شوية ترانيم جميله لمدارس احد اسمها 10 ايام في مدرسة المسيح

- اتعلم تتسامح
اتعلم تتسامح +++ واغفر للى يسئ لك
لو هتسامح غيرك +++ تلقى الله هيغفر لك
اللى فى قلبه يلاقى حنان +++ ويسامح هو الكسبان
واللى هايرفض انه يسامح +++ فى الأخر هو الخسران
اللى بيغفر شئ لآصحابه +++ يلقى جميع الناس احبابه
ومحدش هايزعله تانى +++ والغلطان هايلاقى عقابه
اغفر واقبل وأنسى وسامح +++ خللى الحب فى قلبك واضح
لما تغفر شئ لأصحابك +++ فى الأخر تبقى انت الكسبان والرابح




10- قال المسيح

قال المسيح : أمن فقط
لا... لاتخف : آمن فقط
اعلن ايمانك ... وبالأيمان أرفع صلاة
وامشى الطريق ... كل الطريق أمشيه وراه
دا مافيش حدود ... ولا مستحيل عند الأله
وكل شئ ... تحتاج اليه تلقاه معاه
قال المسيح : آمن فقط
لا... لاتخف : آمن فقط
باب الأيمان مفتوح على كنوز ربنا
وبالأيمان تبقى السما فى أيدينا
وقال يسوع ان الطلب من حقنا
ومهما نطلب أو نعوز نلاقيه هنا
قال المسيح : آمن فقط
لا ... لاتخف : آمن فقط



11- كلمة ربنا جاية

كلمة ربنا جاية +++ زى البذرة الحية
عايزة تملأ قلوبنا +++ بالبركة الألهية
تكبر تكبر... تكبر تكبر +++ والحباية تصبح مية
بس الكلمة مش بتصادف +++ دايما قلب علشان تحييه
أحيانا بتقع فى الشارع +++ وماتقدرش تنبت فيه
أحيانا يبقى القلب بليد ...مايقبلهاش
أحيانا يبقى القلب حديد ... مايصدقهاش
أحيانا يبدأ بحماسه ... مايكملهاش
أحيانا برضه بيخنقها ... مايكبرهاش
يارب أدينا قلوب جاهزة +++ تستقبل بالحب كلامك
وحياتنا تبقى جناين خير +++ مليانة وبتشهد بسلامك



12- لما تقول الكلمة

لما تقول الكلمة +++ لما تقول الوعد
لازم تبقى أمين فى كلامك +++ وتحافظ على العهد
لما تعاهد ربك +++ خللى الوعد أكيد
ده اللى ينفذ كل وعوده +++ يقضى حياته سعيد
كان فيه اب .. وليه ابنين +++ هما حبايبه وننى العين
وفى يوم قال لاولاده ساعدونى +++ بس ولاده كانوا ..صنفين
واحد قال لابوه انا جاهز +++ ابعتنى مطرح ماتحب
والتانى قال انا مش عايز +++ انا هاهرب م الشغل الصعب
بس الأول نسى واتراجع +++ فى كلامه .. ولاراح ولاطل
والتانى من بعد ماعاند +++ راح لابوه وعمل له الشغل
الناس قالوا التانى الأحسن +++ رغم عناده وسوء الرد
لكن احسن م اللى بيوعد +++ ومالوش كلمة .. وملوش وعد
لما تقول الكلمة +++ لما تقول الوعد
لازم تبقى أمين فى كلامك +++ وتحافظ على العهد
لما تعاهد ربك +++ خللى الوعد اكيد
ده اللى ينفذ كل وعوده +++ يقضى حياته سعيد



13- لما كنت صغير نونو

لما كنت صغير نونو +++ اتعلمت حروف وكلام
وفضلت أكبر حبة حبة +++ ويا ألهى عايش فى سلام
علمونى أرص حروف +++ وعددهم اربعة بالتحديد
ونشبكهم يا لا نشوف +++ كونت لى أسم جديد
ى س و ع
ى : يسوع اتولد نونو فى مزود فقير
س : سكن وكبر ويانا وعمل خير كتير
و : وكمان مات علشانا وضحى بحب كبير
ع : عا السما هاروح معاه واتمتع بالقدير


14- ربنا مش محتاج لفلوسنا

ربنا هو الأغنى +++ وهوة بيدى الكل
وأى فلوس تكسبها +++ ربنا ليه الفضل
ربنا مش محتاج لفلوسنا +++ ولا محتاج عطايانا
هوة عنده خزاين واسعة +++ وهو اللى بيرعانا
واحنا لما بندفع حاجة +++ مش علشان نغنيه
لكن بنشارك ونقول له +++ اننا كلنا ليه
ربنا هو الغنى +++ وهو اللى بيدى
وأى فلوس ف أيدينا +++ ربنا ليه الفضل
مايهمش كام قرش بتدفع +++ أكتر ولا أقل
ربنا بيشوف الأخلاص +++ ويبارك فى الكل
اللى بياخد بس بيخسر +++ ما بيحسش بأمان
واللى بيدى بياخد أكتر +++ ويروح فرحان
ربنا هو الغنى +++ وهو اللى بيدى
وأى فلوس ف أيدينا +++ ربنا ليه الفضل



15- واثقين الرب هايحمينا

واثقين الرب هايحمينا +++ احنا أولاده وهو راعينا
وفى وسط البحر وأمواجه +++ بيعدى وبيمسك فى أيدينا
واثقين الرب هايحمينا +++ احنا أولاده وهو راعينا
وسط الضلمة مش هانخاف +++ ده يسوع موجود فى حوالينا
واثقين الرب هايحمينا +++أحنا أولاده وهوه راعينا
صبح وظهر وعصر وليل +++ دايما دايما عينه علينا

ربنا يبارك خدمتك سمرا

اشكرك اخى خادم الرب

الرب يبارك حياتك ويعوضك

ترانيم روعة ياقمر

الرب يبارك خدمتك ويعوضك