الرب يمد لك ذراعيه .. فلا تتأخر عليه

كان هناك طفل عنيد وشقى وكان يسمع كلام والده بصعوبة
ففكر الأب في حيلة تجعل هذا الطفل يسمع كلامه فتوصل الي حيلة ذكية..



فقال له : اذا طلبت منك طلب وانت لا تريد تنفيذه فأكتب طلبي هذا في ورقة وضعها امام صورة يسوع قبل ان تنام وعندما تستيقظ ستجد رده علي طلبك هذا وعليك ان تنفذ رده مادمت تحبه

وافق الطفل علي الفكرة نظرآ لحبه الشديد ليسوع,

وفي احدي المرات كتب الطفل في الورقة : يابابا يسوع بابا مش عاوزني اروح رحلة المدرسه وانا عايز اروحها مع اصحابي
ثم وضع هذه الورقة امام صورة يسوع وذهب الي الفراش كي ينام
وكان الأب يأتي في هدوء ليلا بعد ان ينام صغيره ويكتب علي الورقة
ايوه ياحبيبي اسمع كلام بابا علشان هو خايف عليك

فيقرر الطفل ان لا يذهب الي الرحلة وهو في اقتناع تام

ومرة اخري يكتب في الورقة : بابا يسوع بابا مش عاوز يشتريلي موبايل وكل اصحابي معاهم موبايلات
ثم يستيقظ فيجد والده كاتب له في الورقه : اكيد هيجبهولك ياحبيبي بس مش دلوقتي عشان مش معاه فلوس كفاية دلوقت

يظن الطفل ان يسوع هو من يرد علي اسئلته ولا يعرف أن اباه هو من يفعل هذه الحيله لإقناعه

وتمر الأيام ويمرض الأب ويذهب الي المستشفي ويأمر الطبيب ان يظل الأب ليلة في المستشفي لعمل الفحوصات اللازمة
فيكتب الطفل ليسوع : الحقني يا بابا يسوع بابا تعب وراح المستشفي عشان خاطري خليه يخف ويرجعلي بسرعة

ثم ينام وعندما يستيقظ يجد مكتوب علي الورقه:
✜ علي فكرة بابا هيخف
✜ وعلي فكرة بابا بيحبك اوي وبيخاف عليك
✜ وعلي فكرة دي اول مرة اكتبلك فيها



" طوبى لكل المتكلين عليه "
+ ما اجمل الايمان بأن الله معنا في كل الأوقات

+ ما اجمل ان اشكي له همومي وأوجاعي وأتركها عليه وأنام
+ ما أجمل ان أتحدث اليه في صلاتي ليل ونهار

ما اجمل الايمان بأن الله معنا في كل الأوقات
جميل اخى ميرسى اخى لمحبتك