تأمل إن آلام الزمان الحاضر لا تقاس بالمجد العتيد أن يستعلن فينا " رو 18:8 "

ان آلام الزمان الحاضر لا تقاس بالمجد العتيد أن يستعلن فينا " رو 18:8 "

اخوتى الأحباء
كثير مننا بيعاتب ربنا وبيقوله ليه يارب سمحت ليا بالمرض أو بمواجهة مشكله أو ... أو ... الخ .

لكن احنا نسينا ان السيد المسيح له المجد الذى بلا دنس وبلا خطية تألم من أجلنا " مصلوب من أجل معاصينا " وكل هذا من أجل خلاصنا نحن !!

لكن احنا فى نفس الوقت بنرفض اننا نتعرض لشىء بسيط من التجارب أو حتى لبعض آلام من أجل حبيبنا !!

احنا نسينا ان التجارب والضيقات دى بتساعدنا كلنا فى التقرب من رب المجد لأنها ببساطه بتخلينا نلجأ اليه ونصليله ونطلب منه يعنى مثلا فلان لو مكنش تعب مثلا مكنش هيصلى لربنا انه يشفيه وكان هيستمر فى حياته متناسيا الله !
وفلان لو ربنا مكنتش خلاه يمر بظروف قهرية ومشكلات صعبه مكنش هيصلى طالب للمعونه من عند الرب وكان هيفضل فى طريق الظلام والخطية !
وانا وانت لو مكنش ربنا سمح لينا ببعض الاضطهاد سواء عن طريق مشاكل فى الدراسة أو فى العمل أو فى أى حاجة أو حتى الاستشهاد مكناش هنصليله ونطلب منه الرحمه والعون !!!
مش بس كدة , دة كمان قالنا انه هيعوضنا عن الألآم اللى بتواجهنا بمجد عظيم !! والكلام ده واضح ببساطه فى الايه لكن للأسف احنا تفكيرنا البشرى محدووود لأقصى حد مفكرش ان التجارب والضيقات دى بتدينا اكاليل فى السما لكن تفكرينا منحصر بس فى الارضيات !!

وفية أية تانية جميلة جداا بتقول
( جميع الذين يريدون أن يعيشوا بالتقوى فى المسيح يسوع يضطهدون ) " 2تى 12:3 "


يعنى علشان نحيا فى طهارة وبر لازم هنقابل مشاكل واضطهاد وتجارب ومضايقات ولازم احنا نقابل كل دة بفرح وسرور وثقة فى محبه ربنا لينا والمكافأة التى يدخرها لينا وما أعظمها مفاجأة !!

أخى الحبيب
لا تتذمر من مرورك بتجربة أو مشكلة لكن فقط اشكر ربنا يسوع المسيح ومتخفش حقك محفوظ ....

اذكرونى فى صلواتكم

منقوووووووووول
( شكرا Mannon )

اخى prayerعلى الموضوع الرائع

تتبارك حياتك وخدمتك