خلوا بالكم ..كنت هتخطف

خلوا بالكم ..كنت هتخطف

هذه القصة حدثت لأحدى اخواتنا التى نعرفها أيضا معرفة شخصية وهى خادمة باحد المنتديات وهى اخت يعرفها الكثيرون من اخوتنا واخواتنا هنا ..وحينما تروى ماحدث أعلم جيدا انها صادقة فى كل كلمة تقولها
وماترويه هنا هو صرخة تحذير لكل بناتنا واخواتنا وسيداتنا
وياريت ..خلوا بالكم يابناتنا

خلوا بالكم ..كنت هتخطف 946433

على فكرة اسم الموضوع دة فعلا حقيقى وحصلى وعايزاكم تاخدوا بالكم جدا جدا من نفسكم خصوصا البنات

انا كنت فى اجازة لمصر الفترة اللى فاتت واثناء رجوعى من عند صديقة لى وتسكن فى شبرا وتحديدا فى شارع شبرا ودة شارع عمومى واخدت تاكسى لبيت والدتى وهى ايضا فى شبرا فى شارع شكولانى على شارع الترعة ودة برضوا شارع عمومى والطريق مشيا على الاقدام 15 دقيقة وبالسيارة برضوا نفس المدة

لكنى فضلت اخد تاكسى الان الجو كان حار جدا جدا وكانت الساعة 4 ظهرا
يعنى فى عز النهار

وفعلا اوقفت تاكسى وبعد دقيقتين او ثلاثة بالكتير اجرى السائق مكالمة تليفونية لم اسمعها ولم يلفت نظرى اصلا انة اجرى مكالمة الا حين سائلنى شخص من عائلتى عندما كنت احكى لة ما حدث

وفجاه وجدت التاكسى هدى من سرعتة لكنة لم يقف واتفتح الباب اللى جانب السائق وركب شخص وفى نفس اللحظة اتفتح الباب اللى جانبى وركب جانبى شخص تانى

وبدون اى تفكير او كلام وجدت نفسى فى اقل من ثانية بفتح الباب وبنزل

والتاكسى بيمشى ووجدت الشخص اللى جالس جانبى بيندة عليا بنفس اللفظ ( انتى يا مدام ...يا ابلة تعالى ....تعالى اركبى )

لكنى لم ارد علية ولم اقل اى شىء لانى لم استطيع ان اتكلم من الخضة طبعا واكملت طريقى للبيت والدتى وانا ماشية على قدماى

فعلا دة حصل انا مش مصدقة اية اللى حصلى دة
زى ما بنسمع او نعرف
ان البنت دى خرجت كليتها ومارجعتش
وان فلانة دى راحت شغلها ومارجعتش
وان البنت دى خرجت عشان تروح مدرستها ومارجعتش
............. مش ممكن ...............مش ممكن اللى بيحصل دة

بس بجد الحمد اللة دة تدخل ربنا فعلا ربنا بيحافظ على بناته وربنا هو اللى حافظ عليا
وصدقونى لما فتحت الباب ونزلت انا ماكنتش بفكر ولو كنت فكرت ماكنتش هتصرف بالسرعة دى

انا حاسة ان كان حد هو اللى فتح الباب ومسك بايدى عشان انزل
وبشكر ربنا كتير قوى على اعتنائة بيا

ياريت لكل فتاه وكل بنت وكل مدام بلاش تركبى تاكسى لوحدك خالص
بلاش ...............خدوا بالكم من نفسكم

انا لغاية دلوقتى مش مصدقة اللى حصل

منقول حرفيا للأفادة

هام وعاجل جدا لكل البنات

فى حالة حدوث موقف مشابه لذلك وركوب اى طرف اخر التاكسى حتى ولو واحدة ست

انزلى من التاكسى فورا ولو مشى صرخى بكل قوتك

+++

حمدلله على سلامتك يااختنا الغالية
برافو عليك لحسن تصرفك
ونشكرك لأنك حذرت اخواتك
ربنا يحافظ على كل بناته

ودى رواية اخرى من احدى الأخوات

الموقف دا حصل مع واحدة زميلة ماما

بس منزلتش من التاكسي و بعد شوية حست انه مش ماشي في الطريق اللي يوديها للمكان اللي كانت ريحاه

اما سألته قالها انه هيوصل الناس التانية الاول

هم مكنوش اصلا قالوا رايحين فين

فطلبت تنزل عشان مش تتأخر

مرضيش يقف فضلت تزعق و تقوله وقف و هو يقولها استني بس يا مدام

بالصدفة كان في عربية شرطة واقفة في الطريق

شاورت لهم طبعا مكنش عايز يقف و حاول يجري بس وقفوه في الاخر

يعني كويس انك نزلتي

الف حمدالله على سلامتك اختى الغاليه

نشكر ربنا انه كان جنبك ورعاكى

واشكرك على تحذيرك لاخواتك

الرب يحافظ على اولاده من الشرور

اشكرك عمو مجدى على الموضوع الرب يباركك

شوف ياعمو مجدي

في عنا مثل بيقول

المال السايب بيعلم الناس الحرام

ومن بعد ما سمعت كتير عن حالات الاختتاف عندكم بمصر

والمشاكل الكبيرة يلي بتصير بين الاديان المختلفة

الواحد من نفسه لازم يحذر

يعني المفروض مش لازم بنت تاخد تكسي لوحدها

وهي بتعرف اكتر من غيرها بالحوادث يلي عم تصير يوميا

يعني

الف الحمدالله على سلامة اختنا وصديقتنا الحبيبة

بس انا عتبانة عليها لان الغلط غلطها هي مش غلط حد تاني

هيدا رائي الشخصي مع احترامي للجميع

فراشتنا الجميلة
الأخت اللى اتعرضت للحادث ده انت تعرفيها كويس جدا
وشبرا دى منطقة كلها مسيحيين بل هى معقل المسيحيين بالقاهرة
ومن الصعب بناتنا فى شبرا تخاف
لأن شبرا كلها كنائس ومسيحيين
لكن يبدوا ان عدو الخير
عرف مكانهم وقرر يدخل عرين الأسد
مرة اخرى
حمدلله على سلامة اختنا
وأضم صوتى لصوتك يافراشتنا
تحذير شديد اللهجة لبناتنا
عدو الخير
يجول كاأسد جائع يريد افتراسكم
خلوا بالكم