يوم حزين... ولكن !!!!!

يوم حزين

فى يوم وانا قاعد حسيت ان كلى متاعب الحمل تقيل مش قادر اشيل وكترت المصاعب مالك كدة يا نفسى بقيتى حزينة !!!ومن الهموم عندك خزينة !!!وبقى عندك فتورمن غير ما نلف وندوركل حاجة فى حياتك اصبحت روتين وفى الحياة العملية والروحية ما بقتش متين يا ترى ايه السبب المبيين

وليه علطول انا قاعد حزين مفيش حاجة بتفرحنى
و لا حد قادر يريحنى حتى لما بروح الكنيسة واحضر القداس
بيرجعلى تانى نفس الاحساس ايه بس اللى جرالى وايه اللى فيا لو اعرف كنت استريح يا فاديا نظرت لصورة فاديا وصرخت بكل ما فيا ارحمنى بقى يا رب ونور عينيا فى اللحظة ديه سمعت صوت مش عارف منين لكن قعدت افكر فى كلامه يجى ساعتين اصله قال الخصية هى السبب
ساعتها اخذنى العجب !!!!
لكنى قلت افكر بالراحةيمكن هى ديه الصراحة
بتناول وبحضر الاجتماعات وبصلى وليا بعض القراءات
كمان بخدم فى حقل رب القوات لكن !!! هل بعمل ده بامانة وثبات التناول باخده وانا فى حالة تقصير لانى مقصر فى التوبة والاعتراف كتييييير والاجتماعات بقعد فيها مشغول
فى اى حاجة او موضوع تلاقينى اسرح علطول
والخدمة ديه كوم تانى
لانى مش بعتمد على اللى فدانى
عرفت دلوقت ايه السبب فى الاحزان
وايه اللى مخليك مش عارف تناااام
ما هو انت لو بارد او حار ما كنش زمانك محتار
بلاش الروتين والسطحية وادخل فى عمق الحياة الروحية
هو ده السبب تمام
يلا فوق يا بطل يا همام
خد كل اللى عندك من احزان
وارميها فى بحر النسيان خلاص هاتبتدى بداية جديدة
وببركة ربنا يسوع هاتبقى سعيد
واتشفع بالعدرا بكل اصرار
وانبا بيشوى العنبر المختار