تعبان جدا صلولي

زائر

انا سقط في الكلية رغم اني شاطر جداااااااااااااااااا
ازاي مش عارف
ناس بحبها غدرت بيا من غير سبب
كل دة حصل في وقت واحد لية
لييييييييييييييية
انا مش عايز تعزيات
انا عايز صلاة منك
انا من الاسكندرية وعايش في اسرة بسيطة وفي فرح لكن مرت بظروف صعبة
اسقط في الكلية في ترم وترم جايب فية امتياز
وانسانة احبها وتحبي وتسبني من غير اي سبب
ارداة ربنا

سلام ونعمة

يا بختك يا صديقي عدو الخير بيحاربك ... لأن ده معناه ان رب المجد بيحبك وانك قريب منه
وبكده احنا اللي محتاجين صلواتك يا أخي الحبيب

لكن ازاي صحيح ترسب تماما ً هو مش فيه عدد معين من المواد بتطلع بها للعام التالي !!
العدرا تصليلك ربنا يصبرك ويعزيك
انت كل اللي محتاجه انك تعترف وتتناول حتي تعطي للرب فرصة انه يعزيك ويعمل فيك

وبعدها فكر شوية حاتلاقي السنة اللي ضاعت دي لها فايدة في المستقبل أنها تقربك من خير أو تبعد عنك شر ... أكيد الرب لا يريد لك الشر أبدا ً .. ولكنه رتب لك الخير من الآن ... فأكيد السنة دي حاتفرق لصالحك في شيء ما جدااااا في المستقبل ..

أما بالنسبة للإنسان الرفيق علي درب الطريق فقد يصادفنا بشر كتييييير ونكون علي ثقة كبيرة بهم لكن لا تكون دائما ً منتظر من الآخرين أن يفعلوا ما انت تتوقع منهم ان يفعلوه ، أبدا ً ..
فلكل انسان ظروفه قد تتشابه معك لحين ولكن قد تتباين في حين آخر

ققط يا أخي اعترف وتناول وصلوات العدرا تكون معك آمين

الشاب دة انا
ربنا يخليك يا خادم الرب
انا سقطت في ترم علي اربع مواد وصدقني صدقني وربنا يعلم بيا
ومش غرور صدقني
بلخص المنهج للقسم كلة وبراجع لطلاب كتير
لكن مش عارف ولا فاهم ازاي الترم لااول امتياز والتاني اشيل اربعة
اما اللي بحبها سابتني من غير سبب وصدقني عمري ما ضيقتها
اللي مضايقني بجد
حصلت امور كتير اثبتت ليا ان الشيطان بيكرهني جدا
صعبت عليا نفسي ودمعت كتير
حسيت بضعف جدا ضيقة كبيرة من غير سبب
وصدقني عمري ما فكرت اضايق حد
لكن مش عارف ولا فاهم سنة تضيع ظلم
وانسانة فجاءة بدون سبب تبعد وتقولي ربنا عايز كدة
لكن رد فعلي كان غريب بدل ما اكلمها واضايق
سكت
قولت طيب
ومش عارف خايف بجد ربنا سبني شوية لوحدي
فين ايدية بقي
صلولي الشيطان بيكرهني جدا وعرفت كدة من حاجات كتييييييير

اخر حاجة عايز اقولها بشكرك من قلبي خادم الرب علي اهتمامك وخدمتك
ربنا يعوض تعبك يارب ويكون معاك حبيبي
سلام

بركة ام النور تشملك يا سامح ...
نصيحتي لشخصك يا غالي انك لا تهتم بكره الشيطان لك أو محبته ..ولا تلتفت له اصلا ً ،
والا ستجد نفسك فريسة سهلة جدا له وكل أفكارك ممتلئة بألاعيبه وبلاويه

بل اجتهد ان تهتم بمحبة الرب فقط وهذا هو الأهم
وان تمسك انت بيده بالأسرار المقدسة ... لأنك تعلم أن الرب لا يرغم أحد أبدا ً علي طاعته

وهو وقتها يدافع عنك وانت صامت ....

صليلي يا اخي

character0009

شكرا حبيبي

:oy: الرب معك يا اخى

أخى سامح أولا أهلا بيك منور المنتدى كله
وكمان أنا مبسوطة كتير أنك فعلا برهنت على أنك حاسس بأننا أخوات ليك وممكن تشتكى لينا
شوف يا سامح التجربة اللى أنت بتمر بيها أن كانت ضياع سنة من دراستك أو خروج الأنسانة التى أحببتها من حياتك ممكن تكون قاسية فى نظرك وتحس أن العالم كله وقف حواليك
لكن صدقنى مهما كانت التجربة صعبة فربنا أقوى منها وأنت لازم تأمن أن ربنا دايما بيقصد خير من كل حاجة حتى لو أحنا شيفنها شر
وزاى ما خادم الرب قالك حاول ما تسيبش أيد ربنا وأمسك فيه جامد هتلاقى ساعتها أنك أعلى من أى تجربة وكمان الشيطان مش هيقدر عليك طول ما ربنا معاك وساعتها هيزهق ويسيبك
السنة اللى فاتت منك أعتبرها فرصة علشان تتعلم أكتر وتعرف ناس جديدة
أما الأنسانة اللى سابيتك فما حدش عارف ظروفها أعطيها عذرها ويمكن ده ترتيب من ربنا
ويكون نصيبك مع إنسانة أحسن
المهم أنك دايما تكون مع ربنا وتطلب منه أنه يرتب حياتك بحكمته ومحبته وصدقنى مش هتندم
ربنا معاك يا سامح ويعطيك نجاح باهر فى كل حياتك ...نجاح فى الكلية والدراسة ونجاح فى العمل بعد ذلك وكمان يعطيك شريكة للحياة تستاهل حبك وأحترامك لها

صدقوني لساني عاجز عن شكركم جدا
بجد ربنا يخليكم ويفرح قلبكم
شكر خادم الرب
شكرا جمال
وشكرا ليكي اختي بنة المارجرس
اذكروني في صلاتكم اخوكم سامح

الذى يحبة الرب يؤدبة
افرح فى التجربة
احسبوة كل فرح يا اخوتى

ميرسي ربنا يفرح قلبك ويطمنك شكرا يا خادم يسوع

اخى سامح انت لو شفت هموم ناس تانى هتصعب عليك على فكرة وتقول ده الواحد مش حاجة بالنسبة للناس التانية عارف لما الواحد بيشوف هموم حد تانى بتهون عليه نفسه بجد اشكر ربنا على اللى انت فيه وماتحولش تسمع كلام عدو الخير بس وانتى مع الوقت هتلاقى الهموم دى بتروح وان هحكيلك قصة فى موضوع خاص وعاوزك ترد عليها ماشى ياحبيبى ربنا يوفقك

ربنا يخليك ميرسي لاهتمامك

منورنا اخي سامح

اهلا بيك داخل احضان ام النور

وجودك معنا بركة جميلة

وطالما انت ابن المسيح لازم ما تخلي الزعل يدخل قلبك

لان يسوع داخلنا ومش ممكن نخلي الاحزان تملا مكان بابا يسوع

لازم نحنا مهما حصل لنا

نكون اقوياء وجبارين

لانه ياقمر مهما حصل لنا من تجارب شيطانية

فهيا لا تقارن بثانية عذاب مر بيها الهنا

فما هو عذابنا ادام عذاب الهنا

لا شيء

لهيك لازم تكون قوي وتصد كل التجارب بقوة

لان يسوع داخل قلبك ياقمر

وكل التجارب يلي بنمر بيها

صدقني بكرى بتمر الايام

وبتعرف انها للخير

بس خلي الامل يملا حياتك

وحاول تقوم بسرعة من محنتك

والرب يسندك ويقويك ويكون معك دوم اخي

يارب يخليكي يا فراشة الربيع
شكرا جدا لزوقك اذكروني في صلاتك اخوكي سامح

الرب يسندك دوم

تعبان جدا صلولي 993215

اخى متنساش ان ابليس كاسد زائر فلازم عدو الخير يحاربك
والاحسن انك تثبت عكس حساباتة خالص
وتستمر فى تفوقك
اما عن السنة فكل الاشياء تعمل معا للخير صح
واللى عليك تعملة تنسى ماهو وراك وتمتد الى ما هو قدام
ربنا معاك تعبان جدا صلولي 209715

ويقويك

» تعبان......!!!!!! بتتالم ......!!!! افتكر الكلام ده...>>>>>>
» تعبان.. مضايق.. يسوع هيريحك { فـيـديـو }