بيتزا صيامى جميلة

بيتزا صيامى جميلة

(لما البنات نسيوا شغلهم الاساسى انهم يجيبوا الاكل ويعملوه..نسيب احنا شغلنا ونجيبلكم الاكل ..
بس برضه هتعملوه )

مقادير عجينة البيتزا:
• 3 أكواب دقيق.
• 2 ملعقة خميرة بيرة.
• 1/2 ملعقة صغيرة ملح.
• كوب ماء دافئ.
• 3 معالق كبيرة زيت ذرة.

طريقة عمل عجينة البيتزا:
1- هنخلط كوب ونصف الدقيق مع الخميرة والملح وبعد كده نضيف المية والزيت،
ونضربهم كلهم بمضرب البيض الكهربائي على سرعة عالية لمدة 3 دقائق.

3- هننقل العجينة على رخامة المطبخ أو على لوح خشبي وهنبدأ في عجنها
بإيدينا لغاية ما نلاقيها بقت طرية ومطاطة وسهلة التشكيل على شكل دوائر
كبيرة.

وندهنها بالزيت ونغطيها بقطعة قماش ونسيبها في مكان دافي لمدة ساعتين
علشان تخمر وحجمها يزيد...

مقادير باقي مكونات البيتزا:
• عجينة بيتزا.
• 1 حبة فلفل أخضر مقطعة مكعبات أو عيدان.
• 1/2 كوب صلصة بيتزا أو "معجون طماطم"
• 2 حبة طماطم مقطعة قطع صغيرة أو حلقات.
• بصلة متوسطة الحجم مقطعة حلقات.
• 1 كوب عيش الغراب مقطع شرائح.
• 2 فص ثوم مفروم.
• 1 ملعقة صغيرة زعتر.
• 1/2 ملعقة صغيرة فلفل أسود.
• عرقان من الكرفس مقطعان قطع صغيرة.
• زيتون أسود مقطع دوائر.

الطريقة:
1- هنقطع عجينة البيتزا إلى قطع صغيرة مدوّرة ونحطها على رخامة المطبخ أو
على سطح خشبي مرشوش بالدقيق وهنبدأ في فردها علشان تغطي صاج أو صينية
البيتزا وبعد كده نحطها في الصينية بس ناخد بالنا إننا قبل ما نحطها ندهن
الصينية بالزيت.

2-هنضيف باقي الدقيق إلى الخليط السابق ونقلبه باستخدام ملعقة خشبية. 4- هننقل العجينة إلى الطبق البلاستيك أو طبق زجاجي كبير 2- هنضيف صلصلة البيتزا فوق العجينة ونرش الثوم

المفروم ونضيف الفلفل الأخضر والطماطم والبصل والكرفس والزيتون الأسود
وعيش الغراب ونرش الفلفل الأسود ونقطع البيتزا على شكل مثلثات.

3-هنسخن الفرن على درجة حرارة "220 - 200 ْ مئوية" بعد كده ندخل الصينية في
الفرن لمدة 15 دقيقة وبعد ما نلاقي وشها احمرّ نخرجها..وبألف هنا وشفا

بيتزا حلوه ياعمو بس مش اعملها لان كل ما تشتهيه النفس فهو فاطر اكيد انت استاذ مطبخ ياعمو

ميرسى جدا يارشا لمجاملتك الجميلة بس انا اعرف اكل البيتزا والمدام هى اللى بتعملها
وبعدين اعمليها وعلى مسئوليتى ومش هتبقى فاطرة ولا حاجة انا المسئول
يلا اعمليها وكليها وبالهنا وبالشفا ولا مبتعرفيش تطبخى
ههههههه
طبعا مش ممكن
ربنا يباك حياتك

شويه بس اكيد انت استاذ احاول اعملها على مسئوليتك يا عمو

عرقان من الكرفس مقطعان قطع صغيرة

؟؟؟؟؟؟

مش فهمة دي ياعمو

ميرسي ليك على الوصفة الشهية

بس ياريت توضحلي المفردات الغامضة

أعمليها وبالهنا والشفا يارشا وعلى مسئوليتى مسموح باكل البيتزا فى الصيام بس لما تعمليها ابقى اعزمينا
هههههههههههه

أما انت ياوردة المنتدى الغالية يافراشتنا الجميلة انت نورت البيت كله مش الموضوع بس وسعادتى كبيرة جدا النهاردة لأنك شاركت فى موضوعات كتيرة ربنا يتمم شفائك على خير

أما عن الكرفس دا نوع من انواع الخضروات التى تضاف الى بعض الماكولات والسلطات الخضرة وهو نبات من عائلة الجرجير والفجل والخس والشبت والبقدونس والكزبرة الخضرة ذات عيدان طويلة ويتم تقطيعه اجزاء صغيرة بالسكين ويضاف الى الماكولات

بس ياريت اللى يعملها ماينسانيش

ويدوقنى منها

وانا كمان يا ريت تعزمونى علشان انا بحب اكل البيتزا

هم هم هم هم هم هم هم هم هم

شكرا عمو مجدى لاكلتك الجميلة

الرب يعوض تعبك

» اكلات صيامى جميلة هم هم هم
» أكلات صيامى جميلة جدا وجديدة وتحفة
» مأكولات صيامى
» هناكل إية النهاردة صيامى؟؟؟
» مكرونة بشاميل صيامى