قصيدة رائعة اهداء الى شهداء المسيح نجع حمادى

اهداء الى ارواح شهداء المسيح نجع حمادى

بالدم هأكتب قصتى.......وعلى خدى سايلة دمعتى
اصل الحكاية بتبدى........من النهاردة فى وفى كنيستى

سمعت احداث علماء.........تقول خلاص على اللى جرى
شاب حلوية وسكرة...........معاه شباب ايه اللجرى


معاه شباب حلوين قوى.......... وسامه وشيك قوى
ماسكين ايديهم بالقوى...........وبميلاد يسوع يحتفل ويرتوى

اصل الشباب دول أصحاب......و ياما خبطوا لبعض على الباب
كانوا فى عيونه أحبابه........ياما تناولوا وصلوا على اعتابه


واليوم خلاص وقت السفر.........وهيلبسوا اكاليل الظفر
من النهاردة مفيش سمر.........مفيش دراسة مفيش عمل


راحوا الكنيسة فرحانين..........مع الرعاة الساهرين
مع الملايكة مرنمين..........انشودة للرب القدير


اليوم مخلصنا اتولد.........عشانا وعشانا اتلم واتجلد
لأجل ما يكمل العدد...........بقوة الرب الأسد


فى القداس كانوا مبسوطين..........بميلاد فادينا عمانوئيل
وخرجوا برة مش عارفين...........ان النهاية كانت انين


سفاح بيرمى ضربته.........بركان ثاير فى شظيته
مايعرفش ان رميته............هتصيب شباب فى نزوته


رحل العرسان الشباب فوق.........والهنا قاله اصحى فوق
راح انزع منك كل شوك........وشمس يومك تبقى شروق


دا انا الفادى ومكتوب عنى ........ نقشتك يا ابنى على كفى
وراحتك دى يا ابنى فى حضنى..........ولا حدش يخطفك منى


على الأرض الدنيا اتغيرت......... وفرحة امه اتبدلت
أخته م الحزن اتبهدلت.............بدموع عنيها اتعطرت


يا امى شيلى دمعتك......... دا يسوع غفر خطيتك
ومعاكى وسط محنتك........... فى ضحكتك وفرحتك


اليوم ابنك طلع ليسوع.........هيا افرحى وبلاش دموع
وقلبك لو فضل موجوع.......... كلام قلبك عنده مسموع

منقووووووووووووووووول

كلمات اعجز عن وصفها

الجرح كبير

بس الرب كبير

شكرا اخي الغالي على القصيدة وكلماتها المؤثرة

قصيده راااائعه اخى مينا

تتبارك حياتك وخدمتك

قصيده راااائعه اخى مينا

تتبارك حياتك وخدمتك