maady
وســــــــام كبار الشخصيـــات
شفيعـي : أم النور
المزاج : القراءة
الهواية : 
 [table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
 | | موضوع: هو انت مكتوب عليك .. الثلاثاء 01 ديسمبر 2009, 6:38 pm | |
|
هو انت مكتوب عليك ..
دعوة للأقباط لرفض الذل والهوان
د. ياسر يوسف غبريال
28 نوفمبر 2009
هو انت مكتوب عليك
اللى تبات فيه
تصبح فيه
ولما تجرى على الوطن
تلاقيه
فى حضن غيرك
وبيحرق كنيستك وديرك
يا وطن كتر خيرك
======================
هو انت مكتوب عليك
تحلم ولا تنولش
تيجى تصلى
تقوم الدنيا وماتقعدش
تعيش خايف
وتخاف تعيش
والظلم شايف
ولا تحكيش
يا حبيبى
الطبطبة
ومصمصة الشفايف
ما تاكلش عيش
======================
هو انت مكتوب عليك
تكون ضحية اشاعة
او كلمة فى الاذاعة
واللطافة والوداعة
اللى من صفاتك
جرأوا عليك الجماعة
ارفع صليبك ويا صلاتك
مش الشياطين
بيخافوا من دى العلامة ..
======================
هو انت مكتوب عليك
تكون ايوب
والمهنة مصلوب
هو طريق الجلجثة انتهى ولا ابتدا
والوطن اللى بنور المسيح اهتدى
ليه فى القبر مغلوب ..
يا وطن قوم بقى ..
ارواحنا فى هواك متشعلقة
ومستنية لحظة اللقا ..
======================
هو انت مكتوب عليك
ما تشلش حاجة للزمن
غيرك يشترى وانت اللى تدفع
التمن
جربت طعم الالم
دوق .. دوق
يمكن فى يوم تفوق
ولا استحليت المسكنة
======================
هو انت مكتوب عليك
السكوت
اللى بطعم الموت
ولو طلعلك صوت
الف مين يسكتك
وسكتك
توهة و ضلمة
ولما
تقول انا مصرى
يقولوا
من اهل الذمة
======================
هو انت مكتوب عليك
الإنحنا
دا سيدك انفرد عوده
فى ملء الازمنه
شايل صليبه
بارداة مومنة
بس فى ايده
السوط
بيطهر الامكنة
الصليب مش ضعف
دى قوة متمكنة
والبداية من هنا
======================
د . ياسر يوسف غبريال
| |
|
maady
وســــــــام كبار الشخصيـــات
شفيعـي : أم النور
المزاج : القراءة
الهواية :
[table style="WIDTH: 150px; HEIGHT: 100px" border=3][tr][td][أولاد أم النور][/td][/tr][/table]
| | موضوع: رد: هو انت مكتوب عليك .. الثلاثاء 01 ديسمبر 2009, 7:06 pm | |
|
حتى لانكفر بك أيها الوطن
حتى لانبحث لنا عن وطن اخر
حتى لانموت فى أرض غريبة
آه ياوطنى
ياوطنى
علشان أنا أبقى ابنك
وأشيل همك واعلى رايتك
وأبكى على وجعك
لازم انت الأول تعترف ببنوتى
وتحضنى فى فرحك فبل كربك
وتمد ايدك وتدينى من خيرك
ولما أخاف تضمنى
وماتتخلى
ولما احتجلك تقولى يابنى تحت امرك
أومال مش أنا حتة منك
عمرك ماتحتفضل على الغريب
ولا تنظر لدين ولا لون
هى الأم تفرق بين البنون
الكل عندها سواء الضعيف قبل الكبير
تضم وتحمى وتسهر وماتشتكى
ياوطنى مالك من بين الأوطان
أنا لى سنين بحكى وأرغى
وانت عنى غفلان
أصرخ ومابتسمع
وودانك مع غيرى ديدبان
هو انا ابنك ولا مش أبنك
ولا اكون جيت مش من طينك
صدقنى انا من طينك
ولا يكون علشان أسمى
شنودة ولا جرجس ولا بيشوى
وانت نسيت
ومابتعرف الا اسماء العربان
ياوطنى انت عاوزنى
ولا ادور لى على عنوان
للأمانة
منقول
تعليق احد اخوتنا الأقباط على موضوع د. ياسر | |
|
†††
الرئيسية
المجلة
أحدث الصور
التسجيل
دخول
التسجيل
