شايل الصليب والصليب شايله

[size=21]
تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.
شايل الصليب والصليب شايله 059837

شايل الصليب و الصليب شايلـة
بقلم د. ياسر يوسف غبريال

حنين وطيب

متعدش فضايله

دا حتى اكليل الشوك

على راسه بيحايله
لكن عند الحق
لو مين ..
ما يعرفش يجامله
++++++++++++++++++++++++++

رقيق زى النسيم
وراسخ كما النيل
ولا عمره يميل
مع الهوى .. ان مال
ولا يخاف السنين
وللسنين اهوال
ولما تهب الريح
يمسك فى توب المسيح
ويشتد عوده وينفرد
ومرقس من جديد بيتولد
والضلمة تهرب بعيد
بعيد
ويرجع تانى زى النسيم
رقيق صحيح
بس راسخ كما النيل
يمكن جريح
لكن مسنود على الانجيل
واللى سانده المسيح
هيخاف من عتمة الليل ؟؟
++++++++++++++++++++++++++
عمال يا ابويا فى الوطن تحايل
وتقول معلش
يمكن ينعدل المايل
والناس تبطل غش
قلبك ابيض
وقلوبهم بالف وش
الحق بيك فرحان و خايل
والزيف بيكش ..
++++++++++++++++++++++++++
مفيش طلاق غير لعلة
مش لاى زله
واللى يحكم
يحكم بالعدل
وشروط الملة
غيرك يا قاضى حكم وظلم
والبابا فى الدير اتسجن
رجع البابا
والتانى ولى ..
دا القبطى يموت بكرامته
ولا يعيش بمذلة
هو انتى يا مصر بلدى ولا
سرقوكى ولاد الحرام
باعوكى بالكيلو والجرام
وبقيتى اعلان فى مجلة
ابيض واسود والوان
اقرا واتسلى
++++++++++++++++++++++++++
ياما دقت على الراس طبول
ولساك يا ابوى شيال حمول
وايام بالعرض عدت
وليال بالطول
والمشاكل عمرها ماهزت
اللى دايما يقول
ربنا موجود
والسفينة مسيرها للوصول
بنحبك وانت ساكت
وبنحبك لما تقول
لما تكلم السما
وتستجيب على طول
كلام البشر يا ابويا فانى
وكلام الرب لايزول

بنحبك وانت ساكت
وبنحبك لما تقول
لما تكلم السما
وتستجيب على طول
روعة يا سلوي

نورت التوبيك يا مينااااااااااااااااااااااااااااا