البحث عن السر الخفى

انا ابتديت حكايتي في معرفتي للديانه المسيحيه لما اتعرفت على صديق مسيحي
في الاول كانت بنا العلاقه عاديه من ناحية الدين كل واحد محترم التاني
ودين التاني وانا دايما كنت بقول في نفسي يا ريت لو اقدر اخليه يغير
ديانتو ويسلم
كان بيصعب عليه بيني وبين نفسي وخصوصا واحنا عارفين ان دين المسيحيه في الاسلام دين غلط وانهم بيعبدو عيسى وبيقولو على انو ابن الله
بصراحه عمري ما شفت منو كلمه تدايق عن الدين الاسلامي او حاول انو يعمل كده
لغاية ما في مره فكرت ان اقولو ان كل واحد فينا يعرف التاني دينو او بمعنى تاني مين يقنع التاني بدينو

هو كان ردو واللي انا بس دلوقتي اتاكدت منو انو معندوش ولو ذرة شك في دينو
ابتدينا نتكلم عن الدين وهو بيعرفني او بيكلم عن السيد المسيح وقالي ان الله عندهم محبه
في مقابل ذالك انا اثبت ان اله الاسلام محبه وانو بيحبو وهو نصراني كما سماه القرءان
جبتلو ايات جبلي ايات ضدها بتقول ان ربنا لا يحب القوم الكافرين
وهكذا ابتديت اقرا وادور في نصوص كتير وايات كتيرة وعن معانيها وكل مره كنت بتصدم وانا دايما كان عندي شكوك في الدين الاسلامي
دايما مكنتش بحس بربنا لما بطلبو مش بحس انو بيسمعني او موجود معايه
حتى لما كنت بقرا قرءان وانا بقراه بعيط بس بعيط من الخوف

لما بوصل لايات الترهيب بعيط ولاحظت ده كمان لما الشيوخ بتكون تقرا قرءان لما توصل للايات دي اللي فيها تخويف وترهيب بيعطو
اكتشفت انهم بيعيطو من خوفهم من جهنم مش من محبتهم لربنا
هنا ابتديت كل الشكوك اللي كانت عندي تتاكد واعرف جيه منين
الصديق الميسيحي اللي كنت بعرفو طلب مني ان اصلي ان اتعرف على ربنا ان اطلبو انو يعرفني مين هو ربنا بجد
ابتديت اصلي واعيط واطلب ربنا بجد واترجاه انو يعرفني مين هو بجد
وابتديت بردو اقرا في الكتاب المقدس بعد ما حبيت كلام ربنا فيه وابتديت احس اني بتولد من جديد
لغاية ما في مره وانا بقرا في الكتاب المقدس وبعيط وفي قلبي بطلب ان ربنا يرد عليه ويقولي ان ده كلامو وان هو ربنا
حصل اللي عمري ما محصلي ...............................
انا خايفه اقولو محدش يصدقني فعشان كده هحتفظ بيه لنفسي
مصدقتش الموقف اللي حصل معايه قولت انو كذب وانا كنت بحلم او بيتهيالي
حتى مرضيتش احكي ل صديقي الميسيحي عن اللي حصل
حاولت انسى واتهرب والشيطان كان بيقولي ان ده تظليل وانا في سكه غلط
بس حبي للسيد المسيح ابتدى يكبر ومحبتي ليه كمان وابتديت احس بربنا بجد والموضوع جوايه يكبر

مرضيتش احكي لصديقي اللي حصل بس كان باين عليه اني في حاجه حصلت وكنت متلخبطه ومحتاجه اقول عشان اعرف

حكيتلو على الموقف وبصعوبه اوي لما حكيت
قالي كده يا بختك بده وربنا بيحبك واختارك انتي وعمل معاكي كده
واللي حصل معاكي مبيحصلشي الا مع ناس قليل

عرفني على المنتدى وسجلت هنا عشان لو عندي اي تساؤل او اي شكوك اتناقش بيها واعرف اكتر
مع ان اي سؤال كنت بلاقي عندو الجواب دايما وجواب مقنع اوي
سجلت وابتديت اتناقش وقولت هفضل اجادل لغاية اخر لحظه
عشان هنا الشيطان مش كان سايبني في حالي وابتدى يشككني اكتر

بس كنت دايما بصلي لربنا واطلبو جامد واكتر عشان يعرفني اكتر ويثبت محبتو في قلبي
ولما دخلت المنتدى ده حبيت اكتر ناسو وروحهم الحلوه وكلامهم عن ربنا
ابتديت اقرا في حاجات كتير وصلوات كتير
والصديق اللي بعرفو وهو عضو هنا معانا ماسابشي اي حاجه الا وشرحهالي
وفسرهالي ودايما كان كلامو عن السيد المسيح كلو كلام محبه وخير للكل وكان
دايما ينصحني بالصلاه الكتيره واول ما اكون محتاره يقولي صلي صلي
كتيييييييير لربنا هو هيريحك وهيعرفك
وهنا زاد اكتر حبي للسيد المسيح وابتديت اغير على اسمو وعلى اي كلمه مش كويسه تتقال عنو
وحسيت بجد بمحبة ربنا وعرفت يعني ايه تحب ربنا بروحك مش بجسدك
انا دلوقتي فرحانه اوي ان بقيت مسيحيه واتعرفت على ربنا بجد
وبشكر اخي الميسيحي على مساعدتو ليه وكل حاجه ساعدني فيهي وربنا يعوض تعبة محبه وخير
وكل الناس اللي هنا واللي دعت معايه ووقفت معايه والمنتدى ده كمان عرفني حاجات كتيره كنت تايهه عنها
انا كتبت النهارده قصتي دي او فكرت اكتبها عشان النهارده دخلت الكنيسه وكلمت ابونا هناك
وانا كنت بتمنى اعمل كده وحصل
وادعولي وصلو لاجلي الاني محتاجه صلواتكو معايه عشان اللي جاي هيكون صعب بس مع ربنا مفيش حاجه صعب...
منقــــــــــــــــــــــــــــــــــــول

شكرا يا بطل لنقل الاختبار لكن الخط صعب قوي عيني ورمت البحث عن السر الخفى 25163

ههههههه

أختبار جميل وقوى جدا
مرسى ليك أخى البطل على هذه النعمة الجميلة
وربنا يقف مع صاحبة الأختبار ويشدد من عزيمتها ويقوى أيمانها

» بعد 60 سنة زواج كشفت له السر
» البحث على الطريق والحق والحياة
» البحث عن خبز الحياة
» البحث عن الله!!؟؟؟؟؟؟؟؟
» البحث عن الله فى العالم البطــــــــــــــــ(2)ــــــــــــــــل