دائما يا عذراء مريم++++++++++

دائما يا عذراء مريم
بتطلى علينا من فترة
لفترة بتزورى كل
مكان فى العالم من
مصر لامريكا وروما
وظهورك دائما بيسب
لينا علامة مضيئة زى
الشمس لما بتشرق

دائما يا عذراء مريم
بتظهرى فى العالم
كله ياست الكل يا
ام النور بتنورى
الطريق لالوف والوف
من البشر والناس يا
ست الكل يا اغلى ويا
احن واطيب ام فى الكون
ده بظهورك بطمئن الناس
اننى الفادى حى وموجود
وبتقولهم متخفوش يا ابناء
كنيسة ابنى الغالى

دائما يا عذراء مريم
بتظهرى وقلوب كثيرة
تتملئ من نورك يا قديسة
يا طاهرة يا ام كل الوجود

دائما يا عذراء مريم
يا بتول كل اللى بيتشفع
فيكى وينادى عليكى
بتيجى وتنجيه من كل
الشرور يا ست يا ملكة
يا اميرة يا احلى تاج
لكل انسان فى الوجود
انت فوق راسى من
فوق يا ست الكل يا
غالية على انا الخاطئ

دائما يا عذراء مريم
بنادى عليكى يا ام
ياطاهرة يا ام قلب
صافى يا غالية علينا
يا جمل ست فى الكون
ده كله يا ام الفادى

دائما يا عذراء مريم
بتيجى تزورينا من
فترة لفترة وتظهرى
وتعزينا يا ست الكل
يا غالية علينا يا ام
الفادى المخلص الامين

دائما يا عذراء مريم
اللى بيتشفع بيكى يا
بتول يا طاهرة تيجى
وتطوف حواليه وتنجيه
يا ست الكل يا عذراء
مريم يا اميرة يا غالية
علينا

دائما يا عذراء مريم

انتى اللى بتشفعى لينا
قدام الديان العادل الغالى
ابنك فادينا مخلص نفوسنا

وجاء لخلاصنا يا اميرة