تقول أمنا المحبوبة القديسه تماف ايريني :

تقول أمنا المحبوبة القديسه تماف ايريني :


كانت عندنا راهبة اسمها ايلارية ...كانت راهبة قديسة جدا ..و في يوم فتحنا الباب عليها لقيناها اتنيحت و هي راكعة وماسكة الابصلمودية بتصلي
وكنت بأحبها قوي و قعدت أصلي كتير علشان أشوفها
و في يوم بالليل كدة لقيت واحد واقف قدامي ولابس أبيض ..رشم الصليب و قال لي : تحبي تيجي معايا في رحلة ؟؟
قلت له : فين ؟
قال لي : السماء
ولقيت زي قوة شايلاني و أنا بأطير و طالعة فوق فوق ..لغاية لما لقيت نفسي في مكان وماشية فيه ...ان مكان مليان فرح وسلام
و لقيت ان المكان مليان أرشات ...كل أرش قدامه صالة واسعة قوي تخص راهب أو راهبة ....و في نهاية كل صالة ربنا يسوع المسيح جالس علي عرش عظيم قوي و منير جدا و ضوءه يعطي فرح وسلام لا يوصف

و فجأة لقيت أمنا ايلارية واقفة قدامي
جيت أحضنها فمنعتني و قالت لي : أنا في الروح دلوقتي
سألتها : انت واقفة هنا ليه ؟؟
قالت : عندي خبر انك جاية ..فأنا منتظراك
فقلت : و انت عرفتي منين اني جاية ؟
فقالت : الملاك اللي معاك قال انه رايح يجيبك
فقلت : يا بختك بالمكان الجميل ده ...ده فعلا مكان فيه فرح و سلام عجيب ..لكن أنا ملاحظة ان فيه فرق ما بين كل أرش و الثاني من ناحية خضرة أكثر و من ناحية زهور أكثر
فقالت لي أمنا ايلارية : تعالي أوريكي مكاني
و لما رحت المكان لقيته مفرح و جميل لكن صحراء ..مافيش خضرة و لا زرع
فقلت : ليه يا أمنا مكانك هنا و انت كنت راهبة قدوة
قالت : علشان كانت ايدي ناشفة
قلت لها : و انت كانت حيلتك ايه ؟؟
قالت : علشان لما كان عندي حاجة زي كتاب البستان ..كنت أرفض اديه للراهبات و أقول دول هيبهدلوه ... ودي كان فيها محبة قنية ...و لما يكون عندي أدوات أرفض أسلفها للراهبات
و لما يكون الراهبات بيجمعوا فلوس علشان يساعدوا أسرة فقيرة كنت أرفض أدفع

بعدها أخذ الملاك أمنا في جولة سماوية .. وعاد بها لقلايتها ثانية .. وظلت أياما وجهها يلمع من نور المسيح الذي رأته

سامحوني لاختصار الجزء الأخير لعدم التطويل و لأني أريد أكثر أن نركز علي حديث أمنا ايلارية

فلا تنسي يا صديقي الحبيب أن عملة دخول السماء هي الرحمة .. وهذه متاحة لنا الأن بوفرة فاستغلها الأن قبل أن يمضي الوقت

المجد لاسم الله

هى امنا ايرينى ما كنيش بتسافر خالص غير للسما


السلام ليكى يا تماف ايرينى

صلاتك اما عرش الفادى من اجلنا احنا الخطاة ومن اجل جميع اخواتنا الغايبيين
يرجعولنا بالسلامة

اذكرينا جميعا فى صلاتك




شكرررررررررررررررررررررررررررررا
سمرا على الموضوع الروحى الجميل ده

ربنا يبارك خدمتك

شكرا يا سمرا على البركة الجميلة خالص
بركة أمنا إيرينى معانا كلنا