حصريا ً مسابقة تاكسي أولاد أم النور حضر رخصة قيادتك وادخل حالاً عندك مهمة في انتظارك ..

تذكير بمساهمة فاتح الموضوع :

مرحبا ً بك يا زائر في جراج تاكسي أولاد أم النور



التاكسي بتاعنا محتاج سائق ماااااهر ليتمم المأمورية التي ستسند إليه !!

والمأمورية ببساطة سيتكفل بتنفيذها أي عضو بالمنتدي يختاره قائد التاكسي الحالي فقط عندما ينهي مأموريته كاملة
وهكذا بالتناوب كل سائق للتاكسي ..
كل اللي عليه انه يركب التاكسي ويقوم بتنفيذ المأمورية التي تسند اليه من السائق الذي كان يقود التاكسي قبل منه
....

[ المأمورية المطلوب تنفيذها ] :


مطلوب من السائق أن يقوم بقيادة التاكسي داخل أقسام المنتدي التي سيحددها السائق الذي أنهي مهمته من قبله ، ويضع عدد من المواضيع و الردود داخل هذه الأقسام والتي يحددها له السائق الأول أيضا ً وفق قانون المسابقة ...وذلك في خلال فترة محددة لا تزيد عن أسبوع ...
وعندما ينتهي السائق من المهمة ، يتولي هو تحديد اسم السائق التالي وتحديد مهمة جديدة له بالتفصيل كما حدث معه ..

لابد من مراعاة الشروط التالية في القيادة وكذلك في توكيل المهمة ، والا سيكون السائق فشل في مهمته
هههههه لاحسن تتسحب منه رخصة القيادة لمدة اسبوع واحد لأنه لم يستوفي قوانينها :

[ قوانين المسابقة ] :

1- ألا يزيد عدد المنتديات المطلوب وضع مواضيع بها عن الخمسة أقسام .

2- يجب أن يحدد له عدد المواضيع المطلوب كتابتها داخل كل من الأقسام الخمسة .
[ لا داع في أن تزيد عدد المواضيع المطلوب من السائق أن يكتبها عن السبعة مواضيع داخل الخمسة أقسام التي سيحددها له السائق الذي قبله ]

3- يجب أن يحدد له عدد الردود المطلوب منه الرد بها داخل كل من الأقسام الخمسة.
[لا داع أن تزيد عدد الردود علي الموضوعات عن السبعة ردود أيضا ً وان يحدد عدد الردود علي المواضيع ويحدد أقسامها السائق الذي قبله كذلك ]

4-يجب ألا تزيد الفترة المتاحة للسائق للقيام بدورته في القيادة وإتمام مهمته عن السبعة أيام .
[إن إستطاع السائق إتمام مهمته قبل الموعد المحدد له ، سيضاف له خمسة نقاط فوق نقاط المهمة الأساسية ]

5- سيكون هذا الموضوع بمثابة جراج للتاكسي .. فيه نوكل للسائق مهمته ، وسائق التاكسي أيضا ً يضع لنا فيه
روابط المواضيع التي كتبها والتي رد داخلها لكي نراجع كلنا عليها .

6-لابد للسائق في بداية كل مشاركة يكتبها متعلقة بمسابقة تاكسي أولاد أم النور " موضوع أو رد " أن يضع بادج المسايقة التالي :



يمكنك ببساطة نسخ الكود التالي :

الكود:

 
[url=http://omalnoor.mam9.com/montada-f25/topic-t9127.htm][img]http://i67.servimg.com/u/f67/13/57/91/18/f3681510.jpg[/img][/url]

و أن يضع هذا البنر في نهاية المساهمات :



يمكنك بساطة نسخ هذا الكود في نهاية كل مشاركة :

الكود:

 
[url=http://omalnoor.mam9.com/montada-f25/topic-t9127.htm][img]http://i42.tinypic.com/20hahs3.jpg[/img][/url]
 

7- لكل سائق انهي مهمته بنجاح >> 20 نقطة .
[ ممكن أن يضاف 5 نقاط إذا إستطاع اتمام مهمته قبل الموعد المحدد وأقصاه 7 أيام ]

8- لكل سائق ماهر أنهي مهمته دون أخطاء ستضاف له ميدالية فورا ً ببياناته الشخصية ..

9- وبعد أن ينتهي كل سبعة سائقين مهمتهم بنجاح >> سنختار بالتصويت من هم أفضل ثلاثة سائقين للتاكسي من هؤلاء السبعة . بقوة مواضيعهم وردودهم المتوافقة مع الشروط وتنسيقهم الجمالي داخل مساهماتهم الي جانب عدد النقاط الحاصلين عليها ...

ولهم جوائز عبارة عن :

* الأول = شهادة تقدير + وسام + شحن رصيد موبايله بقيمة 10 جنيهات ..
* الثاني = شهادة تقدير + وسام + شحن رصيد موبايله بقيمة 5 جنيهات ..
* الثالث = شهادة تقدير + شحن رصيد موبايله بقيمة 5 جنيهات ..

10- يجب أن لا تكون مواضيع السائق المطلوب كتابتها منقولة ولكن تكون بإجتهاده الخاص .



نصائح هامة :

#تستطيع يا زائر قيادة التاكسي فقط عندما ينتهي السائق الحالي من انتهاء دورته في القيادة .

# لا تنسي أن تهتم بشرط وضع توقيع لعبة تاكسي أولاد أم النور في نهاية مشاركاتك التابعة للمسابقة سواء المواضيع او الردود التي تشارك بها .. ولن بلتفت للمشاركة التي ليس بها هذا التوقيع أو تخل بأي شرط من قوانين القيادة ( المسابقة ).

# في الموضوع ده هنا حانجرج دايما التاكسي بتاعنا بمعني يجب ان تضع روابط مشاركاتك التي انهيتها عن طريق التاكسي في هذا الموضوع لمراجعتها

اللعبة سهلة جدا ولكن لابد من مراعاة قوانينها تماما ً وسنتقنها بسهولة أثناء ممارساتنا لها ... ولو فيه أي استفسار او شئ مش واضح للآن انا في الخدمة ..



يالا نبدأ :

شكرا ابنة مارجرجس علي ذوقك ربنا يعوضك

ومبروك مرة تانية ....
بس انا قلتلك تعلني اسم المتسابق الجديد بالليل الساعة 9 الي الساعة 10 علشان نبدأ في عد الأيام من اليوم التالي ؟؟؟
انتي كده لخبطتي الايام ؟؟؟؟؟؟



يالا يا جورجيوس باشا شد حيلك في مهمتك دي وخاللي بالك من قوانين المرور بتاعتنا
واتفضل رخصتك اللي حاتسوق بيها يا ريس



وربنا يكون معاك اتمني تكون بتلاحظ الموضوع ده علشان يكون عندك خلفية مسبقة وماتتفاجئش .... وانا حابعتلك رسالة خاصة أنبهك بيها حالا ً .. وحانحسب الايام من بكرة بإذن ربنا من ساعة ما بعتلك الرسالة الخاصة الا اذا كنت انت رفعت موضوع خاص بالمسابقة في توقيت قبل هذه المشاركة في هذه الحالة ستكون رحلتك بالتاكسي بدأت منذ اليوم ......


وبلاش عصبية وانت سااااايق

الله يكون فى عونك ياجو شد حيلك بقى وادينى مستنيك لما ترجع من مهمتك بالسلامة ياترى هتستلم الرخصة امتى

الف الف مبروك حبيبتى ابنة مارجرجس

مبروك يا غاليه على النتيجه الجميله خالص فعلا تستحقيها على المواضيع الاكثر من ررررائعه

يارب دائما بالتوفيق والنجاح وبفرح قلبك حبيبتى

الف مبروك يا ابنة البطل
عايز اغير القوانين بسببك يا جورجيوس موضيعك كلها جنان
فعايز اخلييك تنزل 100 في المنتدي الواحد
ربنا يباركك حبيبي
وخلي بالك من التاكس علشان ده عليه اقساط

مرسى ليكوا كتير أخواتى الغاليين

سمرا & مينا الكوتش & ملاك
ومرسى ليك يا ملاك لأنك أنت اللى أخترت أنى أقود التاكسى وأخد البركة الحلوة دى من معظم منتدايات أولاد أم النور
جوارجيوس أنا فرحانة كتير بمواضيعك الفوق الرائعة ويظهر أنى مش هتهنى كتير على المركز الأول
بس يلا يا بطل أنا عن نفسى هكون فرحانة كتير بنتيجتك اللى متوقعاها لأن كدة هيكون أختيارى فى محله

اخوتي سلام ونعمة ..

لقد استلمت رسالة من اخونا جورجيوس علي الخاص بتاريخ 18 / 7 / 2010 تفيد بأنه قد اكمل مهمته بالفعل ...
ودي صورة من الرسالة



معلش هو مش واخد باله انه لازم يبلغنا ويضع روابط المسابقة هنا ولذلك نبهت عليه علي اهمية هذه النقطة ونحن في انتظار انه يجرج التاكسي هنا ومعاه كل المواضيع اللي وصلها لكل المنتديات اللي كانت حسب مهمته ... خود وقتك ياجـــو في نقل الروابط هنا انت كده انهيت المهمة .... خود وقتك لكن ماتتعداش الأسبوع ياريس هههههههههه

يالا جــــو حمدلله علي السلامة يا أمير.... منتظرييييييييييييييييينك

برافو برافو جوارجيوس
وحمدلله على سلامتك وسلامة التاكسى
ومبروك عليك أنك أنهيت المهمة
وأن شاء الله هتكون النتيجة فوق الممتاز

ياهلا ياهلا
ويلكموووووووووو ياجـــــــو

جاري مراجعة المهمة وسنعلن النتيجة غدا ً بمشيئة ربنا مساء ً ...

طب !!!

طب ايه اللي جاي تقول عليه .. ماخلاااااااااااااااص .. شنكلونا يافااااااااندي

عقبال ولادك بقي الطب ده

طب ان شاء الله ياجو وادينا مستنين النتيجة

سلام ونعمة



عدنا اليكم بنتيجة آخر جولة للتاكسي بين أروقة وأقسام منتدانا الحبيب
والجولة كانت لقائد التاكسي الحالي وهو اخونا المبارك goargios الذي فاد التاكسي في منتهي اليسر والبساطة بطريقة مثل ما بيقولوا " السهل الممتنع "

الف مبروك مرة اخري اخي الحبيب علي عودتك بالسلامة الي الجراج وانهاء مأموريتك الصعبة جدا جدا .. لأن كان بها 3 مأموريات في منتهي الخطورة ..


وبعد مراجعة كافة مواضيعك ومشاركاتك في هذه الطرق الصعبة والوعرة التي صورها لنا اخونا كوتش مان من بالونه الهوائي :



نستطيع ان نعلن الآن عن النتيجة الخاصة بأخونا جورجيوس

بص يا سيدي فيه خبرين ، واحد عسل والثاني بصل

أولا ً انت انهيت المأمورية بتاعتك قبل الموعد المقرر لها وهو أسبوع ، ولذلك ضمنت عرض الخمسة نقاط اضافية ... +5


أما الخبر البصل >> للأسف بيقولوا في الأمثال ايه : بيقولوا في السرعة اييييييييييييييه

بعد مراجعة المواضيع وجدنا ان هناك حادث تصادم .... ومخالفة سير .

اولا ً حادث التصادم كان في وضع رد في موضوع اخباري قديم عن عملية اغتيال منذ عدة اشهر . والرد فيه يظهر الموضوع كأنه جديد وبالتالي قد يسبب خلط عند بعض القارئين الغير ملمين تماما بالأخبار الحالية ويتوقع انه حادث حالي دون ان يلتفت الي تاريخ الموضوع الأصلي ... ولذلك هذا الرد قد يسبب عثرة .
وحصل حاجة شبه كده مع متسابق آخر قبل منك رد في موضوع بكلمة " جاري التحميل " والرابط كان واقع من السرفر يعني مافيش حاجة تتحمل !!

حانعمل فيك ايه ... حانعمل فيك ايه
حانخصم منك درجة علي هذا الحادث مثل ما وقعناه علي المتسابق الآخر .

يبقي 20 - 1 = 19

اما بخصوص مخالفة السير وهذا هو المحزن فعلاً انه يوجد مواضيع منقولة ومنها ماهو مكرر وموجود مسبقا ً في منتدانا أيضا ً ..

مثل :
دير الثلاث كنائس باسيوط
[ندعوك للتسجيل في المنتدى أو التعريف بنفسك لمعاينة هذا الرابط]
دير الذجاج غرب الاسكندرية
[ندعوك للتسجيل في المنتدى أو التعريف بنفسك لمعاينة هذا الرابط]

وعقوبة نقل الموضوعات هو خصم 7 نقاط من نقاط المهمة العشرون + وسحب الرخصة لمدة اسبوع ...

19 - 7 = 12



اذن فنتيجتك النهائية اخي الحبيب هي :

12 درجة + 5 درجات الاكسترا = 17 درجة

الف مبروووووووووووووك يا جــــــو وننتظر منك تعليقك اولا وتعيين آخر متسابق لهذه المرحلة من المسابقة وبعدها نحسم النتائج بين الجميع .. ونشوف لو ابنة مارجرجس عندها اي اقتراح في العقاب او شئ
~~~~~~~~~~~~~~~~~

ملخص النتائج ..

المركز الأول :
ابنة مارجرجس >>>20/20 + 5 =25

المركز الثاني
كوتش مان >>> 20/20

المركز الثالث بالتساوي بين :
سمرا >>> 18/20
لوكا >>> 18/20

المركز الرابع بالتساوي بين :
salwa >>> 17/20
goargios <<< 17/20

وبذلك لم يتبق للمرحلة الأولي من المسابقة الا سائق واحد فقط وهو المتسابق السابع والذي سيكون من إختيار اخونا جورجيوس ، تسند له مهمة وتحدد له الفترة المسموح بإنجاز المهمة فيها

حمدالله على سلامتك اخى

نشكر ربنا انك رجعت لبيتك بالسلامه بدون اى حوادث ههههههههههه

والف مبروك اخى على النتيجه يارب دائما فى تقدم مستمر

مبرووووووووووك ليك كتير جوارجيوس
وبصراحة أخى خادم الرب بلاش حكاية العقاب دى
كفاية الخصم اللى أتخصم منه
لكن أنا أعرف أنه لو كتب موضوع جديد ممكن تزيد ليه درجات
علشان كدة أخى جوارجيوس أنا أقترح من بعد أذن خادم الرب
أنه عليك أن تكتب موضوع واحد فى منتدى العلاقات الأسرية (أى قسم تختاره أنت)
خلال يومين وربنا يوفقك فى الأختيار ولا تعيد أخطائك
ولو فيه أى تعديل فى الأقتراح ده أخى خادم الرب فقم بتعديله بعد أذنك
ويا رب ماتزعل منى ولا تدعى علية يا جوارجيوس

ههههههههههه

صدقني يا جو كل المواضيع اللي رفعتها لها منفعة وبركة كبيرة جدا وانا عن نفسي استفدت منهم كلهم ...و بغض النظر عن النتيجة هو ده هدف المسابقة في الأساس ان الكل يبدع ويعطي تأملاته و انفراداته وكذلك يتعود الجميع ويتشجع علي مشاركة اخوته واخواته في موضوعه برد او رأي شخصي او اضافة للموضوع تفيد كاتب الموضوع ثقة وتقدير وتشجيع ليستزيد من خدمته اكثر واكثر وكذلك تفيد الجميع بالمعلومات والمعرفة ...

فالمسابقة في الأساس ترفيهية ولكن جوهر مضمونها في منفعتها كبير ...

واؤكدلك مرة اخري ان مواضيعك داخل المسابقة كانت كلها ذات منفعة كبيرة ... والغريب ان كل مواضيعك برة المسابقة كانت انفرادات في حصريات وده اللي كان بيأكدلي انك كنت حاتكتسح هههههههههههههه

....
عموما احنا لسه في المرحلة الأولي من المسابقة وأكيد حانستفاد بكل اللي مرينا به من خلالها في المرحلة الثانية سواء من أخطائنا او في تعديل او تطوير قوانينها او مجال المخالفات الخ

وكلنا في انتظار مين آخر متسابق للمرحلة الأولي هذه

علشان نحضر الورقة والقلم ونتحااااااااااااااسب كلنا هههههههههه

يلا يلا يا بطل أستلم عجلة القيادة
وربنا معاك وترجع لينا بالتاكسى سليم
أوعى المطبات

سوق على مهللك يا بطل

وخلى بالك من المطبات وسلم التاكسى فى ميعاده


وان شاء الله بالتوفيق والنجاح يا بطل

رد فى منتدى القصائد والاشعار

[ندعوك للتسجيل في المنتدى أو التعريف بنفسك لمعاينة هذا الرابط]
ـــــــــــــــــــــــــــــــــــــ
2موضوع +1رد فى منتدى اللاهوتيات
[ندعوك للتسجيل في المنتدى أو التعريف بنفسك لمعاينة هذا الرابط]
ـــــــــــــــــــــــــــــــــــــــ
موضوع1+رد فى منتدى الاديرة القبطية

[ندعوك للتسجيل في المنتدى أو التعريف بنفسك لمعاينة هذا الرابط]
ــــــــــــــــــــــــــــــــــــــ

2موضوع فى منتدى الالحان والقداسات والترانيم+3رد
[ندعوك للتسجيل في المنتدى أو التعريف بنفسك لمعاينة هذا الرابط]
ــــــــــــــــــــــــــــــــــــــ
2موضوع فى منتدى برامج الكمبيوتر+1 رد

[ندعوك للتسجيل في المنتدى أو التعريف بنفسك لمعاينة هذا الرابط]
ــــــــــــــــــــــــــــــــــ
انا كده خلصت

شكرا اخويا جو.. على فكرة انت اديتنى التاكسى كان عايز يتعمل فيه شغل ركن منى فى الورشة يمكن ساعة
شكرا ياختى سمرا انا مابعرفش اسوق بالراحة بحب السواقة بسرعة

حمدلله علي السلامة يا بطل

دانت ماسيبتلناش وقت حتي نحضرلك الرخصة هههههههه

عموما ياسيدي حانمر علي المواضيع ونقتفي أثر عجلات التاكسي ونشوف ايه الأخبار

بالتوفيق حبيبي