فكروا معايا ..نحل المشكلة دى ازاى

شكرا عمو مجدى على التعليق على ردى..
وطبعا أن مؤمنة بكل كلمة فى الكتاب المقدس ...وأكيد عارفة أن ربنا جعل المرأة تحبل وتلد..
والرجل يكد ويتعب فى العمل
لكن هل معنى أن تقوم المرأة بحمل وولادة الأطفال أن الرجل ليس له دور فى تربيتهم ورعايتهم
كذلك هل لأن الرجل عليه أن يتعب ويكد ليحصل له ولأسرته على الطعام أن المرأة لا تمد يد العون معه
وتقف بجانبه فى عمله
أنا مش بقول الراجل هو اللى يروح يولد والمرأة تصرف عليه..طبعا لا
ولا قصدى أنهم يتبدلوا الأدوار زاى مافى بنات بطالب بكدة بردوا غلط ولا
كل منهم لازم يقوم بدوره وهو يعلم أنه يكمل الأخر وأنه لا يقل عنه فى الأهمية
والتعاون بينهم ده شئ واجب وضرورى
يعنى عمل المنزل وتربية الأطفال بما فيهم البامبرز لو الرجل مد فيه أيد المساعدة ده مش هيقلل منه
ومش عيب
كمان المرأة التى تساعد زوجها فى مجال العمل ده مش هيعليها على زوجها
ولية ملحوظة فى تفسير الأية18 وقال الرب الاله ليس جيدا ان يكون آدم وحده.فاصنع له معينا نظيره.
تك 2: 19
حضرتك قولت:..

maady كتب:

[size=18
من النصوص يتضح ان حواء ليس مساوية لأدم بل معين نظيره
[/size]

طبعا أنا مش مع حضرتك بأن المرأة غير مساوية للرجل
فكلمة نظير.تعنى مثل يعنى زايه يعنى مساوية ليه
فالمرأة معين مساوى للرجل
لو ربنا خلق المرأة غير مساوية للرجل هنا على الأرض يبقى يا ترى فى السماء أيه وضعها
مساوية ليه ولة لا
ولو مش مساوية ليه يبقى مفروط الوصايا الموجهة للمرأة تكون أخف شوية عن الموجهة للرجل
دا غير أن ربنا عادل مع أولاده يعنى عنده الرجل والمرأة واحد
وده مش رأى ده أيمانى الكامل بعدل ربنا ومحبته المتساوية لأولاده

شكرا حبيبتى لبنه مارجرجس على ردك الجميل المهذب

انا مؤمنه ان لا فرق بين الرجل والمراءه ومؤمنه جدا ان الرجل يساعد زوجتى فى كل شى حتى

تنظيف الحمام وغسل المواعين وتغير البامبرز

ولكن زى ما الزوجه بتتعب يبقى لازم الزوج يكن لها كل احترام

ويكون مساويا فى اعمال المنزل بل يكون اكثر منها لان هو جسمانيا اقوه منها

اغلب الرجال يحبو يكون الاكل جاهز ويشرب الشاى وبعد كده ينام وكل ده عاوز مراته تكون مثل

نجمات السينما

كل الوصايا محفوظه والبولس وانجيل متى بس المهم الفهم مش الحفظ

سلام المسيح معاكم اخواتى
طبعا بعد كلام اخواتى مفيش كلام
اولا هى مش حرب بين طرفين لو فيه محبه اساسا مش هيبقى فيه اى مشاكل
ثم ايه المشكله الكتاب بيقول ( معينا نظيرا )يعنى ايه هى معينه له فى كل ظروف الحياه ونظيره له يعنى متساويه معاه برضه فى كل شى يعنى القضيه منتهيه اوك
ام ترتيب الاعمال فربنا رتبه بما يوافق تكوين ادم الجسمانى وتكوين حواء
لكن الان الظروف اختلفت احنا بنشتغل زيه وكمان اعباء المنزل وتربيه الاطفال فالمسئوليه ااضعفت علينا يعنى الحمل بقا اتقل على حواء فين الراجل
المفروض يا استاذى هو مش محتاج لساحه الحوار دى
المفروض من غير كلام يساعد معاها فى شى
احنا بنتكلم عن السيدات اللى بتشتغل استاذى اوكيه سيبك من اللى بيشتغلوش لان اساسا عندها وقت مش محتاجه ايده معاها غير لما تكون تعبانه ودى طبعا مش عايزه كلام
الستات اللى بتشتغل اعمال المنزل والعمل وارهاقه وتربيه الاطفال وفى الاخر الاستاذ عايزها على سنجه عشره
المفروض صدقنى يساعد من غير كلام اساسا لانها زيها زيه لان فيه رجاله بارده وعايشين بمنطلق انا الراجل وانتى الست وطبعا ده منتهى التخلف هى دلوقتى اصبحت احسن منه هى ناجحه فى البيت والعمل مع بعض وانت مجرد العمل ياه دى اكبر تضحيه ياسيدى مهى زيك وكمان اعباء البيت كمان انا شايفه انه يساعد وده اجبارى مش اختيارى وده رايى وانا عارفه مش هيعجب مين!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

شكرا عمو مجدى للحوار وشكرا لحبيبتى سلوى للرد الجميل وهى ام وتعلم شقاء الزوجه والسئوليه

اما عمو مجدى اللى بيقول ان مش تتشتغل وتقعد فى البيت طبعا اوكى بس لازم يكون فى مستوى المعيشه عالى علشا ن يقدر على المعيشه الزوجه تستاهل الماس علشان بتساعده على الارتقاء بمستوه المعيشه انا مع سلوى فى كل كلمه لان معنى الحياه هى التعاون بين الطرفين مش على

مزاجه لازم الزوج يعرف ان زمن السى سيد انتهى وياريت نتعلم شويه من الغرب

ادعوك عمو مدى لمشاهده فيلم غربى وهم فى المطبخ سمحونى

يا جماعه انا مش شايفه رجاله معانا فى الحوار
انتوا خايفين ليه متخافوش مفيش معانا كياس اتكلموا بحريه يا جماعه
احنا مش هنقتلكم هه
ممكن نسمع اراء اخواتى الموضوع يخص الراجل والست

شكرا حبيبتى فراشه الربيع رايك جميل للغايه وياريت عمو مجدى يرد عليه

اختى سمرا كلامك جميل بس ده كنا بنقوله وحنا مخطوبين

الحياه صعبه ومطلبات الحياه ان الزوجه تشتغل

الحياه مش اكل وشرب لازم تكون حياه عصريه وان يكون فيها كل شى حلو

الرجل اللى عاوز زوجتىتقعد من الشغل لازم يجيب لها كل اللى تطلبه ويعيشها سعيده

اما اذا اشتغلت لازم يدخل المطبخ ويغسل الموعين ويفسحها ويغير للاولاد

ويبوس ليدها ويفتح لها باب العربيه وينشز الهدوم ويمسح الازض

مدام الزوجه اشتغلت لازم يعمل كده
يا ريت ياعمو تعمل كده