فى المحل
كانت تقف بالمحل فتاة فى عامها الخامس عشر تقريبا ترتدى سلسلة بصليب كبير فى صدرها من الوهلة الاولى تحس انه نوع من التحدى صور البابا كيرلس والعذراء والقديسين تملا المحل وصورة لشهداء نجع حمادى
قلت جميلة اوى الصور دى انت قاعدة بقى كده فى حماية
قالت فى نبرة صوت بها من التحدى الكثير
طبعا دول حمايتنا
قلت اسمك ايه قالت ...... (احتفظ باسمها وباسم كل من التقيت بهم فى نجع حمادى ولن اذكره )
ودار بينى وبينها حوار صغير عرفتها بنفسى من انا ومن اكون عمو مجدى المشرف العام لمنتدى اولاد ام النور قالت انا اعرف المنتدى ده كويس انا بدخل عليه باستمرار انا واخواتى وبعد حوار صغير عن المنتدى وعن الحادث وعن نجع حمادى
قلت الحادث كان فين بالظبط قالت قدام المطرانية ياعمو قتلوهم قدام المطرانية
قلت وعملتوا ايه لما عرفتوا قالت احنا سمعنا ضرب النار ناس قالت انه صواريخ جامده بيضربوها الشباب ليلة العيد لكن ابويا قال دا صوت رصاص حى مش صواريخ وماهى الا لحظات والا عرفنا الخبر
منعونا نخرج من البيوت قفلوا علينا البيبان والشبابيك
حبسونا
بقينا مش عارفين ايه اللى بيحصل الساعة سبعة الصبح فتحت السباك فتحة صغيرة انا واختى سمعت واحد راكب موتسيكل بيقول للى معاه اتحبسوا زى الكلاب النصارى الملاعين
قفلت الشباك بسرعة
كنا فى حالة رعب الحكومة فى كل مكان
وممنوع نزل الشارع
قلت بسؤال استفزازى يعنى معيدوش يا.......
عيد ايه ياعمو هوبقى فيه عيد دا كانت ليلة سودا ويوم اسود متطلعتلهوش شمس
احنا سمعنا شتيمتنا بودانا وشفنا الموت بعنينا
قلت لها انت مش خايفة وانت بتحكى كده قالت اللى شفناه ياعمو شال الخوف من قلوبنا هيعملوا ايه اكتر من اللى عملوه احنا مش بنخاف من الموت
وعبثا حاولت ان ادفع قيمة الحاجة الساقعة قالت عيب ياعمو انت بتشتمنا فى بلدنا دى اقل واجب انا مش عارفة اعمل ايه لو بابا موجود مكنش سابك ابدا
صافحتها بحرارة مودعا وانا اقول لها ربنا يحميك يا........
... اخذت طريقى الى كنيسة مار يوحنا
وبعد مشوار وصلت وجدت الباب الرئيسى مغلقا سألت احد افراد الحراسة الباب التانى فين
اشار الى الشارع الخلفى وهو شارع جانبى محاط بقوات الامن تامينا للكنيسة وزوارها
وتم اغلاق الباب الرئيسى تأمينا للكنيسة لأنه على النيل مباشرة
دلفت فى الشارع الجانبى وعند باب الكنيسة رمقتنى كل العيون وتابعنى الجميع ودخلت من بوابة الكنيسة فى ثبات شديد نظر الىّ خفير الكنيسة نظرة فاحصة ولاحظ اننى مجرد ما تقدمت بقدماى الى عتبة الكنيسة رشمت علامة الصليب على صدرى
ودخلت مباشرة الى باب الكنيسة الداخلى
انا الان داخل كنيسة الله
وصلاة العشية مستمرة
وتابعت الصلوات بفرح شديد
وعيناى تجول فى كل مكان بالكنيسة
ولم اكن اعلم ابدا ان الرب يسوع قادنى الى هنا لأتمام الحلم
لقاء حضرة صاحب النيافة الحبر الجليل الأنبا كيرلس
...
غدا نواصل الرحلة تابعونا | |
|
| |
وليد منير مشرف أقسام الإختبارات الشخصية الحياة الأسرية برامج الانترنت والتسلية والفكاهة
شفيعـي : ام النور والبابا كيرلس المزاج : عاشق ام النور الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الأربعاء 27 أكتوبر 2010, 10:46 pm | |
| حــــــــــــــــــــــــــــــــــــــــــــــرا م علييك يا عمو مجدى كان نفسى اعرف باقى القصه اليوم | |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 8:18 am | |
| بنعمة ربنا ياوليد النهاردة هكمل الموضوع
بس انا لما كنت فى المنيا انت ماكنتش موجود رغم انى اتصلت بيك وتركت لك رسالة زى باق الشباب
اكيد مااخدتش بالك
ربنا معاك ويوفقك
| |
|
| |
وليد منير مشرف أقسام الإختبارات الشخصية الحياة الأسرية برامج الانترنت والتسلية والفكاهة
شفيعـي : ام النور والبابا كيرلس المزاج : عاشق ام النور الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 9:21 pm | |
| انا بعتذار على عدم حضورى رغم انى كنت مشتاق لك جدااااااااااا وانت عارف الكلام ده كويس ومن غير مجامله بس انا قبل كده حكتلك ظروف شغالى لم كنا عند قداس ابونا لو حضرتك فاكر وانا بعتذار مره تانى وياريت اشوفك قريب | |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 10:54 pm | |
| | |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 11:25 pm | |
| نيافة الانبا كيرلس انسان بسيط جداجدا ثيابه عادية جدا أقل من اى قس موجود بالكنيسة وذقنه بيضاء وطويلة جدا وغير مهذبه صوته جهورى وقوى
صوته يجلجل فى انحاء الكنيسة يجبرك على الانصات له
ولاتستطيع ان تسرح بفكرك بعيدا حديثه مسترسل بسيط اللغة
كانت الكلمة عن الخدمة والارسالية شىء غريب جدا ان تكون العظة عن الخدمة والارسالية
هى رسالة سمائية
اذكر جيدا تلك العبارة الجميلة التى قالها
المسيحية ضد الجاذبية الأرضية المسيحية ترفعك الى السماء بينما الخطية تجذبك الى الأرض لذلك المسيحية ضد الجاذبية لأنها ضد الخطية المسيحية حياه روحية والخطية شهوات أرضية فلنسموا بروحياتنا لنصل الى السماء ونبتعد عن الارضيات لاننا سماويين ولسنا أرضيين
كلمات خرجت من فم طاهر جابت قلوب كل الحاضرين
وردا على احد الأسئلة أعلن نيافته عن الصوم الانقطاعى لكل الشعب القبطى ثلاث أيام اعتبارا من يوم الاثتين وحتى الارعاء على ان تبدأ القداسات الساعة الثانية عشر ظهرا وتنهى قبل الغروب
وقال مخاطبا الشعب
صوم انجطاعى يعنى مفيش اكل واخر النهار ناكل شوية فول مش لحمة مايبقاش صوم لو كلنا لحمة
وردا على سؤال اخر قال
قضية جرجس بارومى هتتاجل ومش هيحكموا فيها لأنه برىء واللى هما مايعرفهوش اننا جبنا شهادة من الجيش ان الولد خرج من الخدمة العسكرية بلجنة قومسيون طبى لأنه عنده علّة (عنة والعنة هى ضمور العضو الذكرى للرجل وبذلك لايقوى على اى معاشرة نسائية ) وماينفعش يدخل الجيش ومعتقدش ان اللسجلات العسكرية هتجاملنا احنا جبنا دليل براءة جرجس وهما عارفين انه برىء
كمان اقولكم على حاجة قضية شهداء نجع حمادى هتتاجل علشان لاوم يستمعول لمرافعة محامى المتهمين وهتاجل تان لسماع الشهود وهتتأجل تان وتالت ورابع
متنتظروش حكم قريب احنا منتظرين الحكم من الله
موضوع الانتخابات
انا أعلنت قبل كده وبقول تان انا ماليش دعوة باللعبة دى احنا مالناش دعوة باللعبة دى بقولها بصوت عالى احنا قاعدين بنتفرج ونشوف هيحصل ايه انا مش هقول لحد روح انتخب حد اللى عاوز يروح يروح واللى مش عاوز مايورحش مايروحش لكن انا ماليش فى الموضوع ده
يلا نصلى
ووقف ووقف كل الشعب وصلى صلاة قصيرة وبارك الشعب لينصرف بسلام
| |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 11:34 pm | |
| هبط درجات سلم الهيكل
ووقف الى يمين السيدات ليصافح كل الرجال
ووقف الجميع صفا واحدا
لمصافحته واخذ البركة
ووقفت مثل كل الموجودين
الى ان وصلت امامه
عملت مطانية
ومددت يدى اصافحه وقبلت يده والصليب
ولم اترك يده بل قلت له
ربنا يحميك ياسيدنا
باسمى وباسم اولادك فى منتدى اولاد ام النور بنحييك ياسيدنا وبنطلب صلواتك
نظر الىّ مبتسما وشد على يدى وقال
ربنا يبارك خدمتكم
وعدت اقبل يده مودعا
لأن الطابور خلفى طويل
وسرت فى طريقى خارجا من بوابة الكنيسة الداخلية الى فناء الكنيسة الخارجى
| |
|
| |
عمو مجدى وســام العضو المميز
شفيعـي : ام النور المزاج : نشكر ربنا الهواية : [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| موضوع: رد: تقرير عن رحلة المشرف العام الى المنيا وسوهاج ونجع حمادى والأقصر الخميس 28 أكتوبر 2010, 11:38 pm | |
|
غدا نستكمل الرحلة
باق زيارة مدينة الشهداء نجع حمادى
| |
|
| |
| تقرير عن رحلة المشرف العام الى المنيا وسوهاج ونجع حمادى والأقصر | |
|