حوار مع البابا شنودة لآخر لحظاته على الارض وقبل رحيلة للسماء

حوار مع البابا شنودة لآخر لحظاته على الارض وقبل رحيلة للسماء






البابا شنودة : وهو نايم على السرير تعبان ومتالم من الالام

الملاك : قم يا حبيب المسيح.السلام لك

البابا شنودة من انت؟
الملاك:
انا ملاك الرب أرسلنى اليك رب المجد لكى أقول لك أنك قد جاهدت الجهاد الحسن أكملت السعي حفظت الإيمان، وأخيرا قد وضع لك إكليل البر الذي يهبه لك في ذلك اليوم الرب الديان العادل وليس لك فقط بل لجميع الذين يحبون ظهوره أيضا.حان الان الوقت الذى سوف أخذك معى الى السماء.
فسال البابا شنودة: خلينى أودع اولادى قبل رحيلى وسفرى معك الى السماء

الملاك:

لاتخف يا حبيبى شنودة

انت علمتهم كلام جميل فسوف لا يحزنون عليك لانى كلماتك كانت معزية ليهم فى فترة خدمتك لكرسى مارمرقص . علمتهم ربنا موجود وكمان مسيرها تنتهى وكمان كله للخير.

البابا شنودة

بس ولادى هيحزنوا على كتير وانا خايف ازعلهم .

العذراء مريم

قم يا حبيب المسيح

البابا شنودة

أيه ده هو كمان يا عدرا جاية بنفسك سايبة السماء بحالها وجاية علشان خاطرى أيه ده كمان الانبا أنطونيوس الانبا رويس، ،الانبا شنودة،البابا كيرلس.

الانبا أنطونيوس :أنا جاى علشان وأنت راهب كان أسمك على أسمى وكمان جاى بالنيابة عن كل الرهبان اللى فى السماء

الانبا رويس:أنا جايلك من السماء علشان خاطر أنت هتسيب مكانى اللى أنت ساكن فيه على أسمى

الانبا شنودة : أنا جاى من السماء علشان أنت فرحت شعب المسيح باسمى

البابا كيرلس: يالا يا حبيب أبوك السماء كلها منتظراك وجاء ليك من السماء علشان أنت كنت واخذ المكان بعد منى ومن عادة السماء انها تبعت البطريرك السابق لاستقبال البطريرك الجديد يعنى السماء كلها فرحانة بيك.

العذراء مريم:

ياحبيبى شنودة انت قدمت ليهم رسالة واحنا خلاص عايزينك معانا. البابا شنودة :بس ولادى هيزعلوا على جامد لانى انا حبيبتهم جداً. العدرا :وهما كمان حبوك كتير خالص ، متخافش أحنا مش هنسيبهم وكلماتك ليهم هتعزيهم اللى سايبها ليهم.

البابا شنودة: انا صعب على ان أفارق شعبى اللى حبنى ولكنى أنا أنهاردة سعيد وتغمرنى فرحة شديدة لانى هاكون قريب منكم فى السماء وامام رب المجد يسوع المسيح.

العدراء مريم :انا عارفة من خلال ظهورتى لمصر عرفت كد ايه شعبك بيحبك وكمان جنازتك هيشهد ليها التاريخ ومش بس فى مصر لكن فى العالم كله دى اقل حاجة يعطيها ليك الرب يسوع تكريماً لاسمك.

أنت تعبت كتير معانا واحنا هنعوض كل تعبك لان الرب معد ليك مكان فى فردوس النعيم.وأحنا هنعد مكانك راعى صالح هيخاف على شعب المسيح ومتخافش كمان على مصر لانها الكتير منهم هيؤمنوا بالرب يسوع لان ربنا بارك فى اولادك اللى علمتهم كتير

السماء كلها عارفة قد ايه ضيقات كتيرة وايام مريرة انت مريت بيها ربنا كان عايز يعرفهم مدى شدة الضيقات وازاى يكون أقوياء ليها.

انت سيبت ليهم كنوز تاريخية كتبك وعظاتك اللى هيتعلم منها أجيال.

يالا بينا علشان ناخذك من المكان ده وهتشوف المكان المعدينه ليك

أحنا وصلنا السماء خلاص.

لحظة دخولهم السماء

البابا شنودة:

أيه كل الملايكة ديه والقديسين كلهم.

يرودا القديسين كلهم ويقولوا: السماء كلها أنهاردة فرحانة بيك

مارمرقص الرسول:

أهلا بيك يا حبيبى شنودة انا كنت منتظرك من زمان

البابا شنودة: حبيبى مارمرقص .

مارمرقص الرسول:

أنت ياحبيبى شنودة حبيبت الكرسى بتاعى فاخلصت من أجله فالكرسى احبك لانك أنت طولت عليه كتير خالص وانا مبسوط من اللى انت عملته فى مصر السنين الفاتت وقد ايه الكرازة بتاعتك انتشرت للرب يسوع بكلمتك كملت اللى كنت نفسى اكمله قبل ما ارحل للسماء. انا مبسوط من صمودك وتصديك للبدع .وتحملك للالام فى عصرك.

أهلا بيك معانا فى السماء ودولوا كل اللى كانوا قبل منك على الكرسي وكمان بعد منى دولوا ولادى( البطاركة السابقين).

يالابينا ناخذك علشان تشوف رب المجد

البابا شنودة:

أيه النور الجميل ده مش قادر أفتح عينى

الرب يسوع المسيح:

حبيبى شنودة أنا هو اله ابراهيم واسحق ويعقوب أهلا بيك فى المكان المعد لك منذ نشأتك أنت تعبت من توصيل كلمتى الى أولادى فى مختلف انحاء العالم كنت ارسل لك الملائكة لكى تشددك فى جولاتك الرعوية وكنت أرسل لك امى العدراء كسنيداً لك فى كل حياتك ورحلاتك العلاجية. حبيبى انظر تحت من رجليك سوف ترى هولاء الناس الذين يبكون وينوحون عليك . هذا هو الشعب الذى احبك منذ أن سلكت فى طريق الرهبنة وأيضا تعالى معى لاريك شىء . هل تعرف من هذه ؟ هذه هى امك التى لم تراها عندما ولدت .أنت عشت يتيماً ولكن عند ولادتك قلت سوف اعطيك ان تكون أبا فاصبحت أب لكل الايتام ولكل انسان على هذه الارض.

أنا ارسلت اليك لكى أخذك هذه الفترة لانى اعد مصر اعداداً جديداً لانك اعددت مصربرسالتك للتوبة التى كنت أنادى بيها منذ زمانا طويلاً ولم يعمل احد بكلمتى . أنى لا اترك اولادى يغربلهم الشيطان فسوف أبعت اليهم راعى يرعى شعبى وراعى

صالح اعددته منذ زماناً طويلاً .وهذا كان من اولادك فتعلم منك الكثير.

وسوف يعمل الكثير من الاشياء التى تكون على مجد أسمى

البابا شنودة:

ربى يسوع يا المسيح

يسوع المسيح:

نعم يا حبيبى شنودة .

البابا شنودة

.ارجوك يارب لاتقسى قلبك على أولادك كن معاهم.

الرب يسوع المسيح....متخافش مصر هتعرفنى كتير جداً فانى أعد شعبى وسوف أخلصهم من الزلات التى قام الشيطان بازلالهم فى الفترة الماضية. أنت كنت تنادى بالتوبة فكثيراً سمع الكلام وعمل به والقليل منهم مازالوا يتبعون الشيطان فانا مش هاتركهم فى أيد الشيطان.

أنا صعبان على ولادى ونفسى أنهم يتوبوا ويرجعوا لان خلاص الوقت فات . وانا عمرى ما قسيت قلبى عليهم.

تعالى معاى على مكان شوفه

البابا شنودة: المكان ده جميل جداً يارب .

يسوع المسيح: أمشى معاى ياحبيبى شنودة ولكن ده مش مكانك الاخير

ولكن هذه الطرقة اللى هتروح بيها على مكانك مع أولادى الامناء

فى فردوس النعيم

البابا شنودة: اشكرك يارب على المكان الجميل ده.

يسوع المسيح :ده نتيجة لجهادك الحسن واللى انا وعدتك بيه منذ ان اخترتك راعيا لكرسى مارمرقص.

هتوحشنا يابابا كثير ،أحنا زعلانين عليك كثير ،كلهم حزانى عليك

ديه الاصوات اللى أنت شايفها وسامعها تحت بس هما هيطلوبك كتير أسمع ليهم

وهيطلوبك كمان علشان تصلى ليهم ووتتشفع ليهم عندى.أوعى تنسى شعبك.

والان أقول لك نعماً أيها العبد الامين كنت امينا على القليل فساقيمك على الكثيرأدخل الى فرح سيدك

البابا شنودة:

ربى والهى أيه المكان ده

يسوع المسيح :ده المكان بتاعك . البابا شنودة ده مكان جميل جداً

يسوع المسيح: أسترح فى هذا المكان لانه مكانك

علشان خاطر تعبت كثير وجاهدت كثير معانا.

كل سكان السماء: مبروك عليك فردوس النعيم يا حبيببنا شنودة

البابا شنودة:انا مبسوط انى اشوف كل القديسين هنا والاربعة وعشرون قسيساً

والملايكة وكل هذه الطغمات السمائية

يسوع المسيح :خليك اسمع الطلبات والصلوات كل يوم لاولادك اللى حبيبتهم كثير

وماتنساش ولادك وبناتك على الارض لانهم هيحتاجوا ليك انك تفرحهم وترشدهم فى وقت الضيق وتكون شفيع ليهم عندى فى السماء.

صلى لينا يا بابا شنودة فى السماء علشان افتقدناك من على الارض.

قصة خيالية