نيو لوك في الخدمه والخدام

بسم الآب والابن والروح القدس
الاله الواحد
آمين

كثيراً ما نري الخدمة أنها أمر سهل وعادي (ومفيش منه مشكلة) يعني من الآخر أمور الخدمة فقدت هيبتها ولم تصبح كما كانت في أيام الآباء الرسل وتلاميذ الرب يسوع .

والسبب في قولي ذلك أني أري أشياءاً أصبحت شاذة عن أفعالنا وأعمالنا كأولاد لرب المجد يسوع ، وأذكر لكم علي سبيل المثال :-

نري الآن الكثير من الخادمات في مدارس الأحد يلبسون ملابس لا تليق أبداً ببنات لرب المجد تعالوا معي نري الأطفال المخدومين عندما يروا الخادمة لابسة كده وتقول لماما أنا عايزه ألبس زي تاسونى بتاعتي ماما تقولها لا ماينفعش علشان اللبس اللي تاسونى لابساه ده مش ينفعلك تقولها ليه يا ماما ؟ وتلاقي الأسئله تتوالي فوق رأس الأم وهي تاسونى بتعمل كده ليه مادام عيب وحاجاات من دي كتير .

وبالتالي تسقط النظره المثالية لتاسونى في نظر الطفلة المخدومة لأنها قدوة للمخدومين وبالأخص في مرحلة الطفولة لأنها مرحلة إستقبالية يستقبل فيها الطفل مما حوله من عادات وتقاليد وأساليب الخ .... الخ .

نيجي نتكلم عن الخدمه في الفتيات والزهرات ، هل يمكن أن نقول للبنت إن اللبس ده لا يليق بيكي كبنت لله ؟؟؟

أول حاجه هاتقولها إن تاسونى بتاعتي بتلبس كده يعني مفيش مشكلة .

الخدام دائماً وأبدا قدوة لجميع شعب الكنيسة لأنهم مختارين لإتمام أمور دبرها الله لشعبه ، فهل يمكن أن يصبح القدوة عبرة يعتبر بها في السيئة ؟؟؟؟؟؟؟؟

عايزين ردودكم في الموضوع ده بس أرجو منكم إنكم تركزوا وتبصوا بعينيكم علي اللي قلته وبعد كده اكتبوا الرد اللي إنتم شفتوه بعينيكم .

منقوووووووول مع التعديل

وياريت يستفاد من الموضوع من يهمه الامر
ربنا يعوضك

شكرا لمرورك ابن الملك
الرب يبارك حياتك وخدمتك

موضوع مهم جدا يا سمرا لأن فعلا الخادم أو الخادمة بيكونون مثل أعلى لمخدوميهم
والمشكلة أن الخدام بدأوا ينسوا أن الخدمة مش مجرد درس وترنيمة وأية
دى حياة بنعلمها لأولادنا فى الخدمة وبنحط ليهم الخطوات الأولى ليسيروا فى طريق حياتهم الروحية
ولازم كل خادم أو خادمة لما ينزلوا للخدمة يحطوا دايما قصاد عينيهم كلمة رب المجد :
"من أعثر أحد الصغار المؤمنين بى فخير له لو طوق عنقه بحجر رحى وطرح فى البحر "
شكرا سمرا على هذا الموضوع الهالم جداجدا ..ومن له أذنان للسمع فليسمع

» هام جدا وعاجل لكل البنات والخدام
» ماهو الخادم وما هي الخدمه من تعاليم سيدنا قداسة البابا شنودة الثالث
» احترسوا ايها الاباء والأمهات والخدام من هذه الكلمات ..
» صلاة اليوم السابع من صيام العدرا (من أجل رعاة الكنيسة وكهنتها والخدام والمبشرين بالإيمان بكل انحاء العالم)