مذبـــحــة الــقــبــة وضرب الاقباط بالنار

مذبـــحــة الــقــبــة وضرب الاقباط بالنار

د. ماهر حبيب
الأقباط الآحرار
3/12/2010

أيه الفرق بين وزارة الداخلية وعساكر الأمن المركزى أصحاب مذبحة القبة بالعمرانية من ناحية
والكومى صاحب مذبحة نجع حمادى من ناحية تانية أنا بصراحة مش لاقى فرق لأن الأتنين قتلوا الأقباط بالرصاص
والأتنين بيكرهوا الأقباط والأتنين أفرطوا فى إستخدام الشر والسلاح لقتل فرحة الأقباط
الداخلية قتلتهم علشان كانوا فرحانين بقبة كنيستهم والكومى قتلهم لقتل فرحتهم بالعيد
لكن هناك فرق شديد الكومى مجرم معتاد الإجرام
لكن مفترض إن الداخلية بتحافظ على الشعب ومبتقتلهوش بحجة حماية قانون المبانى من مخالفة بناء.

الحقيقة لو إن الداخلية ناوية تضرب رصاص على كل من يعمل مخالفة بناء فى مصر
فأنا أعتقد إنها حا تضرب رصاص وتموت نص سكان مصر بالقليلة
لكن مش كل واحد يخالف ينضرب بالرصاص لكن عند الداخلية مخالفة الأقباط لقانون البناء
من أجل بناء قبة كنيسة جناية تساوى ضرب نار وقتل شباب فى عمر الزهور
بالأضافة لعشرات المصابين وكمان أخذ رهائن علشان لما الريس يتدخل فى المشكلة
بعد خراب مالطة تحصل مقايضة وفصال بين الحكومة والكنيسة وتنتهى الحكاية
إحنا حا نفرج عن الرهائن المحبوسين على ذمة القضية مقابل إنكوا تنسوا
أو تطالبوا بمحاسبة المسؤولين على ضرب النار ضد مواطنين عزل
بالظبط زى تنظيم القاعدة ما يخطف رهائن من فرنسا أو غيرها ويقايضهم
يا إما بفلوس علشان يشتروا بيها سلاح يقتلهم بيه أو يطالبهم بالإنسحاب من أفغانستان
بالظبط زى ما الداخلية والمحافظ ببيطالبوا الأقباط بالإنسحاب من كنيسة العمرانية
يعنى من القاعدة للداخلية يا قلبى ما تحزن.
سؤال بسيط لوزير الداخلية إنت بتدى أوامرك بضرب النار على كل واحد يعمل مظاهرة أو إضراب؟
ما حصلش يعنى مشفناش الداخلية حتى بتضرب نقى مشمش على الناس إللى كشفوا الغسيل القذر لمصر من الجوع والفقر
وإفترشوا الشوارع وعملوا إعتصامات ضد الحكومة وبالرغم من المنظر إللى مش ولابد
مشفناش العنف ده من عساكرك بتوع الأمن المركزى وحتى مظاهرات المحظورة ومظاهرات الفتح والأسكندرية
إللى شوهت وجه مصر وكانت لعبة سخيفة حا تولع الدنيا من ناس متطرفين وغير منضبطين
مشفناش منكم غير كل حنية ولطف ولولا تدخل القاعدة فى الموضوع
ولما اللعبة قلبت بجد قلتوا بس خلاص وسمعوا كلامكم من غير ضرب رصاص ولا غيره.
الظاهر إننا حانشوف مذابح من النوعيات دى ما دام الأقباط مجرد ملف فى وزارة الداخلية
وما دام بناء الكنايس حا يفضل خراج ينضح بصديد وما حدش عايز يشيل أم القيح إللى هى المادة التانية من الدستور
إللى بتفرق المصريين وبتحط الأقباط فى درجة الذميين الموطنين الترسو وليسوا مواطنى الدولة الأصليين
وبعد ما تشيلوا أم القيح لازم تعالجوا البلد بالمضادات الحيوية وهى تغيير التعليم
وتغيير القوانين وتنقيتها من كل الشوائب الدينية وتطبيق قانونا مدنيا لا يفرق بين مصرى و أخر بناء على دينه وجنسه أوطائفته.
للأسف الشديد مذبحة كنيسة العمرانية لن تكون الأخيرة
وزى الكومى ما حا ياخد براءة ما حدش من الداخلية حا يتعاقب حتى بلفت نظر
وإللى جاى حا يكون أسوء من إللى راح
وحا يكون مصير الأقباط هو نفس مصير مسيحيي العراق
فهناك الهجرة شغاله على ودنه
وحال الأقباط مش
حا يفرق كتير ما دام عقاب بناء قبة لكنيسة هو ضرب النار

شكرااااا عمو مجدى

» عاجل وخطير بالفيديو شاهد .. حرق منازل الاقباط وضرب نار الان فى نجع حمادى
» مؤتمر عالمى لكشف جرائم الاضطهاد ضد الاقباط ومطالب بأحالة قضايا الاقباط الى المحاكم الدولية واتهامات للدولة بتسويف دماء الاقباط
» عاجل جدا عربيه تصطدم ببعض الاقباط امام الكتدرائيه بدون اصابات تثير غضب الاقباط ويقطعون الشارع بسببها
» إذا كان الشيطان مخلوق من نار فلماذا يعذبه الله بالنار؟؟
» لغة الارقام فى حسابات الله .. مابين محاكمة مرسى وضرب الكاتدرئية