رسالة من .. خنزير حزين

رسالة من .. خنزير حزين

لأنه حيوان ضعيف وفقير وغير شرس وليس له مطالب تكاثر عليه أعداء الحياه وقرروا اغتياله

هذا الحيوان أراد ان يعبر عن احساسه بعد ان ظنوه بلا احساس وبلا عقل

تعالوا نشوفه هيقول ايه
ونشوف مين يستحق الاعدام

14/5/2009

بقلم : نشأت عدلى

رسالة من .. خنزير حزين Khanzeer1

خنزير وعايش فى حالى .
مال النا س بقه ومالى .
انا مش بعّدى حد وشوفونى .
دا انتو ياناس اللى بتعّدونى .
عايزين تفرحوا بموتى .
ومحدش قدّر ياناس سكوتى .
لا بهش ولا أنش وقاعد فى حالى .
مالكم بقه ياناس ومالى .
طب انتو ناس متعصبين .
مالى أنا ومال الدين .
بربطة المعلم اتفقتوا تقتلونى .
محدش شاف دمعة عيونى .
غلابه كتير باراعيهم .
اديهم لحمى يغذيهم .
دى زبالتكم هىَّ غذايا.
محدش بياكلها ويايا.
منضف ليكم كل مكان.
حاقول ايه لمخ تعبان.
لما انا نجس ساكتين ليه.
ماتحركتوش من زمان ليه.
ولا هىَّ الفرصه لما تيجي.
تموتوا الكل وزى ما تيجي.
صدقونى إحنا مش عيانين.
بس بقينا منكم تعابنين.
عايزين تحاربو الاقباط.
بالأصول ناقشوهم ياأعباط .
مش أكون انا كبش فداكم.
وتخلوا العالم يقول ما أغباكم.
احنا فرحانين اننا حنموت.
الناس اللى هنا بتتمنى الموت.
كل الناس بتقول انى سليم.
بس ياخساره مخ ناسنا هشيم.
ذنب الغلابه فى ايديكم.
ودمنا اللى سال بإيديكم.
حينادى ويصرخ بعلو الصوت.
اندبحنا ظلم ومن غل مكبوت.

[/center]

كلمات رائعة وحقيقية قوى بجد
لو الخنازير أتقدر ليها أنها تنطق وتتكلم أكيد مش هتلاقى كلام أكتر من ده تقوله
ربنا يرحم بنى الأنسان اللى بيشفوا غليلهم وتعصبهم من جنس الحيوان
شكرا عمو مجدى كتير

جميله قوووووووى عمو مجدىفعلا
لو الخنزير ينطق ويقول موش حيلاقى كلام أكثر من كده
يقوله
شكرا عمو مجدى

وجدت التعليق التالى عن موضوع خنزير حزين

خنزير وعايش وحداني
بسمع شتيمتي بوداني
مش فاهم إيه اللي حصل لي
ولا إيه اللي جابني ووداني
يا ناس قولوا لي جريمتي إيه
وليه حكمتوا بإعدامي؟
ومن يومي وأنتوا كارهيني
لكن خالقني اللي حماني
دايماً تبصوا لشقاوتي
واللعب في الطين خلاني
فاهم كويس معدنكم
وبلاش غرور وللا تعالي

طيب هاتوا لي مكان أرتاح
ولو حتى بدروم تحتاني
ووضبوه كده عل الموضة
هتشوفوا أدبي وجمالي
وجودي له فايدة كبيرة
وليه نسيتوا إحساني

ياما عملتولي تجارب
واخدتوا مني علاج ليكم
والأنسولين المجاني
وقلبي كان مفتوح ليكم
تقولش قلب إنساني
وعملتوا مني خيوط جراحية
وفرش حلاقة عجباني
ولما أمرض أو أتعب
ترموني ويّا أحزاني
الحفرة اللي عملتوها

هتقعوا فيها إخواني
الغدر منكم خلاني
أكره حياتي وزماني
عايز أشوف واحد منصف
وتعود لي قيمتي من تاني
يا تشوفوا صرفة لأمراضكوا
يا ترجعوني لمكاني.
على موضوع: خنزير حزين

برافو عمو مجدى ربنا يباركك

» رسالة العذراء لكل قلب حزين
» +++((( قلبـــى حزين يا ربــــى )))+++
» فيديو | مظاهرات حاشدة من السلفيين ضد محافظ قنا القبطى الجديد لانة خنزير مسيحى
» يوم حزين... ولكن !!!!!
» صرخه انين من قلب حزين