رصاصة من اجل المسيح

فى يوم من الايام واثناء الخدمة فى الصبح فى احد الكنايس الى كان حاضر فيها تقريبا حوالى 2000 شخص فى الخدمة ساعتها
دخل فجأة الكنيسة على كل الى موجودين رجلين ملثمين وكل واحد معاه مدفع رشاش

وبعدين واحد فيهم راح قايل بصوت عالى قوى :
" الى عاوز ياخد رصاصة من اجل المسيح يخلية واقف مكانة "

بسرعة جدا الكنيسة اتقلبت وكله قعد يجرى يخرجوا من كل الابواب ومتبقاش فى الكنيسة غير عدد قليل اوى من الخدام ومعاهم ابونا وطبعا عدد يتعد على الصوابع

وبعديها على طول رفع الراجل الى كان ملثم دة القناع بتاعة وبص لابونا وراح قايلة :
" دلوقتى ياقدس ابونا انت اتخلصت من كل المنافقين فى خدمتهم ودلوقتى تقدر تكمل خدمتك مع الناس الى تستحق انها تخدم ربنا ومستعدة انها تقابل اى مخاطر فى خدمتهم دى ومن غير خوف ".
وبعديها على طول راح خارج الرجلين دول من الكنيسة.


بس السؤال بقا هنا
تخيل انك انت الى كنت قاعد فى الكنيسة وحصل معاك الموقف دة
ياترى هاتعمل اية !
هاتقوم بسرعة وتجرى مع الناس الى قامو وخافو وهاتهرب بحياتك؟
ولا هاتقدم حياتك من اجل المسيح الى اتصلب ومات علشانك؟
هل ستحمل صليبك من اجل محبة اللة؟