ذنب مكاريوس فى رقبة الجميع

ذنب مكاريوس فى رقبة الجميع

كتبها د. اشرف شاهين
25/11/2010
الأقباط الأحرار

جلس بجانبي حزينا

إعتدل في جلسته ثم نظر إلي طويلا قبل أن ينطق

يرضيك إلي بيحصل ده يضربوا الناس العزل بالنار

قلت بالطبع لا يرضي أحدا
يعني احنا عملنا إيه علشان يتعمل فينا كده

أجبته معملتوشي حاجة وهي دي المشكلة

ازاي يعني ما أنتا شايف اتكلمنا قد ايه لما من كام شهر الغول اجر بلطجية يقتلولنا الشباب

أجبته بصراحة انتو غلطانين شفت أنت بنفسك قلت اتكليمنا وبعد الكلام عملتوا ايه ولا حاجه

نظر إلي بغضب احنا غلطانين إنت عايز تركب الذنب على الضحية وتبرا القاتل ماهو إنت صحيح مسلم وأنا إلي كنت فكرك صاحبي

أجبته

إنت فهمتني غلط

غلط ازاي بقى إن شاء الله

انتم المسحيين غلطانين علشان مبتعملش حاجة إلا الكلام واحنا المسلمين غلطانين علشان مبنعملشي حاجة برضه إلا الكلام ،هقولك ليه

فيه فرق كبير قوي بين الشعب المصري من مسحيين ومسلمين وبين إلي حاكمينه

احنا وانتم مفيش فرق بيناتنا الفرق هو بين الشعب والحكومة.

الحكومة بتنظم عملية فرق تسد بين المسلمين والمسحيين ،والشعب كله وقع في النصبة إلي عمالين ينصوبوها لة من 30 سنه ،

ما حدش كان فاهم اللعبة ،ملف الفتنة الطائفية ده هو تخصص المخابرات المصريه وأمن الدولة .

يعني كل حاجة مترتبة كل مايشوف الشعب بدا يتحد ضدهم يخرج الملف ويلعبوا بينا ،علشان نتلهي مع بعض، وهمايقعدوا راكذين على افانا،

هماشافوا إن المسيحيين الأيام دول بدوا يفهموا لعبة إن الحكومة هي إلي بتمول وتخطط ملف الفتنة الطائفية، علشان تتخذها زريعة للاستمرار في الحكم، و المسلمين كمان بدأو يفوقوا ولما شافوا إن مافيش مسلمين مستعدين ينساقوا ورى الفتنة ،وده بعد أحداث نجع حمادي إلي الكل إستنكرها مسلمين قبل مسيحيين .فمبقاش قدامهم إلا اللعبة الأخيرة وهي اللعب على المكشوف علىأمل إن إحتمال المسلمين يتعاطفوا مع الحكومة ،يعني ياخدو شعبية من المسلمين على أساس انهم بيدافعوا عن الإسلام ،والاسلام منهم برئ .

واضح جدا حتى لي أي عيل صغير إن عملية إطلاق النار على الاقباط مكنتشي عملية عفوية ،وانها مخطط لها من مدة ،تقدر تعرف كده من التواجد الأمني السريع ومن الأسلحة المستعملة لضرب الأقباط والتصريحات المعدة مسبقا للمسؤولين،والوقت إلي هو على مشارف الانتخابات . الحكومة بتستخدم أسلوب مخابراتي صرف في التعامل مع الشعب مسلميه ومسيحييه على أساس إنه عدو ويجب القضاءعليه بحميع الطرق .

طيب واحنا وانتم غلطانين ليه

أقولك ليه

كان مفروض نفهم اللعبة من زمان ونصحى ،كان مفروض البابا شنودة يطلع ورا كل حادثه ويهدد الحكومة صراحة بدون لف ولا دوران، دي أرواح بشر بتضيع مش لعب عيال ،والارواح دي البابا شنودة هو كمان مسؤول عنها ،

أماالمسلمين غلطانين ليه علشان قادة التنوير أو إلي بيسموا نفسهم قادةالاسلام في مصر والاخوان المسلمين ،كان مفروض يقفوا مع اخوتهم المسيحيين ومينقادوش لفتنة الحكومة وينظموا مظاهرات واحتجاجات إسلامية مسيحية مشتركة ضد سياسة الحكومة ويقيموا مؤتمرات لتوضح موقفهم يشارك فيهاالإخوة المسيحيين . مش يقعدوا يستنكروا ويشجبوا وخلاص .لازم الكل يتحد لمواجهة العدو المشترك ،فهذا العدو لا يهمه إذا كنت مسلم أم مسيحي انهم اناس بلا أديان ،لا يهمهم إلا مصالحهم الشخصية وتولع ،مصر من مسيحيين لمسلمين مش هتفرق معاهم .

اوعى تكون فاكر إن رجال الأمن إلي كانوا بيضربوا المتظاهرين دول كانو مسلمين بس دول فيهم المسلم والمسيحي .

أطرق براسه والدموع تترقرق من عينيه

فقلت له

أنا شايفك متاثر قوي المرة دي

فاجابني مكاريوس إلي إستشهد إبن أختي

قال ذلك ثم إنخرط في البكاء لم استطع إلا أن اشاركة بكاءه,
فلنبكى جميعا علىمصرنا,
يا أبتى صلى من أجل خلاصى لنبكى يوما على الزمن الذى مضى.

ك[size=29]لامك داس على الجرح فعلا احنا لعبه

فينك ا سيدنا تعبنا بجد فاض الكيل

مش كل يوم ندفن شبابنا وتانى يوم ننسى تعبنا بجد

لا نستشهد كلنا لاكفايه لوبنا بتتحرق كل دقيقه
[/size]

» مصر فوق الجميع وستظل فو ق الجميع
» دم شهدائنا فى رقبة الدولة
» صور ادهشت الجميع!!!!!!!!!!!!!
» انا اسمى مكاريوس ..!!
» اتبعوا اللطف مع الجميع