اخيرا تحدث ((**+*-+*+*+*+*((أكليل الشوك))**+*++*+*+*+**))

--------------------------------------------------------------------------------


(أكليل الشوك)




زى ما قالوا عنى أنا جيت شيطاني
بس حكايتي أقوى من كل المعاني
عشت غريب بين أخواتي
هجروني أهلي وفى الصحراء عشت أيامي
ملاقى ميه ولاحتى دمعي رواني
شمس النهار تصحي تحرق لي اولادى
حياتي كلها شقي ملاقى اللي يرعاني
تغيب الشمس ويصحى الليل يملاني
خوف ويأس من شر العالم الفاني
في الجلجثه كان مكاني بين الصخور فضلت أعانى
منداس متهان وماحد يحس أوجاعي
وفى يوم لاقيت الضغط على أكتافي
بصيت لفوق لقيت الناس بتعانى
بكاء ودموع وده شيء نجاني
من عطشى وظمأى رواني
وسمعت واحد ببقول دا الناصري جه علشانى

سأ لت نفسي ..مين ياترى الجاني

وقبل ماعقلى يحتار لقيته واقف قدامى
ده الناصري اللي عشانه الناس بتعانى
يا روعته ... حرام يكون الجاني
داصعب عليا أشوفه ...ده شيء بيزيد أوجاعي
دمه سال فوق راسي وأنا واقف في مكاني
جرحه غطى ملامح وجهه وده اللي بكاني
وحسيت وقتها أنه المظلوم مش ا لجاني
وسمعت صوت الآه دخلت في وجداني
هزت مشاعر قلبي وحركت عقلي ولساني
وصرخت وقولت حرام للي بيجرى قدامى
باين عليه بريء أبعد عنه يا روماني
ووقع جنبي.. ووقع جنبي على الصخور اللي محوطانى
وعنيه جت في عينيا لحد الدمع ما ملاني
والدم سال منه روى كل أولادي
بفضل دم الناصري رجعوا للحياة تانى
ذنبه أيه الناصري اللي قالوا عليه الجاني
بالكرباج والعصا على ظهره العاري
قلبي كاد يتوقف من المشهد الدامي
وهو يحمل على ظهره حمل اكتر من أحمالي
وأتــــوا به لمكان عالي ووضعوا جسده العارِ
على خشبتي يقال عنهم صليب العارِ
وامسكوا بالمسمار بيد جندي روماني
وغرسوا بدون قلب في يده المسمارِ
وجاء وقتي أنا...أنا النبت القاسي
ولو كان الأمر بيدي ماكنت أحيا للوقت الآتي
امتدت يدي جندي أخذتني من أولادي
وسط صراخ الناس اقتلعت من أساسي
فصرخت بصوت عالي
ماذا تفعل بى يا صاحب القلب الجافي
تأخذني وتبعدني عن أحضان أولادي
فلا تبكوا عليا فسوف أموت بدلاً عنكم يا أولادي
فسلمت أمري في يد الجاني وقلبي يبكى على أولادي
فبتدأ يداعب أغصاني

ويضفرني على شكل وينادى
خذوا... صنعت أكليل لملك اليهود ليتباهى
فسالت دموعي منى.... أن أغرس في رأسه الفادى
كان يعلم بأن أسوف أتوج رأسه الغالي
و أنا أعلنها لكل أولادي
بأننا لسنا نبت شيطاني بل نبت رباني
فسامحني يا ناصري على ما فعلته بأغصاني
وآذيتك أناو جرحتك فسال الدم منك فرواني و احيانى
فبموتك أنت ياسيدى نلت أنا حياتي