الأقباط ما بين فزاعة الاسلاميين و أختيار الفلول أندرو جرجس

زيزى المسيحى عزيزتى المسيحية اللى هتنتخبوا احمد شفيق أو عمرو موسى علشان فاكرين ان هما دول الحل ليكوا قدام سيطرة الاخوان و السلفيين أحب اقولكوا كام حاجة :

1- اللى بيحميكوا وهيفضل يحميكوا هو ربنا مش بنى ادم مهما كان هو مين

2- احب افكركم ان اكتر وقت فى تاريخ مصر الحديث اتعرض فيه الاقباط للاضطهاد و الاحداث الطائفية و حرق والاعتداء على الكنايس ( أحداث الكشح و نجع حمادي و كنيسة القديسيين و غيرها ) كان فى وجود النظام السابق اللى بينتمى ليه الاتنين (شفيق و موسى) يعنى مكنش حاميكوا ولا حاجة

3- المشاكل كانت اغلب الوقت بتكون مفتعلة و مدبرة من النظام كأسلوب ضغط على اطراف معينة و لخدمة مصلحة النظام في البقاء للسيطرة علي البلاد من مسمي الفوضي .

4-طبعا انتوا فاكرين اسلوب معالجة المشاكل اللى من النوع ده كانت و مازالت بتكون ازاى ( محاكم عرفية و قعدات عرب و الخ ... ) و طبعا ده بيأدى ان المشاكل دى تحصل وتتكرر علشان كان النظام برضه اللى الاتنين جزء منه بيستخدم نفس الاسلوب من اصطياد ضحية و تلفيق التهمة ليها تحت التعذيب زى ما حصل مع الشهيد السيد بلال بعد حادثة القديسين

5-تحويل قرار بناء الكنايس او حتى عمل تصليحات لقرار سياسى يواجه صعوبات اكبر من بناء ( كباريه )

6-استخدام السلفيين و الجماعات الاسلامية كفزاعة مستمر حتى بعد الثورة و ده جزء من خطة احباط الثورة و ضمان اعادة انتاج النظام السابق و ضمان توجيه الكتلة التصويتية للاقباط ناحية مرشح زى احمد شفيق

7-ادى صوتك لمرشح مؤمن بالمساواة و الحقوق و اهمية تفعيل القوانين اللى تضمن لكل الطوائف و المعتقدات و الاديان و الاتجاهات حقوقها مش تستخدم اساليب قمعية وانتا تحللها لنفسك لمجرد انها تمارس مع من هم مختلفون معاك

8-افتكروا دم الشهدا كلهم من 25 يناير مرورا بماسبيرو وحتى مجلس الوزرا و اتأكدوا انكوا ان نفس النظام اللى قتلهم هو نفسو اللى عايزك تدى صوتك لأحمد شفيق و لو مش مصدقنى فكر كده لو كان حسنى مبارك واعوانه هيدوا صوتهم لواحد من الموجودين حاليا هيكون لمين ؟؟

9- لو فكرت ببساطة مين أقرب شخص للمجلس العسكري هتكتشف ان موسي و شفيق هما الاقرب المجلس العسكري الذي استباح دماء الكثير من الابرياء .

كلمة أخيرة : أنا هنتخب مرشح مدني بيؤمن بحقوق العيش و الحرية و العدالة الاجتماعية و كمان بيؤمن بحقوق الأقليات و الحفاظ علي حقوقهم دستوريا ... صوتى لحمدين صباحى ... واحد مننا

شكرا علي الموضوع اختي الغالية رشا ربنا يعوضك ...

وعلي فكرة انا مختلف كثيرا مع كاتب المقال ولا اعلم كيف فاتته امور جوهرية واكتفي بالأمور السطحية !!

بالطبع موضوع اختيار المرشح دي حاجة مش سهلة وبالأخص ان مافيش مساحة كبيرة في الإختيار او في خلفيات المرشحين السياسية .. وعلشان كده الأمر في الإختيار صعب لأن مافيش امامنا غير واحد فقط دبلوماسي وآخر عسكري وإثنين اسلاميين وهؤلاء هم من سيجنوا أغلبيةالأصوات

اما بقية المرشحين بالغم أن منهم من هو مقبول مثل ابو العز الحريري الا انه قد لا يجني أصوات كثيرة وستتبدد بسببه..
أما المدني الذي ذكره الكاتب اخونا أندرو ويدعو للتصويت له - حمدين صباحي- في المقال فهو اتضح من الأيام السابقة أن يغازل الجميع بما فيهم الاسلاميين والمدنيين وهذا امر ممكن نتعبره عادي !!!!

ولكن الغير عادي انه صرح بكلام خطير جدا جدا يكسر مستقبل مصر : أنّه سيجعل مصر تصطدم بإسرائيل والدول الغربيّة المتقدّمة .. والصدام مع العالم سيؤدّي إلى نتائج مرعبة على مستقبل بلدنا.. وهل له من الخبرة والمقدرة والدبلوماسية الخ.. علي قيادة جمهورية ؟؟
لا أري ذلك ..

أما من له تفكير عسكري فهو بالطبع أحمد شفيق وهو الوحيد العسكري في المرشحين الآن ونحن لا نرغب في عودة الحكم العسكري ابداااااااااااااااا

عمرو موسى ( ليس هو المرشّح المثالى ) ولكنّه أفضل الموجودين في تقديري لأنّه من مدرسة الدبلوماسيّة وليس العسكرية ولا هو من الفلول كما يروج منافسيه ، ويؤمن بالدولة المدنيّة لا الدينيّة ولا العسكريّة، وسيحقّق التوازن بين المجلس العسكري والبرلمان الإسلامي..

شكرا يا احى ردودك مقنعه صدقنى انا مش بفهم بالسياسه انا انتخبت عمرو موسى لانى انا بعمل خارج مصر الان انا مبسوطه انك بترد على مواضعى اما السلب اوالايجاب ميرسى مره تانيه