الفردوس و الجحيم - الملكوت وبحيرة النار

كل انسان مننا هو
جسد - نفس - روح

الجسد هو الاعضاء والانسجة وظاهر لينا
النفس هى دم الانسان وطباعه وصفاته
الروح نسمة الحياة اللى خلقها ربنا وهى مش ظاهره لينا

لما تنفصل الروح عن الجسد لأى سبب فى الوقت اللى ربنا محدده
ده بنسميه الموت

طيب ايه مصير الجسد والروح بعد الانفصال

الجسد بيدفن فى التراب و بيمر بمراحل التحلل
و الروح بتروح مكان من اتنين

1- الفردوس : مكان انتظار لأرواح الابرار وهو ده السماء الثالثة اللى صعد
ليها بولس الرسول وقال عنها ملم تره عين و مالم تسمع به اذن ومالم يخطر
على بال انسان

2- الجحيم : مكان انتظار لأرواح الاشرار والشياطين نفق مظلم كله حزن وياس
وتنهد وبكاء ومكانه فى بطن الارض - الهاوية ولو قعدت تفحر مش هنشوف حاجه
لأنها ارواح والارواح لا ترى الا اذا اخذت شكل جسدى



دى اماكن انتظار
وبعد كده مجئ المسيح الهنا له المجد - المجئ الثانى والقيامة العامة

وساعتها كل اللى فى القبور هيسمعوا صوته ويقوموا من رقادهم
اجساد الناس الابرار هتقوم بنفس كامل هيئتها وتتحد بارواحها اللى فى الفردوس
بس هتبقى اجساد ممجده نورانيه زى ( شبه ) جسد المسيح اللى خرج بيه من
القبر اجسام شفافه لايمنعها شئ زى نور الشمس لما بيدخل من الزجاج

والناس القديسين الكاملين دول هما اللى اسماؤهم فى سفر الحياة وهايدخلوا ملكوت السموات مدينة اورشليم السمائية التى للملك العظيم

واجساد الناس الاشرار هتتحد بارواحهم الى فى الجحيم وهيحاسبوا قدام ربنا علشان يكونوا بلا عذر
وهاينطرحوا فى بحيرة النار المتقده بنار لا تطفأ مع ابليس و ملائكته


طيب دلوقتى ولنفرض ان فيه ناس لسه ماماتتش يعنى يوم القيامة العامة - مجئ المسيح بكرة مثلا

الناس اللى لسه على الوجود هايشوفوا مجئ المسيح ولو ابرار أجسادهم هاتتغير
للحالة اللى اتكلمنا عنها أجساد نورانية شفافه سرعتها زى سرعة الضوء

زى قول الكتاب " لانرقد كلنا ولكن كلنا نتغير " ... يارب كلنا نتغير

الملكوت ليس له نهاية ولا يقاس بأزمنه او أوقا بشريه
لايمكن وصف الملكوت لأن حتى اللى صعدوا الفردوس ماقدروش يوصفوه
زى القديس بولس الرسول وتماف ايرينى

فما بالكم بالملكوت




وبحيرة النار هى نهاية ابليس وملائكته واتباعه
العذاب الابدى

يارب اذكرنا فى الفردوس والملكوت


زمان قبل مجئ المسيح الاول والخلاص على عود الصليب
اى حد كان بيموت كان بيروح الجحيم

جحيم علوى وكان فيه الابرار
زى آدم وحواء ونوح وموسى وصموئيل ويشوع ويوحنا المعمدان

جحيم سفلى وفيه الاشرار لحد دلوقتى

لما المسيح روحه البشريه فارقت جسده
على عود الصليب
وجه الشيطان يخطف روحه للجحيم
لأنه كان فاكر انه انسان عادى وكان متلخبط هل هو المسيح ولا لأ



حصل ان المسيح هو اللى قبض على الشيطان وحبسه فى الجحيم واخد
اللى فى الجحيم العلوى - الابرار
لأنه هكذا احب الله العالم حتى بذل ابنه الوحيد لكى لا يهلك كل من يؤمن به
بل تكون له الحياة الابدية

لكن اللى فى الجحيم السفلى لسه زى ماهم
بدليل ان داوود النبى فى المزامير كان بيقول " انقذنى من الجحيم السفلى "



أطلبوا اولا ملكوت الله وبره
لأننا ان عشنا للرب نعيش وان متنا للرب نموت ان عشنا وان متنا فللرب نحن
وكيف نهمل خلاصا هذا مقداره
ناظرين الى فوق الى مالايرى
لنصنع لنا اكياس لاتبلى وكنوزا لاتفنى

فى النور
فى الحرية
فى الشفافيه
فى القدســـية
فى الافراح
فى التماجيد
فى التسابيح

مع الملك
المســـــــــــــــيح الهنا

فى الفردوس
ومن بعده
الملكـــــــــــــــــــــــــــــوت

أذكرنى يارب متى جئت فى ملكوتك
منقول