ثورة 25 يناير وموقف الأقباط منها

ثورة 25 يناير وموقف الأقباط منها

أول صور للثورة .. وبعدها كان الطوفان

25 يناير 2011
يوم فاصل فى تاريخ بلادنا مصر الحبيبة .. هذه حقيقة مؤكدة لايستطيع انكارها اما جاهل او حاقد او لايعى الأحداث

قد نختلف فى تقييم ماحدث واسبابة وتداعياته ومآل اليه الحال بعده
لكننا لانختلف على انه علامة فارقة فى تارخنا الحديث .. بما آل اليه حال البلاد ونظام الحكم بعده
وبداية نؤكد أننا لسنا مع او ضد ولكننا نحترم الشرعية الدستورية وانتقال سلمى للسلطة فى بلادنا ومع سلام بلادنا ومع احترام روموزنا السياسية احتراما لتقالدينا وتاريخ بلادنا فى الحضارة وقيم ومثل عليا تعلمناها ونعلمها
للأجيال القادمة
لكن ذلك لايمنع اننا تألمنا كثيرا بل ذرفنا دما لادموع فى السنوات الأخيرة
ولم يحتمل احد فى هذا الوطن كما احتمل الأقباط
من الام واضطهاد وترويع وتهديد وتشريد وقتل واختطاف وحرق وسلب ونهب لكل ماهو قبطى حتى صار احساسنا اننا غرباء فى بلادنا
وجرى مسخ رهيب لتاريخ بلادنا وحضارتها
حتى فى طريقة الكلام والزى والفكر
لذلك
تعالوا نفتح اليوم باب النقاش
حول ماهو موقفنا من الثورة
وينبغى ان نكون ايجابيين
وكفى صمتا وخنوعا وضعفا
فالشباب اللذين خرجوا يوم 25 هم شباب فى عمر الزهور وكلهم ورد مصر وخرجوا ينادون بالحرية والمساواة والعدل للجميع
وحاول البعض ركوب الموجة وخطف ماقام به الشباب ومازالوا يحاولون
الا ان تداعيات الأحداث غيرت الكثير من مجرى الأموربما لايشتهى البعض
وكانت ارادة الله فوق ارادة الجميع
وكلنا عشنا الساعات الرهيبة
التى ارادوا فيها لمصر ان تكون بحر دماء
الا ان عناية الله افسدت الجريمة
والان
ماهو راى كل منا فى الثورة
واحدد ثورة شباب مصر
فى الثلاث ايام الأولى

هل نحن مع الثورة ام لا

هل نحن نؤيد التغيير ام لا

هل نحن نريد الرحيل الان ام وفق الشرعية الدستورية حتى لاتسقط البلاد فى مستنقع الفوضى

هل نحن مع الرئيس ام ضده

هل يجب ان نبقى بعيدا نتفرج

أم لابد ان يكون لنا راى وفاعل ايضا فى الأحداث

ماهو موقفنا من الجرائم التى ارتكبت فى حق كنيستنا وشبابنا وبناتنا وممتلكاتنا

وماهو موقفنا من تهميش دورنا واعتبارنا ضيوف فى البلد واللى مش عاجبه مع السلامة

هل لنا ان نتظاهر من اجل استرداد حقوقنا ام نصمت ام نطالب بها المسئولين

اننى افتح باب نقاش حر مفتوح للجميع
يبدى رأيه بحرية تامة
لنصل الى راى واحد نتفق عليه
وفق رأى الأغلبية

وسوف أكون محايدا فى الرد على جميع الأراء
حتى اعطى الفرصة للرد للجميع
واحتفظ برأيى الشخصى للنهاية
حتى لايتأثر به احد

حفظ الله بلادنا الحبيبة من كل شر يراد بها
من اى انسان كائن مهما كان

وحفظ كنيستنا المقدسة بكل طوائفها وأطيافها

وحفظ لنا قداسة البابا شنودة الثالث
ذهبى الفم قديس الله
الذى ينطق بارشاد الروح القدس
الذى علمنا

ان مصر وطن يعيش فينا وليس وطنا نعيش فيه

وعند اشتداد التجربة
نرفع عيوننا نحو السماء ونقول

ربنا موجود

نعم .. ربنا موجود

فى رابع ايام الثورة استخدمت الشرطة القوة المفرطة ضد الشباب
ثم بعدها كان الطوفان وكان الخراب وكان الدمار
وسوف يحاكم كل من تواطا ضد امن مصر وشعبها

اولا مساء الخير عمو مجدي
موضوع فعلا شيق ومهم ويجب المناقشة فيه
ثانيا

هل نحن مع الثورة ام لا
نحن مع الثورة في الحدود الشرعية المتاح بها يعني نمش في مظاهرة سلمية نطالب بحقنا الي الحمدلله مفيش ولا مرة
حد سمعلنا غير ربنا طبعا بس لا نخرب ولا نكسر ولا نولع .................................الخ
ثالثا
هل نحن نؤيد التغيير ام لا
طبعا انا مقدرش اتكلم عن حد بس وجهة نظري البسيطة بتقول ان الراجل ده الي بقاله 30 سنة ماسك حكم مصر
عمل شغل جامد كان مشغل اكتر من مليون ملاك في الدلفري خدمة التوصيل يعني
لتوصيل ارواح الاقباط الي السما
طبعا يا عمو انت سيد العرفين حق القبي الي كان مهدور في امن الدولة ومراكز الشرطة وخطف بناتنا وارعاب اهلهم
وغيره وغيرة
رابعا
هل نحن نريد الرحيل الان ام وفق الشرعية الدستورية حتى لاتسقط البلاد فى مستنقع الفوضى
لاء طبعا هو يغرقها ويمشي
خامسا
هل نحن مع الرئيس ام ضده
انا شخصين ضده ومش انا بس انا وجميع من اعرف
وياريت محدش يقول الراجل ده احسن من غيره انا بقالي 22 سنة عايش ومشفتش غيره حقي ان اشوف غيره
علشان اعرف ده حلو ولا وحش
سادسا
هل يجب ان نبقى بعيدا نتفرج
لاء طبعا من المفروض ان نشارك
وبما ان البابا رفض ان نشارك في المظاهرات حتي وان كانت سلمية فعلا الاقل نشارك في الاراء

سابعا
ماهو موقفنا من الجرائم التى ارتكبت فى حق كنيستنا وشبابنا وبناتنا وممتلكاتنا
طبعا ربنا مسبناش حيرنين كتير في اجابة السؤال ده واعتقد ان الي حصل ده انتقام لحق كل قبطي

وماهو موقفنا من تهميش دورنا واعتبارنا ضيوف فى البلد واللى مش عاجبه مع السلامة
البلد دي بلدنا والتاريخ بيقول كدة وهنعيش ونموت فيها مسحيين
هل لنا ان نتظاهر من اجل استرداد حقوقنا ام نصمت ام نطالب بها المسئولين
ولا كدة ولا كدة ولا كدة علي رئيهم الشكوة لغير الله مزلة
يعني هما في مرة جبولنا حقنا ياما عملنا مظاهرات وياما شكينة حد سئل فينا

شكرا عمو علي المناقشة الجميلة وربنا يديم لينا محبتك
كل ما كتبت هو من وجهة نظري الشخصية ممكن اكون اخطئت في اشياء ولاكن حبيت اقول علي الي جويا بجد
من غير تزين كلام
سمحوني وسامحو ضعفي

انا مع مينا فى كل كلمه
انا مع المظاهرات السلميه والانتقال السلمى للسلطه
بسعايزه برضه اقول لو طالبنا بتغير الماده التانيه من الدستور هل من مجيب

عارف انهارده وضحت شباب مننا راح ميدان التحرير ونادى بدوله مدنيه وتغير الماده التانيه من الدستور للاسف اللى رد معاهم بسيط جداااا

يعنى نتظاهر واحنا مهمشين برضه يعنى زيد زى عبيد
وبرضه الراجل صراحه عمل اللى عليه وزياده كم واحد استشهد فى عصره
كم مره سكت وصهين على افعال وتجوزات العادلى
كم مره بنت مننا خطفت ولا مجيب
كم مسيحى يحولون اثبات ديانتهم ولا مجيب
كم كنيسه اعتدى عليها
كم وظيفه ممنوعه لينا
كم ظلم وقع علينا والراجل كتر خيره مش حاسس
ولا حتى طلع مره قال فيه ايه
كم مره سرق البلد
كم مره طنش للحراميه اللى نهبوا مصر
كم عاطل
الصراحه الواحد مشعارف يوفيه حقه
ولا يقول ايه ولا ايه
ومع ذلك انا مع تغير بلدىللاحسن بس يا ترى مع مين التغير
وهل الموجودين على الساحه ينفعوا بيتهيالى لالالالالالالالالالالالالالالالالا
وهو لالالالالالالالالالالالالالالالالالالالالا
مش عارفه اروح فين

اسمحوا لى ان انحنى احتراما وتقديرا لكل من
ابنى الحبيب مينا الكوتش
لتسجيل رايه بكل صراحة ووضوح
وطبعا انا طلبت اننا نتكلم بوضوح شديد لنصل الى نتيجة واحدة واجندة واحدة نعمل جميعا من خلالها

كما اسجل اعجابى بالأخت الغالية مدام سلوى
اختى وصديقتى وزميلتى وشريكة العمل الأولى
فى قسم الأخبار
وطبعا حقك ياسلوى تقولى رأيك بوضوح
وهو ده اللى عاوزينه

بس ياريت كل الناس تبدا تقول رأيها
ياريت بلاش الناس تفضل ساكتة
السكوت ده حقوقنا هتضيع بسببه
وقتها مش هينفع الندم بعد العدم

اسمحوا لى ان اقول معلومات مهمة
وعارف ان كتير هيكون رأيهم غير رأيى لكن مش دى القضية
القضية حقنا فى بلادنا
والسكوت لا لا لا

السيد الرئيس ماشى
بعد ترتيب البيت
هيخرج فى رحلة علاجية
خروج مشرف يليق برجل دولة خدم بلده تلاتين سنة
وسبق ان قلت
مصر ليست تونس
ومبارك ليس زين العابدين
احنا شعب ذات حضارة وتاريخ
وحتى لاتكون سابقة سيئة فى تاريخ مصر
ونتمنى يتم تسليم السلطة طبقا للأجندة التى يعمل من خلالها الرئيس مبارك
حتى لايحدث فراغ دستورى وتعم الفوضى
ونكون احنا اول الخاسرين

نعم حدثت مهازل كثيرة ضد الأقباط فى عهد الرئيس مبارك
لكن هناك ايجابيات كثيرة ايضا للأقباط
وبكل أسف
الرئيس مسئول عن اختياراته لرجاله
وبكل أسف
احد اهم هؤلاء الرجال
خان الوطن وخان الريس
وحاول يضيع البلد
لولا لطف الله وعنايته ببلادنا
خرجت اللجان الشعبية حمت البلد
وحتى الان
وكان جيش مصرالعظيم اد المسئولية
وحاول البعض كعادتهم
اللف حول ثورة الشباب
وقطف ثمارها
الا ان صحوة الشباب
اجهضت المؤامرة
صدقونى
اشياء كتيرة حدثت يد الله فيها
ربنا موجود
ياولاد ام النور
ربنا موجود
مرة اخرى
ياريت الكل يقول رأيه

بسم الاب والابن والروح القدس الله واحد امين

بدايه اقدم احترامى للاستاذ مينا ومدام سلوى ولحضرتك طبعا وده موضوع كويس خالص
بدايه احب اقول من ناحية المشاركة لابد ان نشارك فى كل شى مهما حصل محدش ها يتكلم عننا ياجماعة مين ها يجيب لينا حقوقنا لو متكلمناش الراجل راحل راحل سواء بطريقة مشرفة او غيرها .احنا مش اقل من الاخوان اذا كانوا هما مليون فاحنا 10 مليون ولكن السلبية مش كويسه ولكن اننا نتكلم عن المادة التانية بالذات اعتقد انه ده فى الوقت الحالى خطر علينا لان الناس او المسلمين بالذات بيتعاطفوا دينيا اكتر احنا ممكن نتكلم على الخط الهمايونى الوظائف العامة زى امن الدولة والوظائف السيادية ومنفرطش ومنعزلش نفسنا اما بالنسبة لموضوع مع او ضدد الريس ده موضوع انتها خلاص بانتها مبارك من السلطة العملية مسالة وقت ليس الا وهتلاقى الدنيا كلها بقت ضددلازم نتخلى عن السلبية احنا مش ها نخسر اكتر من الى خسرناه على راى المثل ها يسخطوك ايه يا قرد وظائف ومجحوبة عننا وكل حاجة مهمشين لو صوتنا طلع مش ها نكون مهمشين اى واحد بيعمل حساب للى بيعترض لكن الى ساكت يقولك ده مفيش منه مشكله ده اذا جه على البال اصلا وتحياتى للجميع

سلام لكم احبائى واخواتى
اولا لكم كل احترام وتاييد راى لكل كلامك
ثانيا
احنا لازم نؤيد العارضين طبعا لوحسبنا عصرنا ده وحبينا نقارن العصر ده بالعصور القديمة هنلاقيه شبيه بعصر الشهداء يعنى احنا مش فى عصر السيد الرئيس محمد حسنى مبارك لا احنا فى عصر السيد الملك او الوالى دقلديانوس
يعنى احنا ممكن نطلق على ريسنا وحامينا دقلديانوس 1982/2011 ولسه محدش عارف ايه القادم
يعنى من الاخر انا عايز اقولكم احنا انا من المعارضين وياريت يكون الرحيل احسن
فيه حجات كتير قوى غير الاضهاد بردو الشغل ديما لما واحد يروح يقدم على وظيفة حكوميه لازم يكون اسمه محمد مش عبد المسيح طبعا الكل فاهم يعنى هننلاقيها من اضهاد ولا من عند ولا من ذل ولا من ايه ولا ايه
وده راى