النت وشباب البطــــــــــــــ(2)

حبايبنا شباب اليومين دول اسم الصليب عليهم الثقافة مقطعة بعضها .. قاعدين 24 ساعة في اليوم قدام الانترنت.
شباب اليومين دول يومه متشقلب . نهارة ليل وليله نهار .. وطبعا فين وفين لما يشوف اسرته او يقعد معاهم يتغدوا سوا ..

حبايبنا شباب اليومين دول لما تقوله يا ابني بلاش قعدة على النت كتير يقولك اما اعمل ابحاثي ازاي ( آل ابحاث آل ) ولما ابوه او امه ( ابوها او امها ) تقوله قوم زاكر تبقى القيامة قامت وتحول إلى وحش كاسر . ولو لا سمح الله لا سمح الله يعني والدته قالتلو قوم يا ابني اقرأ في الانجيل تلاقيه بيرد عليها بطرف مناخيره وبكل ألاطة ( من فضلك يا ماما .. المسائل دي تخصني وهي بيني وبين ربنا .. ولو سمحتي محدش يدخل بينا ) .. شوف الواد بيقول لأمه إيه .. قال بينه وبين ربنا قال ..

حدث ولا حرج عن اوقات الفراغ ولما الشيطان يلعب بدماغ الواحد تلاقيه بيفتح مواقع ملهاش لزمة أو يدور على حد جديد يتعرف عليه في دردشة برده مالهاش لزمة .. وصفحة تجر صفحة وغرفة تجر غرفة .. ويوم يجر يوم ..

والشاب من دول يلاقي بعد شوية العمر بيجري واصحابه بقوا حاجة وانا لسة قاعد قدام النت

حبايبنا شباب اليومين دول بينسوا ان النت سلاح ذو حدين واحد مفيد ونافع والتاني فيه سم وسمه قاتل.
حبايبنا شباب اليومين دول بيقضي وقت قدام النت اكتر ما بيقضيه مع عيلته ولا مع ربنا . فاكر ان العلاقة مع ربنا ان كل كام يوم يفتح موقع ديني وخلاص
حبايبنا شباب اليومين دول بقى سطحي وساذج مايعرفش حاجة عن نفسه ولا بيحاول يعرف ومايعرفش حاجة عن ربنا ومش بيحاول يعرف وفاكر انه كده هايبقى شاب كووول ولا بنت روشة

ياريت يا شباب نفتكر الاية اللي بتقول : ايها الاخوة الوقت منذ الان مقصر 1كو 7: 29
يعني ممكن المسيح يأتي في اي لحظة يسأني انت عملت ايه بالوقت اللي انا ادتهولك

وكمان الاية اللي بتقول
لست اسال ان تاخذهم من العالم بل ان تحفظهم من الشرير يو 17:15
يعني احنا عايشين في العالم لكن العالم مش ممكن يعيش فينا وبنستفاد من الاشياء زي الانترنت بدون ما يأثر بشره علينا

شكرا على الموضوع الرائع يابطل

ويارب الكل يستخدم النت للخير

ومتل ما قلت اخي

لازم مانخلي النت ياخذ كل وقتنا

فهناك الكثير من الاعمال في انتظارنا

والعمر مش بيستنى

الف شكر على الموضوع المميز

الرب يبارك حياتك ويعوضك

اووووووووووووووووووووووووووووووو
البطـــــ (2) نور المنتدى بمواضيعة الجامدة من اولها كد يابطل ايه الشغل الجامد ده يابو مريم الرب يبارك خدمتك ويعوض تعبك ....
صلى من اجل ضعفى....