انا 100 % ؟؟ لا ،، أنا ولا حاجة ؟؟

بل اني احسب كل شيء ايضا خسارة من اجل فضل معرفة المسيح يسوع ربي الذي من اجله خسرت كل الاشياء و انا احسبها نفاية لكي اربح المسيح (في 3 : 8)


الرسالة دة موش مستحب انك تقراها لو شايف نفسك اخر تمام وكلة مية مية


النهاردة بس اخدت اكبر الم على وشى اخدتة فى حياتى
سنين عدت كتير وانا فاكر انى مية مية وكلة تمام
انا اللى مفيش قبلى ولا بعدى الخادم العظيم
اللى مقطع نفسة خدمة وكنايس اةةةة يا انا


ضيعت سنين كتير من عمرى هباء
ندمان قوى على اللى راح منى
النهاردة بس اتعريت بعد ما كنت لابس ثوب الزيف
انكشفت وانا اللى كنت فاكر نفسى مليان و اتارينى فاضى
حتى اوقات التمرد على الله كنت فاكر انى بقولة اية يا عم انت فين
واتارية عمال بيشلنى و بيحمينى وانا موش حاسس بالنعمة يا ناس


النهاردة عملت نفسى سبع السباع وقلت اشترك فى مسابقة للكتاب المقدس
واكتشفت انى معرفتى بية سطحية قوى وان كل معلوماتى عنة مجرد قصص وحكايات او كام اصحاح وشكرا
قلت يا واد عيب دة انت كبير دى هية المسابقة اللى صعبة
لحد ما شوفت ناس زى ما قال بولس عن نفسة كدة تمام
تركوا كل الاشياء و حسبوها نفاية لاجل ان يربحوا المسيح
ندمت وانا سامعة بيقول انة بقالة 15 سنة بيقرا الكتاب المقدس وهى بتقول انها خادمة للرب من سنين وهى بتقول انها سابت بلدها علشان تدرس فى مصر و موش لاقية شغل بس كلة بيتدبر لاجل ان تربح المسيح
الاسئلة حستها كانها من عالم اخر ولا موش من الانجيل بس الناس دية عارفين كويس قوى وفاهمين كويس قوى وحفظين كويس قوى
فشلت قوى قوى والاصعب بقة وانا خارج وطلب منى واحد توصيلة لحد البيت
بيتمنى عربية صغيرة يشتريها بس الموضوع مستحيل بل منتهى لية؟
لان ايدة اليمين مقطوعة وملهوش انة يطلع رخصة سواقة
وانا اللى بتمرد وبزعق لربنا ودايما شايف انة موش بيعملى حاجة
كفاية نعمة سلامة الجسد وكفاية الثوابت اللى موش واخد بالى انها نعمة
كفاية حمايتة ليا فى كل امور حياتى
وكفاية عليكم كدة
بس لو شايف انك وصلت ومية مية تبقى غلطان مليون فى المية
كام واحد فيكم بيقرا الكتاب المقدس مرة فى الشهر بس موش هاقول فى اليوم بقول فى الشهر؟
كام واحد بيشكر ربنا كل اسبوع على ثوابت حياتة من صحة وسكن و معيشة و عائلة وغيرة؟
موش قلتكم كفاية على كدة
اللى عايز يرد يرد واللى مية مية بلاش يرد

ربنا يعوضك لوكا وتتبارك حياتك وروحك بنعمة ربنا ، بشفاعة امنا البتول القديسة مريم