فيديو .. رسالة لأمهات نجع حمادى

فيديو .. رسالة لأمهات نجع حمادى

قصيده شعرية جديده لأمهات نجع حمادي

" قصيده شعرية"

لأمهات "نجع حمادي" بعد أحداث التأجيل الأخيره لقضية محاكمة "الكموني"

وأعوانه،

في أحداث إستشهاد ستة شباب أقباط ، ومسلم.

والقصيده عباره عن جواب مرسل من الأم ايمان، إلي ابنها فرحان باللهجة الصعيدية.

وأبيات القصيدة:

"جواب من الأم ايمان للابن المحبوب فرحان"

وصلنا خطابك، ووحشنا كلامك، ووحشنا هزارك، وأنا أقولك روح ورايا طبيخ ..

روح ذاكر لأختك "مريم" ولا أقولك اقرا الإنجيل اقرالنا سفر المزامير علشان ده كلام ودليل، لايزول ولا يوم يتغير.

بس خلاص ..بس خلاص ..بس خلاص.. ياوليدي مش هرجع اشوفك ذي زمان مش هرجع اسمع كلمة ياماي وبعيد

عن الناس بتقولي بإسمي يا ايمان

وصل سلاماتي للست العدرا،

وقولها بنتك بتقولك التجربة مرة.

مٌر تقيل، والدمع بينزل ذي السيل.

بس أنا شايفة الشر ذليل، تحت أقدامك مهزوم وطريح.

أصل شفتها جوه منامي بتعزيني، وتزود ايماني.
وبتسألني إياك منفعش أكون ليه أم

قولها يا وليدي إنها أجمل وأعظم أم ..

إنها أدفأ حضن يضم..

بس يا أمي إنتي مابترضيش بالظلم.

دم أولادك ياست ياعدرا.

دم أولادك، ياشريفة ياحرة.

لازم يرجع والكل يدفع تمن الجُرم.

وأنا سايبة الموضوع ده عليكي.

بوسلي ياواد ...بوسلي ياواد إيد المحبوب.

قوله "ايمان" داقت معني القلب المصلو ب.

داقت جراحاتك، شافت أنّاتك.

بس أكيد الأحزان هتفوت، زي ماعدّا وقت الصلبوت.

وقمت وغلبت الموت، وكسّرت المتاريس بإديك.

وأخيرًا وليس ختامًا، ابني المحبوب فرحان ..أنا مش زعلانة.

أنا مش زعلانة، عشان روحت البيت لفاديك، طالت أو قصرت أنا جاية ليك.

أمك ايمان ..أرض الأحزان.. والفرح ده ليك.

روووووووووووووووووووووووووووووعه

وفكرنا بالجرح اللى عمره ما يلتئم ابداااااااااااااااااااااااااااااااا

فكرنا !!!

يـــــــــــــــــــــــــــــــــــــــــاه ياسلوى

هو احنا كنا نسينا

ولا الدم بقى ميه

ولاالمجرم اخد جزاؤه

احنا لسة ياسلوى

ماخدناش العزا

لسه القتيل دمه سخن

ولسه القاتل الحقيقى حر طليق

ولسة مش عارفين نهاية الطريق

وحياة الدم الغالى فى نجع حمادى

مانسناكم لحظة ياولادى

جمييييييييييييييييييييييييله جداااااااااااااااااااااااااااااااااااااااااا ربنا ينيح اولاده الشهداء في فردوس النعيم وياخدلهم حقهم

بس أكيد الأحزان هتفوت، زي ماعدّا وقت الصلبوت.

وقمت وغلبت الموت، وكسّرت المتاريس بإديك.
أكيد يا أمى يا أم كل شهيد مهما طال زمن الحزن لازم يعدى ويفوت حتى ولو طال لأخر العمر لأن لحظة ما هينتهى العمر مش هيكون للحزن خلاص مكان ولا للظلم
أكيد إلهنا معانا فى كل حين ومش هينسى دم ولاده أو حزن قلبهم وقلب أم الشهداء
مرسى ليك عمو مجدى