مش عجب صليب ؟؟؟؟؟؟؟؟؟؟؟؟

سلام ونعمة
احيانا يتساءل البعض منا ويقولون لماذا قبل الرب ان تكون وسيلة الفداء هى الصلب .مثلا لماذا لم تكن الرجم مثلا او اى وسيلة اخرى ؟؟؟
الاجابة على هذا التساؤل هى
+ مكتوب فى العهد القديم انه ملعون من علق على خشبة ومعروف ان اللعنة كانت نتيجة حتمية للخطية ..لان بسبب الخطية قال الله "ملعونة الاض بسببك"والخشبة اللى هى من نتاج الارض هى اللى كانت وسيلة السقوط أقصد الثمرة من شجرة معرفة الخير والشر فبالتالى كانت الخشبة (الشجرة) موصل للعنة لحاملها علشان كده قال الكتاب ملعون كل من علق على خشبة .وهنا دور المسيح القدوس المبارك الذى بلا خطية وحده انه قبل ان يحمل عنا هذه اللعنة وهو المبارك واصل كل بركة ويحول هذا الصليب صليب العار الى صليب المجد والفخار.دى نقطة حاجة تانى وهى ان اللى بيصلب على صليب يبقى مرتفع عن الارض علشان كده رب المجد يقول " وانا انا ارتفعت (صلبت) اجذب الى الجميع" كده واضحة ..
بس برضه ما ننساش ان المصلوب يصير معلقا بين الارض والسماء صانعا الصلح بجسم بشريته مصالحا الله اباه معنا بصليبه...وبرضه كمان ...يطلق على الشيطان رئيس سلطان الهواء ..فشاء الرب ان يعلق على خشبه فى الهواء ويهزم الشيطان فى عقر داره ..مقدسا الطبيعة ومطهرها بدم صليبه المحييى.
حاجة تانية ان السيد له كل المجد وهو على الصليب يفتح ذراعيه واحضانه ليجمع كل ابناء الله المتفرقين من اليهود والامم وتبقى رعية واحدة لراع واحد .حاجة تانى الصليب ليه اربع اطراف اى ان الله جاء لخلاص من يؤمن به من اطراف المسكونة الاربع.حاجة تانى يااحبائى الصليب مكون من خشبتين متعاكستين او متعارضتين واحدة نسميها الرحمة والتانية نسميها العدل وانتم عارفين ان مش ممكن يكون الانسان رحيم وعادل تماما فى ان واحد لكن اللى اجتمعوا فيه الصفتين بالكمال هو اللى صلب على الصليب..علشان كده يقول المزمور "الرحمة والحق التقيا البر والسلام تلاثما" .
علشان كده هو اشتغل نجار فى الخشب وكانه بيجهز لنفسه الصليب ...علشان برضه الكتاب يقول على اقامة ابن ارملة نايين يقول " فتقدم ولمس النعش" كان من الممكن ان يقيمه بدون هذا العمل لكن لمس النعش اشارة الى ان الخشبة المحمول عليها الميت قريبا فى ذلك الزمان سوف تدب فيها الحياه بالفداء وتنتقل الينا نحن المرمنون به تلك القوة .
+ لاحظوا ان صليب فى البونانية معناها "سطافرو " أى لا تحمل معنى اكثر من اداة عارضتين عكس بعض للاعدام .
اما عندنا فى اللغة القبطية بنسميه " بى شى اثؤواب " اى " الخشبة المقدسة " ..علشان كده لما نقول المثل " امسكوا الخشب " اى الصليب الذى يهدم كل قوى الشر .صلواتكم/ المحب اخوكم نادى شفيق