عقل ابن ادم ورثه عن مين غير ابوه ادم

ياجماعه الكلام ده تجربه لحد هنا بنعزه كلنا قوووووووى

وطبعا مش هقول اسمه غير لما اعرف رايكم وبصراحه

نشوف يكمل ولا نقوله استوب

عقل ابن ادم ورثه عن مين غير ابوه ادم

عقل ابن آدم ورثه عن مين غير ابوه آدم .
وزي مابوه آدم ساب اللي خلقه وجري ورا فكرُه
ماهو اصل آدم غلبان صدق ابليس ووقع فـ حيلته
وما صدق ربه اللي خلقُه

عاش معاه ياهووو فجنة ولا آمن بكلمه من فمُه
ربه اللي خلقه لا ليتأله عليه ، ولا حتي ليستعبده ،
بس عشان حبه ..

خلقله كل شئ تحت سلطانه ومن حاجة ما حرمه ..
ومنعه من حاجة واحدة لكن ياعيني علي آدم وعقله ..
شغل فكـرُه وصدق عقله .. وما صدق ربه اللي حبه

شَّغـل ايييييييه ، شَّغل عقله

لالالا ده شَّغـل ابليس اللي ملي عقله ..

ازاي يصدق شيطان وقدام عينه ربه !!!

وآهو ابن آدم طبعه كمان كده ، زي ابوه آدم مايصدق ربه ، اييييه ، آه اللي حبه ،
ربه اللي خلقه وعارف ضعفُه ،
وان مافيش فحيلته مايوفي بيه الدين ، اللي عليه لربه ..
لا بذبح ولا توبة ماهو حايرجع تاني ويعانده !!

وبرضه علشان بيحبه زي ماخلقه ساعدُه
دفعله الدين الغالي ، وسدد كل اللي عليه
ماهو صنعة اديه ، وغالي عليــه
ماهو ابنُه
وعلشان بعدلــُه ،
يقدر ابن آدم يخزي ابليس اللي صلبه
ومايجرؤش يقول : اشمعني سامحت آدم ولا تعفو عني ، مانا زيـُه
ويبقي الدم الغالي فدا ابنه اللي حبه
ووّقّع شر ابليس في عمايله

و الغريب والعجيب ان برضه
لسه ابن آدم بيعارضه
ولسه برضه ، بيكدب ربه
ويصدق اللي مالي فكره وعقله

و يفضل ابن آدم يقول
ازاي علي صليب يمُوت ربه !!

هي دي اصل الحكاية
ان الإنسان عاجبه عقله
مع انه لو ادي فرصة لربه ، راح يسمع منه كِيف حقق عدلـُه
ويفتح عينه ويلقي
اللي ضحك عليه واغواه
وخلاه يفرح وينغر بعقله
وفين كان ماشي وراه ومطاوعـُه

العقل يا صاحبي اتخلق
علشان تسمع صوت ربك وتمجده .. علشان تصدق بيه كلمته .ومشيئته . وفعلته ...

تشكره ، تعليه وتسبحه علي نعمتــُه

ولو حاتقولي مين اللي حكم العالم وقت دفنتــُه

حاقولك ماهو ربك قادر ينصلب ، ياصاحبي وقادر كمان بكلمته ،
الكون كله يطيعه قي غَـَيبتــُه

مع انه مالي الكون والزمان .. ولايغيب أبدا ً ودي حقيقتــُه وحكمته
ومافيه مكان يحده ولا اوان ، مااللحظة بتاعته ، ودي كمان ثانيته

فداك يابن آدم ياغلبان وخلصك من عبودية الشيطان
اللي انت لو فضلت ، عمر فوق عمر عمرك ماحتقدر تغلبه

ولسه برضه زي ابوك آدم حاتفضل مكدبــــُه
ومصدق الكداب
ابو كلمة ماتفضل علي حالها ، وعلي حالك انت مشمتــُه

ولا حاتكلم اللي فداك وتقوله فهمني انت اللي عملتُه
وانا حاسمع منك ... وأشوف
مين فيكوا اللي أصدقُه

يا اخواتى محدش رد عليا ا خالص ايه الحكايه محتاجين رايكم؟؟

بصراحة كلمات جميلة جدا
برغم بسطتها لكنها مليئة بالقوة
مرسى ليكى يا سلوى
ويا ريت نعرف صاحب هذه الكلمات لو أمكن

» شوف لما الابن يحب يخفف عن ابوه