تحية للزعيم عادل امام

تحية للزعيم عادل امام

فى حوار مثير وشائك لبرنامج
«واحد من الناس»
«الزعيم»
عادل إمام: أؤيد تولى جمال مبارك للرئاسة عن قناعة وصداقة.. وكل حاجة
أيوى فيه فتنة طائفية والأقباط عندهم مشاكل

29/5/2009

جاء حوار الفنان الكبير عادل
إمام مع الإعلامى المبدع عمرو الليثى ثرياً ومثيراً إلى أقصى حد.. «المصرى
اليوم» تنشر هذا الحوار بالتزامن مع حلقة برنامج «واحد من الناس» التى
أذيعت أمس وتُعاد اليوم

ونحن هنا فى منتدى اولاد ام النور ننشر أهم الفقرات

جمال مبارك والحكم

* أستاذ عادل تصريحاتك المؤيدة لتولى السيد جمال مبارك السلطة فى مصر دى عن قناعة أم مواءمة سياسية.- عن قناعة وعن صداقة، وعن كل حاجة هات لى بديل؟ ما هو لازم يكون فيه حد قوى.

* يعنى إنت موافق على تولى جمال مبارك الرئاسة فى مصر على أى أساس.

ـ أنا أوافق إنه يرشح نفسه، والناس تنتخبه ما هو مش هاجيب جمال وأحطه كده رئيس جمهورية، وإيه المانع ده مواطن مصرى.

* إيه حيثياتك؟

- جمال مبارك متمرس سياسياً موجود فى قلب المعمل السياسى، إيه المانع إنه يرشح نفسه، طب قول لى إنت تحب مين يكون رئيس الجمهورية.

* أنا لفت نظرى فى تصريحاتك إنك بتقول أنا أؤيد جمال مبارك لتولى الحكم، وكان لازم أسألك، هل ده عن قناعة أم مواءمة سياسية.-

ياسيدى هو مش من حق جمال مبارك أن يرشح نفسه عن طريق الحزب لرئاسة
الجمهورية، زى ماهو من حق ضياء الدين أن يرشح نفسه لرئاسة الجمهورية.

* بس أنت ستختار جمال مبارك؟-

أنا سأؤيد جمال مبارك رئيساً للجمهورية.. كل واحد حر فى اختياراته بس على
الأقل هيبقى فيه استقرار أنا مش عارف اللى جى مين وماحدش محضر نفسه يعنى
فيه الأخ أيمن نور.

* هل ترى أن أيمن يصلح ليكون رئيساً للجمهورية؟

- إزاى يصلح رئيساً للجمهورية وهو أول ما خرج من السجن اتخانق مع مراته، أنا مش قادر أفهم الحكاية ده ليه ماهو لازم يقول لنا.

* بس معقول «خناقة عائلية» تمنعه من الترشيح لرئاسة الجمهورية؟

- ما دام رئيس جمهورية أعرف عنه كل حاجة من أوله لآخره.

* هل تخشى من وصول الإخوان المسلمين للسلطة فى مصر؟-

آه طبعاً (ليه) ما يعملوا حزب (حزب سياسى)، أنا مرة قرأت لمحمد حبيب بيقول
إن المسيحيين يدفعوا جزية طبعاً مش معقول فى حاجة اسمها المواطنة
والمسيحيون دول مواطنون مصريون.يعنى فى حالة من الغل وحالة من
الخطاب الدينى قالك البهائيين لازم نعدمهم تعدم إيه، هو أنت هاتضع نفسك
مكان ربنا ده هو اللى بيحاسب ويعلم ما فى القلوب.

* أنت شايف مستقبل السلطة فى مصر إيه بعد عمر طويل للرئيس مبارك؟-

أنا خايف من بعد مبارك فمبارك عامل توازن فى مصر، هو فلاح مصرى عاقل ولما
تقعد معاه بتحس إنه ابن بلد وعنده ذكاء الفلاح المصرى الناس اللى عاوزينّا
نحارب دلوقتى، الرئيس مرة قال إنتم عارفين حرب يعنى إيه.. يعنى فلوس رايحة
وشباب يموت.

* إذا الصورة بعد حكم الرئيس مبارك صورة ضبابية؟-

أنا أثق فى أن الشعب ذكى جداً، وممكن يبان معدنه زى ما بان معدنه فى حرب
أكتوبر، بس المسألة إنه محتاج نوع من التوعية والثقافة ونوّعى الناس أصل
الانتخابات مهمة.. ولكن لازم أخلى فى المدارس انتخابات وتبقى فيه
ديمقراطية.

الفتنة الطائفية والأقباط

* يقال إنك نجم السلطة والشعب هل هذا الوصف يرضيك؟

- لا.. يعنى إيه نجم السلطة زمان كان فيه حاجة اسمها المسرح الإسلامى دلوقتى المسرح زى ما يكون رجس من عمل الشيطان.

* «حسن ومرقص» وهو يناقش قصة الطائفية فى مصر.. هل فيه أزمة طائفية؟

- طبعاً لا فيه أزمة طائفية.

* أسبابها إيه؟

- أسبابها التربية الدينية الخطأ، وعدم احترام عقائد الآخرين.

* هل الأقباط يشعرون بالاضطهاد؟

-
لازم يبقى فيه مواطنة يعنى إيه مواطنة.. مواطنة إن إحنا نبقى مواطنين ليس
لنا دعوة بالدين إحنا شفنا رؤساء وزارات لمصر أقباط فى حكومات ما قبل
الثورة.

* أنت شايف النهارده الأقباط محقين فى آرائهم؟

- هو
لهم حق بس المسألة دى فيها حاجات لازم نعملها بحرص يعنى لو جت دلوقتى قلت
من حق أى حد يعمل كنيسة هتجد ٢٠٠٠ كنيسة اتبنوا فى شهرين ده ممكن يعمل
لخبطة فى البلد فالمسألة محتاجة نوعاً من التنظيم.

* يعنى بالبلدى كده «مأدبة» الإفطار اللى بتتعمل فى رمضان لا تعبر عن العلاقة الحقيقية؟

- أنت لو شفت حسن ومرقص شوف الأقباط بيقولوا إيه والمسيحيين بيقولوا إيه وتشوف لما المسلم يصلىّ فى الكنيسة والمسيحى يصلى فى المسجد.

* أنت قلت تصريحات لك زمان ماكنش فيه تفرقة بين المسلم والمسيحى لكن بسبب انتشار الحجاب أصبح هناك تفرقة فى الشكل بين الاثنين؟

-
أنا مرة دعانى عميد كلية الزراعة فرحت.. وجدت الكلية كلها محجبات اللى مش
محجبة عرفت أنها مسيحية.. إذن فيه نوع من التمييز وده مش مضبوط وممكن يؤدى
لكوارث وبعدين الحجاب دلوقتى زى ما شفت فى فيلم «مرجان أحمد مرجان» البت
لابسة البنطلون محزق عليها ومحجبة وصدرها نافر من البلوزة ومحجبة ويمكن
ترقص وهى محجبة.

* أنت شايف أن هناك من يسىء للحجاب ولا أنت ضد الحجاب؟

- أنا مش ضد حاجة كل واحد حر إنما ماحدش يجى يقول لى لو أنت مالبستش الحجاب يبقى حرام محدش يقول لى ده.

الله عليك يا زعيم
كلام موزون وفى المضمن
تحيتى ليك يا فنان غالى على القلوب وأنسان أغلى وأغلى
يا ريت يكون فى مصر ناس بيفكروا بنفس الطريقة ويكون فى أيدهم سلطة تنفيذية
شكرا عمو مجدى لهذا الحوار الرائع

شكرا لمرورك الكريم وتعليقك الرائع اختنا ابنة مار جرجس
ربنا يبارك حياتك وخدمتك
وياريت فعلا كل الناس فى بلدنا عندها الفكر الراق والمتحضر ده
ماكناش زماننا فى اللى احنا فيه

» شكرا للفنان الكبير عادل امام
» امام مسلم يدخل إلى المسيحية ويلقى بخطاب مسىء للإسلام امام الكنيست الإسرائيلى
» عاجل جداشيخ المسجد الذى امام الكنيسه يمنع المسلمين من التجمهر امام الكنيسه ويهتف مسلم قبطى ايد واجده
» تحية شكر وتقدير
» تحية اجلال و تقدير للأخت سلوى فؤاد