يوميات مينا ومريم

انا جايبة لكم حلقات دمها خفيف خالص

شفتها فى منتدى تانى وقلت لازم اجيبهالكم

وكل ما احس ان الردود تشجع هانزل حلقه جديده لبقيه القصه

كفايه رغى كده ونبتدي.


الحلقة الاولى

مينا : لو سمحتي حضرتك...ممكن براية

مريم: هههههههههههه

مينا : حضرتك بتضحكي على ايه ممكن اعرف يعني لو سمحتي

مريم : مش عيب شاب في سنك يطلب براية ..ده احنا في جامعة

مينا : طيب معاكي شفرة...عشان المحاضرة هتبدأ خلاص

مريم : ايييييه..ايه شفرة دي..ممكن تسكت لو سمحت

مينا "بصوت عالى" : حد معاااااااه براااااااااية....او قلم زيااااااادة..ردوا

مريم : انت اكيد مجنون وطي صوتك الطلبة كلها بتضحك عليك

مينا : ويضحكوا ليه

مريم : خلاص خلاص انا هنقل المحاضرة وبعدين اديلك تصورها

مينا : شكرا بس انقلي كويس ..وياريت تنظمي الكراسة


(اثناء ما المحاضرة شغالة ومريم شغالة كتابة ومينا هيموت عشان مش معاه قلم)


مينا : يا انسة خطك زفت زفت..انتي مش مسطرة الصفحة ليه ...وفين التاريخ .يادي النيلة عليا وعلى الجامعة

مريم : انت مالك ومال خطي مش كفاية هديلك تنقل مني وهتعطل انا

مينا : ليه وانتي عربية اصلك علشان تتعلطي..

مريم : انت انسان قليل الادب...بجد مش بتعرف تكلم البنات ازاي

مينا : لأ يا شيخة المرة الجاية تبقي تجيبيلي الكتالوج بتاعك


( مريم عشان رقيقة سكتت ومش عرفت ترد على مينا بحاجه وانتهت المحاضرة )


اثناء خروج الطلبة من المدرج...مينا حب يستظرف بس بطريقة غبية شوية

مينا وسط حشد من الطلبة بنات وولاد وكأنهم قطيع من المواشي

هررررررررررررررررررر...وضحكته سمعت كل اللي ماشي


(مريم بتحكي مع زميلتها من كلية تانية على مينا )


مريم : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

مريم : بس تعرفي شكله وسيم اووووي...حاسة انه طيب وعلى طبيعته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

مريم : يا ستي سيبك

هالة : على رأيك


خلص اول يوم في الجامعة وقبل النهاية بدقايق

مينا : يا استاذة يا انسة فين المحاضرة عايز انقلها هاتيها يلا يلا بسرعة

مريم : تنقل ايه يابني دي عشر ورقات غير في رسومات وجداول

مينا : ومالهم يعني عشر ورجات انتي هتخلفي وعدك ولا ايه

مريم : انا مقلتش كده بس في حاجة اسمها تصوير..اسرع يعني

مينا : ههه اصور ايه بخطك الزفت ده..شوفي ...زفت

مريم: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....

مينا: عليكي يا شيخة وعلى هالة وعلى الجامعة كلتها....وبرضه خطك زي الزفت

.

.

.

.

هاا ايه رايكم


سلام

ه
ولله يا هاني نت غريب حتي في موضيعك
وعيزينك تكمل القصة
وعل فكرة انا جبت النتيجة بتاعت الترم
هههههههههه

عرفت ان النتيجة بتعتك ظهرت يامينا مبرووووووووووووووووووووووووووووووك علشان تعرف انى بسال عليك بس ايه رايك فى المسلسل اللى هكملهولكم كل يوم حلقة ده يارب يعجبكم ..
ايه رايك ياسلوى فى الموضوع حكاية كل يوم لحد ما المسلسل يخلص يارب يعجبكم...
النهارده هنزلك الحلقة الثانية ..

الحلقة التانيه

"واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا مينا ...ماشية عكس خالص...مش عارف يتأقلم عليها"
" تعالوا نشوف الايام والحياة الجامعية هتعمل ايه في مينا وهيتعامل معاها ازاي"
"كان
ميعاد المحاضرة الساعة 8 صباحا...كان مينا واقف قصاد المدرج من 6 الصبح مش عارف ليه ونبتدي

مينا: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

مينا: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

مينا:هدخل يعني هدخل..هاااا

الساعي: قفل الباب في وشه ودخل جوا

مينا : انت هتضيع عليا المحاضرة شكلك

مينا: اما اروح اجيب كوباية شاي سخن مولع

الراجل: تؤمر بأيه يا فندم

مينا : شاي خمسينة بنعناع

الراجل: ايه ايه...مفيش نعناع

مينا: ومفيش نعناع ليه

الراجل : هو كده مفيش نعناع على الشاي ..النعناع لوحده

مينا :طيب هات نص كوباية شاي ونص كوباية نعناع

الراجل: خد فلوسك اهي

مينا:طب والشاي ابو نعناع فين

الراجل:اوووف

مينا:اوووف على دماغك...

كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى مريم فارشة كل حاجتها وبتشرب كابتشينووووووووووووووووو


مينا : بصوت لا يطاق....ايييييييييه ده يا هانم...هي وكالة من غير بواب

مريم :وطي صوتك من فضلك انا بتكلم بهدوء وبأدب

مينا:هي دي طريجتي..عاجبك ولا مش عاجبك

مريم:طيب انا مش هقوم

مينا: هروح للعميد يجي يقومك

مريم:هههه

مينا:بتضحكي على ايه يا باردة

مريم: لم نفسك

مينا: شايفاني مبعتر في الارض ولا اييييييييه

مريم: مش هتحضر...هههههههههههههه

مينا :هحضر غصب عنك ....

وفجأة سمع صوت الدكتور بيناديله !!!!!!!!!!!!!!
.
.
.
.
.
.
.
.
.

الحلقة الثالثة


وقف الدكتور بكل ثقة...وبص على الطلبة كلهم
من بين كل الطلبة وقعت عينه على مينا وهو مكشر
الدكتور :مالك ياابنى مكشر من اول السنه ليه كده
مينا:لو سمحت معاك نمرة ماحمول العميد
الدكتور : ههههههههههه ايوة ليه
مينا : عاوز اقدم شكوى في البت دي
مريم :متقولش بت
مينا:هجول بت وستين بت كمان قومي يلا
الدكتور : بس بقى اخرس شوية يا اماهطردك
مينا : انا ...تطردني ليييييييه هاتلي مكان سعادتك
الدكتور: تعالى اعد جنبي هنا على الكرسي ده
مينا : وااه...اجعد جنبك مرة واحدة ياداكتووور
الدكتور :ايوة تعالى
وهو نازل راح وقع الكتاب بتاع مريم ورمى اقلامها
راحت مريم ضربته على ضهره..قال ااااااااااااه
وصوته سمع المدرج كله والكل فضل يضحك عليه

الدكتور : اطلع برا يلا..مش هتحضر المحاضرة
مينا : ابوس ايدك يا بيه انا امبارح مكتبتش والنهارده محضرش..مين يرضى بكده يا ناس
وهو خارج رمى عينه على مريم ولمح فيها نظره عطف جميله
بعد ما المحاضرة انتهت...مريم خرجت لمينا

مريم :بجد انا اسفة اوووي
مينا : على ايه بقى ما المحاضرة خلاص
مريم : خد المحاضرة بتاعتي انقلها وانا هستناك
مينا : بجد بتتكلمي بجد
مريم : ايوة مع انهم اكتر من عشر صفحات بس هستناك
مينا: متشكر يا مازمازيل مريم
مريم : لأ قول مريم بس احنا اصدقاء وابتسمت ومشيت
مينا عمال ينقل وعمال يقول في سره...خطها زي الزفت
بس شكلها طيب اوى....الخط مش كل حاجة في الانسان يعني
مينا لمح مريم وهي جاية وبتبتسم بخجل
مريم : مينا انت خلصت المحاضرة
مينا : لأ لسة انا في اول صفحة مش عارف اقرا الكلمه دى
مريم قرت الكلمة
مريم : اوكي كمل انا هستناك
مينا :لا لا انتي لازم تروحى دلوقتى عشان انتى اتاخرتى خالص
مريم : طيب والمحاضرة
مينا : تتحرج المحاضره
مريم ضحكت ضحكة رقيقة جدا حركت قلب مينا الاسد
مينا : ممكن اوصلك لحد الباب...
مريم : اوكي اوكي مفيهاش حاجة اتفضل
مينا : انتي فى الجامعة هنا من امتى
مريم :ايه يا مينا انا في سنك لسة اول سنة
مينا : انا عارف انا عارف
مينا : وياترى دخلتي هنا واسطة ولا ايه
مريم: ههه ...مينا مالك في ايه
مينا : لا بهرج معاكي
مريم : تعرف انك.....
مينا :اني ايه؟
مريم : طيب اوووي
مينا : وانتي انسانة محترمة اه فعلا محترمه بجد
مريم : ميرسي
مينا :يالهوي ياني انا منجلتش المحاضرة بتاعت النهاردة
مريم : ميرسي يا مينا على التوصيلة الجميلة دي منك
مينا : انتي رايحة
فييييييييييييييييين
المحاضرة
المحاضرة
المحاضرة
.
.
.
..
.
.
.
هاااااا ايه رايكم فى الحلقة انهارده هههههيييييييييييي
يارب تكون الحلقات عجبتكم

سلام

الحلقة الرابعه

ويارب دى كمااااااااااااااااان تعجبكواااااااااااااا

مينا مأجر شقة مفروشة وساكن فيها فترة الدراسة ....

ظبط المنبه بتاعه على ميعاد الجامعة

جرس الباب بيرن ... بيرن ... خبط جامد .... مينا قام مخضوض وبيفتح الباب وووفجأة

هاي .. انا جارتك اللي ساكنة قصادك

مينا : طيب وانا اعمل ايه يعني جارتي ولا مش جارتي

تؤ ... طيب قول صباح الخير .. قول صباح النور .. قول صباح اللي بتغني

مينا : يا فتاح يا عليم يا رزاق يا كريم ... يادي النيلة .. انتي عاوزة ايه مني دلوقتي

انا ؟ ؟

مينا : امال امي

تؤ تؤ انت عصبي كده ليه ... كل شئ بالتفاهم وبالهدوء ... اعملك نسكافيه يهدي اعصابك

مينا : متشكر يا ستي متشكر خالص انا ... عاوزة ايه مني على الصبح كده انا ورايا جامعة

ايه ده .. انت بتروح الجامعة ... انا بفتكرك في المدرسة

مينا : صبرني يارب صبرني ... جولي عاوزة ايه هتأخر على الجماعة

عندك حبة شطة

مينا : هاا ... جلتي عاوزة ايه

شطة شطة .... اللي بتخلي الاكل يوحوح

مينا : لا انا مش بحب اوحوح عن اذنك ... وقفل الباب ولبس بسرررعة ونزل

ركب الاتوبيس

مينا : الاجرة بكام لو سمحت يا اخينا

رد شاب ستايل ... ههههههههه ايه اخينا دي دي كلمة قديمة موت

مينا : ماشي يا عم الجديد .... بكام الاجرة

الكمثري : بجنيه وبريزة يا كابتن

مينا : اشمعنى وبريزة

الكمثري : حكومة تقدر تتكلم

مينا : خد يا عم ونزلني عند الباب الرئيسي

مينا داااااااااخل بيجرررري .... وهووووووب ... خبط في بنت وقع عليها العصير

انت غبي ... انت مبتشوفش

مينا : هشششششششششش

انت قليل الادب مش محترم كمان

مينا : هسسسسسسسسسس

مينا : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

مريم لمحت الخناقة من بعيد

مريم : مينا مينا في ايه

مينا : ابعدي انتي يا مريم ده تار قديم وهيخلص النهاردة

مريم : مينا دي جامعة انت ممكن تتفصل

مينا : ومحضرش محاضرات تاني ؟

مريم : ايوة ايوة انا هروح انده الامن

مينا : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله مينا خرج سليم

مع انه كان ادها وادود يعني بس خاف طبعا على مستقبله

مينا : متشكر يا مريم جوي

مريم : ده اقل واجب يعني

مينا : انتي عملتي الواجب صح

مريم : واجب ايه يا مينا هو احنا في مدرسة

مينا : ههههههههههه اصلها فاكراني في المدرسة

مريم : هي مين دي

مينا : اللي عاوزة الشطة

مريم : انا مش فاهمة حاجة يا مينا

مينا : انتي بتحبي توحوحي

مريم : ههههه

مينا : ههههه

مريم : تعرف يا مينا ان دمك خفيف اوي

مينا : ربنا يخليكي انا مش بجدر على الكلام ده

مريم : هو انا قلت حاجة يا مينا

مينا : ايوة دمي خفيف وحلو ومسمسم والكلام الكابير ده

مريم : هههههههه

مينا : بتضحكي على ايه عاد

مريم : هههههههه

مينا : يوه يوه يوه

مريم : المحضارة هتبتدي يا مينا يلا نحضر

مينا : ماتيجي نتمشى شوية في الحديقة وبلاش المحاضرة

مريم : بجد ... طيب يلا

مينا : ال حديقة ال .... يلا يا هانم نلحج المحاضرة انا حاجزلك جنبي

مينا دخل لقى اتنين اعدين مكانه هو ومريم

أ نتظروني هههااااااااااااااااااااااا

انا قلت كل يوم حلقة ما تستعجليش ياسلوى على فكرة القصة دى رهيبة ودمها خفيف قوى يعنى فيها كوميديا فظيعة وهتعجبكم قووووووووووى استنونى بكرة بقى فى الحلقة الخامسة يالا بااااااااى

الحلقه الخامسه
مينا دخل لقى اتنين اعدين مكانه هو ومريم
دي كانت نهاية الحلقة اللي فاتت يارب الحلقة دي تعجبكم
مينا : ايه يا كابتن انت وهو انا حاجز المكان ده من بدري
انت حاجز صالة ولا بلكون
مينا : لأ حاجز حمام يا خفيف
هو انت فاكرني شاي ولا ايه
مينا : ايوة شاي ومتاخدش في ايدي غلوة كمان
انت باين عليك متعرفش الكابو هيثم
مينا : وانت باين عليك متعرفش مينا ابن عمدة القرية
هههههههههههه
مينا : بتضحك على ايه
ودخل مينا في عراك وكأنه عراك بين الديوك ومريم مش عارفة تعمل ايه
غير انها جابت النوت بوك بتاعها وفضلت تضرب مع مينا
مينا : اي اي ايه يا مريم دي دماغي انا
مريم : سوري يا مينا مكنش قصدي بجد
مينا : اخرجي انتي برا وايه الجلم الرصاص اللي بتضربي بيه ده
مريم : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
مينا : هجطعه
الدكتور : تقطع مين يابني ... احنا في جامعة
مينا : جامعة مش جامعة هجطعه
مريم : ايوة احنا هنجطعه
الدكتور : تعالوا برا انت وهي
مينا : لأ والنبي يا داكتور الجو ساجعة برا جوي
الدكتور : اطلع بقولك
مريم : يلا يا مينا
مينا : يلا ايه وزفت ايه ... هو احنا رايحين نتفسح
وطلعوا يا عيني هما الاتنين ولسوء حظ مينا انه برضه محضرش المحاضرة دي كمان
مينا : انا مروح يا مريم
مريم : لأ خليك اعد معايا شوية
مينا : لأ يا مريم انا مروح
مريم : انا عايزة اتكلم معاك
مينا : بكرا ان شاء الله نتكلم كتير ... ماهو كده كده مش هحضر بكرا برضه
مريم : انت بتحب المحاضرات ليه يا مينا
مينا : انا جاي مصر عشان اتعلم يا مريم مش عشان اتنزه
مريم : انا عارفة انك شاب مش فاضي من جواك
مينا : ربنا يخليكي يا مريم
مريم : اي نعم انت مش مهتم بمظهرك ... ومش بتسرح شعرك حلو ... بس حاسة انك وسيم اووي
مينا : ماتجولي معفن احسن يا ست مريم
مريم : انا مش اقصد خالص
مينا : ولا تقصدي ... انا جيت مصر غلط من اساسه دي مش بيئتي ولا دي حياتي
مريم : انا اسفة
مينا : انا اللي اسف .... عن اذنك
وبعد ما مينا مشي مريم مشيت هي كمان وكانت زعلانة جدا من كلامها معاه
ولو انها مكنتش تقصد بس مينا حساس حبتين
مريم حاولت تتصل بمينا عن طريق جارته
مريم : الو ممكن اكلم مينا جار حضرتك
الجارة : مينا مين يا انسة
مريم : مينا جارك
الجارة : اااه تقصدي موني
مريم : انتي مسمياه كده
الجارة : هو بيحبني اووي اقوله كده
مريم : طيب كويس ممكن تناديه
الجارة : مينا مينا مينا مينا
الجارة : مينا مينا مينا مينا
مينا :.. اختشي بجى في حد يخبط على حد الساعة عشرة بالليل
الجارة : يووه ايه يا موني .. انا خضيتك ولا ايه
مينا : اخلصي يا ست عاوزة ايه مني وليه بتخبطي في وقت زي ده
الجارة : تليفون عاوزك
مينا : والتليفون عاوزني في ايه
الجارة : ه جتك ايه يا مووني يا سكر
الجارة : اقصد حد عاوزك على التليفون
مينا : ابوووووووويا جراله ايه انطجي قولي
الجارة : لأ لأ ده صوت واحدة
مينا : امي امي اما مالها مالها
الجارة : ده صوت جثة
مينا : هههههههه
مينا : والجثة هتتكلم ازاي بجي
الجارة : تعالى ورايا يا موووني وانا اخليها تنطق وتتكلم
مينا : طيب يا ستي
مريم : سمعت ضحك مينا وجارته دي ... وقفلت السكة
مينا : الو الو ... الو الو
مينا : ههههههههههه
مينا : الجثة مش راضية تنطق ... ده باين كده الجثة ماتت
هههه
غدا لقاء اخر مع مينااااااااااااااااااااا ومريم ههههههاااااااااااااااااااااا

انت مشكلة صدقني
هههه

على القصه يا هانى

نورت بيتك من تانى اخى ومنتظرين مواضيعك المميزه

الرب يبارك حياتك ويعوضك

الحلقه السابعه
وبعد ما مينا خلص امتحانات هو ومريم وقرر انه يطلع الرحلة وكان ميعاد الرحلة اتحدد
مريم : هو مينا اتأخر كده ليه
ريم : انتي مالك مش على بعضك ليه
مريم : وانتي مالك
ريم : مش عارفة مهتمة بواحد زي ده ازاي
مريم : ملكيش دعوة بقى
ريم : صحيح عملتي ايه في العريس اللي اتقدملك
مريم : رفضته طبعا .. انا لسة مش عاوزة ارتبط دلوقتي
ولسة الاتوبيس هيتحرك كان مينا وصل ومريم تنفست الصعداء
مينا : ايه يا جماعة انتوا كنتوا مستنيين حاجة ولا ايه
ريم : ابدا كننا مستنيين القطر
مينا : هو احنا هنسافر في الاتوبيس ولا الجطر
ريم : يااااربي
مريم : هههههههههه جامدة دي يا مينا
مينا : اي خدمة يا مريم ابقي تعالي كل يوم
مريم : اجي فين
مينا : لا لا متاخديش في بالك
والكل ركب الاتوبيس وفجأة مينا بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه
مينا : ايه مالكم ساكتين ليه محدش بيهيص ليه هطبل واهيص في نفس الوقت ولا ايه
مريم : ابدا يا مينا بس الطبلة صوتها عالي اووووي
مينا : مانا عارف ان صوتها عالي ... مكنتش اعرف انها هتضايقكوا كده
مريم : عامة انا مش مضايقة انا مبسوطة بيها
وفجأة مينا بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا
مينا : يا بووووي يا جدعان المنطجة هنا جامدة جوي جوي
مريم: انت اول مرة تيجي هنا
مينا : لأ جيت قبل كده ايام الحرب
مريم : حرب ايه يا مينا .. هو انت حضرت حروب
مينا : هو احنا هنروح امتى يا مريم
مريم : يعني لسة اسبوع ... انت زهقت ولا ايه
مينا : لا لا خالص بس انا مجبتش اكل كفاية
مريم : مينا اكل ايه بس هنا الاكل اوبين بوفيه
مينا : يعني ايه
مريم : يعني تاكل اللي انت عايزه
مينا : يالهوي ياني يا جدعااااان
مريم : انا هطلع اغير بقى
مينا : اوعي تجولي هتلبسي مايوه ده اللي بيجولو عليه
نور : ههه ايه يا مينا ده بس
مينا : صدجيني معرفكيش تاني
مريم : انت هتنزل البسين بأيه ... معاك ماييوه
مينا : لأ انا ابويا جايبلي ترننج من السعودية هنزل بيه
مريم : مينفعش يا مينا
مينا : بجولك من السعودية .. جامد جدا جدا
مريم : طيب يلا نفطر بقى عشان جعانة
مينا : انتي على طول جعانة كده
مريم : هه انا بحب الاكل اوي
مينا : انا اخر حاجة افكر فيها الاكل
مريم : يعني مش هتفطر
مينا : في مش وخيار وعيش بلدي
مريم كانت عاوزة تقوله ده عند ماما الكلام ده
مينا : كل ده اكل يا نااااااااااس ... هيخلص امتى ده بس
مريم : كل على اد ما تقدر يا مينا
مينا : اانا هاكل وكل لحد ما افرجع كده
مريم : انا طالعة اغير ونازلة
مينا : تغيري ايه بس يا شيخة بصي على نفسك في المراية وشوفي الست الجااامدة دي
يابووووووووووووووي انا لازم اروح اتعرف عليها


ووووووووووو نكمل الحلقه الجايه ان شاء الله

يبني بلاش فضايح سبوي بتضحك علي الصعايدة
عارف ليه عايز ينزل البسين بالترنج بتاع السعودية غبي
هو لو من الكويت ينفع صح هه
حلوي يا هاني
منتظر الباقي

لا يامينا معتقدش يامينا تكون سلوى بتضحك على الصعايده بس هيا القصة يمكن عجبتها ومندمجة معها صح ياسلوى ولا ايه
انتظروووووووووووووووووووووووووووووووووووووووووووون ر
اللى جاى احلى بكتييييييييييييييييييييييييييييييييييييييييييييييييييييير
يالا باااااااااااااااااااااااى هتوحشونى لحد بكرة

ميرسى يا هانى على القصه الجميله ديه

منتظره بقية الحلقات

الحلقه الثامنه
" مينا استنهز فرصه ان مريم طلعت تغير هدومها وراح اعد جنب الست وحصل اللي حصل " اكيد
" الست طبعا مبتعرفش عربى اصلا " خالص
مينا : يالهوي علي الغزال اللي بيلعب في الرمل
الست : ــــــــــــــــــــــــ ؟
مينا : يالعوي علي الحصان اللي اعد علي شط
الست : ـــــــــــــــــــ ؟
مينا : يالهوي عالجمر اللي الميه بلته
الست : ـــــــــــــــــ ؟
مينا اتخنق وزهق كل الكلام ده والست مش راضيه تعبره
مينا عجبه تقل الست واحنا عارفينه صعيدي ومخه تخين لازم يكلمها
مينا : ايه يا عم التقل دا عبرنا ولو بنظره
الست خدت بالها ان في صوت بيتكلم بصتله
مينا : ايه العنين الدامده دي
مينا : بس بس بس بس بس بس انت يا جمر
الست : ________؟
مينا سرحان في عيون الست ومش عارف يقول ايه اتبلم
يالهوي دا مريم جايه في الطريق ومينا لسه مبلم في عيون الست
مريم : مينا " مينا مش هنا خالص راح في دنيا تانيه " مش معانا
مريم : مينا مينا مينا
مينا : ايه مين
مريم : ايه يا بني انت سرحان في ايه كده
مينا : لا مافيش
مريم : طيب انتا جاي معانا ولا اعد
مينا : نروح فين
مريم : هنروح نفطر ونطلع علي البلاج
مينا : طيب روحه انتوا انا اعد هنا شويه
مريم : لا يا مينا تعالي معانا
مينا : لا انا عايز اعد هنا شويه
مريم : كده يا مينا مش عايز تروح معايا
مينا : خلاص خلاص انا هاجي معاكي جومي
مينا وهو ماشي في سره كان لازم تيجي دلوقتي انا كنت خلاص هكلم الست
مريم : مينا انت بتقول حاجه
مينا : لا
مريم : طيب انت مش هتطلع تغير هدومك وتلبس الترنج اللي من السعوديه الجامد جدا ده
مينا : اه تصدقي فكرتينني بصي انا هطلع اغير وابقي اجيلك روحي انتي

" مينا وزع مريم وطلع غير ومش راحلها راح فيــــــــــــــــــــــــــــــــــــن " فين