ها نغرق يا عدراء ....

الاستاذ / عبد السيد - القاهره


انهينا مصيفنا في جمصه بعد ما استمتعنا بايام جميله جدا



وقررنا نرجع في الفجر وكانت الدنيا لسه مضلمه




وكنا عايزين نوصل القاهره في الصبح
وكنا ركبين عربيه من موديل رمسيس





انا وزوجتي واولادي الثلاثه
ومشينا ببركه ربنا وصليناه في الطريق وطلبنا معونه ربنا
وكنا ماشيين علي اضواء الطريق





وكان الطريق اسفلت ومرشوش مياه
وعشان نظري ضعيف انحرفت بالعربيه شويه عند النهر
وانا فاكر انها طريق مسفلت

وليقيناه العربيه داخله بيناه علي البحر فصرخنا كلنا



ها نغرق يا عدرا !!!! ها نغرق يا عدرا




وفي الحال وقفت العربيه علي بعد امتار من الشط في المياه

واقفين فوق المياه ومحدش مننا حصله حاجه

وشوفنا الست العدرا بتنادي علي الناس
بتصحيهم وتشاورلهم علي العربيه وبعد كده اختفت ام النور

جه الناس فورا علي الشط كبار وصغار بيشوفه المنظر العجيب ده
عربيه واقفه علي المياه





وسمعنا الناس بتقول دي الست العدرا انقذتهم من الغرق

وبعد فتره لقيناه قوات الامن وصلت

وبدءوا يكلمونا بالميكرفونات يطمنوا عليناه

وكنا بنرد عليهم اننا بخير

وطمنونا انهم ها ينقذونا كلنا
وجزء منهم مشي يجيب قوت الانقاذ




والونش والباقي فضل علي الشط متابعنا بالميكرفونات

بيطمنوا عليناه من وقت للتاني وبيهدونا

وبعد شويه جه ونش زرافه




ومدوه للعربيه وشالها الونش واحنا فيها وطلعونا علي الشط بره

الناس الي كانت اتجمعت وقتها فضلوا يزغردوا

وكانوا فرحانيين جدا وباركولنا علي سلامتنا

والغريب بعد كده لما حبيت ادور العربيه
لقيتها اشتغلت ومحصلهاش اي حاجه وركبناها ووصلنا القاهره بسلام

بركه وشفاعه العدرا مريم

معنا جميعا امين