ليه أحنا متأخرين ؟

ليه أحنا متأخرين ؟

22/09/2009

أرسلة / صفوت سمعان يسى

أرسل لي الصديق الصحفى نصر وهبى آبيات شعر كتبتها المثقفة راندا جمال البهائية ومن جمال آبياتها قررت أن أنسقها و أرسلها لكم وهى بالرغم من أنها آبيات شعر ساخرة إلا أنها تعبر عن الواقع.... الأليم والمرير الذى نعيشه اليوم ...

شعر/ رانــــدا جمال

سؤال بيسأله كل المصريين ليه أحنا متأخرين ؟ ..
وكلنا للأسباب عارفين بس مستهبلين
ووقتــنا كلــــــه مضيعــــــين
وإحــنا علي الكافيــــهات قــاعـــدين ..
وللشيشـــــة والمعســــل شــاربــين
والبــــنات والـولاد لبعــــض معــلقــين ..
والــرجالة والستات جوازات عرفي ضــاربين
وعندنا مدارس وجامعات كتير بس مش متعــلمين ..
وفــــاشـــلـين جــــاهــــلـين
وجوامع وكنائس كـــتير بس مافــيش ديـــن ..
ونطلع من الصلاة نتخانق ونسب لبعض الــدين
والمسلمين والمسيحيين مــع بــعض مش حـلوين ..
والاثنــين مــش طــايقــين البـهائيين
وعندنا ناس بتسال ندخل الحمام بالرجل الشمال ولا اليمين ..
ورجالة وستات بيحلفوا أنهم للجن متجوزين
ومخــــلـفين متخـــــــلـفين
وعـــندنا نيــل طــويـل بس عطــشانين ..
وأرض خضــراء مـزرعة بـــس جعـانين
والخضـار والفـاكهة الحمد لله متـسرطـنين ..
وفي أنفلونزا الطـيور طلعنا علي العـالم التـالـتين
ودفـنـا الخنازير حـية والأنفلونزا مش لاقـيين ..
و حــتي السمك مســمم جبـناه مـن الفــلبين
وبقينا خلاص نباتيين ومش لاقيين
وعـلـي بعــض بـــس مـتفـالـحين ..
وعـلـي الغــلبان بـــس نعـمل جـامـدين
ولــو عسكري المرور كلمنا ننزل نديله قـلمين ..
لــكـن لـو ضابط نــقــول له آمـــين
وندفع المخالفة حتي لو مش غلطانين
ونضحك في وش بعض وأول ما نمشي نروح شاتمين ..
وكـلنا نقول لبعض أنت عارف بتكلم مــين
ورجــالــتنا مش عــارفين وفـــي العسل نـايـمين ..
والستـــــــــات تـعبانــين
3 /4 الــبلـد بيتكلموا فــي الموبـايل وهمـا شحاتين ..
والـربـع مسـاطيـل ومـحششـين
بـــس ســـيبك أنـت أحـنا نــاس طـــيـبين ..
وربــنا سـاترها وماشيه بدعاء الوالدين
وصدقني حــانــفضل كده علي طول وليوم الدين

رانــــدا جمال

منقول

ههههههههههههه
جامدة جداااااااااااااا يارندا

لكن صدقيني انتي

عمرنا ماحنستمر كده لوعرفنا وفهمنا ووثقنا بعمل الرب يسوع المسيح لنا
علي عود الصليب

وعـــندنا نيــل طــويـل بس عطــشانين ..
وأرض خضــراء مـزرعة بـــس جعـانين
والخضـار والفـاكهة الحمد لله متـسرطـنين ..
وفي أنفلونزا الطـيور طلعنا علي العـالم التـالـتين
ودفـنـا الخنازير حـية والأنفلونزا مش لاقـيين ..
و حــتي السمك مســمم جبـناه مـن الفــلبين
وبقينا خلاص نباتيين ومش لاقيين
وعـلـي بعــض بـــس مـتفـالـحين ..
تحياتي القلبية ليكي راندا
ميرسي جدا عمو مجدي

» أرفع رأسك وأوعى تطاطى أحنا تعبنا من الصوت الواطى