يوميات مينا ومريم

تذكير بمساهمة فاتح الموضوع :



انا جايبة لكم حلقات دمها خفيف خالص

شفتها فى منتدى تانى وقلت لازم اجيبهالكم

وكل ما احس ان الردود تشجع هانزل حلقه جديده لبقيه القصه

كفايه رغى كده ونبتدي.


الحلقة الاولى

مينا : لو سمحتي حضرتك...ممكن براية

مريم: هههههههههههه

مينا : حضرتك بتضحكي على ايه ممكن اعرف يعني لو سمحتي

مريم : مش عيب شاب في سنك يطلب براية ..ده احنا في جامعة

مينا : طيب معاكي شفرة...عشان المحاضرة هتبدأ خلاص

مريم : ايييييه..ايه شفرة دي..ممكن تسكت لو سمحت

مينا "بصوت عالى" : حد معاااااااه براااااااااية....او قلم زيااااااادة..ردوا

مريم : انت اكيد مجنون وطي صوتك الطلبة كلها بتضحك عليك

مينا : ويضحكوا ليه

مريم : خلاص خلاص انا هنقل المحاضرة وبعدين اديلك تصورها

مينا : شكرا بس انقلي كويس ..وياريت تنظمي الكراسة


(اثناء ما المحاضرة شغالة ومريم شغالة كتابة ومينا هيموت عشان مش معاه قلم)


مينا : يا انسة خطك زفت زفت..انتي مش مسطرة الصفحة ليه ...وفين التاريخ .يادي النيلة عليا وعلى الجامعة

مريم : انت مالك ومال خطي مش كفاية هديلك تنقل مني وهتعطل انا

مينا : ليه وانتي عربية اصلك علشان تتعلطي..

مريم : انت انسان قليل الادب...بجد مش بتعرف تكلم البنات ازاي

مينا : لأ يا شيخة المرة الجاية تبقي تجيبيلي الكتالوج بتاعك


( مريم عشان رقيقة سكتت ومش عرفت ترد على مينا بحاجه وانتهت المحاضرة )


اثناء خروج الطلبة من المدرج...مينا حب يستظرف بس بطريقة غبية شوية

مينا وسط حشد من الطلبة بنات وولاد وكأنهم قطيع من المواشي

هررررررررررررررررررر...وضحكته سمعت كل اللي ماشي


(مريم بتحكي مع زميلتها من كلية تانية على مينا )


مريم : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

مريم : بس تعرفي شكله وسيم اووووي...حاسة انه طيب وعلى طبيعته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

مريم : يا ستي سيبك

هالة : على رأيك


خلص اول يوم في الجامعة وقبل النهاية بدقايق

مينا : يا استاذة يا انسة فين المحاضرة عايز انقلها هاتيها يلا يلا بسرعة

مريم : تنقل ايه يابني دي عشر ورقات غير في رسومات وجداول

مينا : ومالهم يعني عشر ورجات انتي هتخلفي وعدك ولا ايه

مريم : انا مقلتش كده بس في حاجة اسمها تصوير..اسرع يعني

مينا : ههه اصور ايه بخطك الزفت ده..شوفي ...زفت

مريم: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....

مينا: عليكي يا شيخة وعلى هالة وعلى الجامعة كلتها....وبرضه خطك زي الزفت

.

.

.

.

هاا ايه رايكم


سلام

شكرا للك يا بطل

وانا متابعه معاك

حلوه خالص

الرب يباركك

شكرا على مروركم وعلى المتابعة خادم الرب واختىى سلوى ربنا يباركم

الحلقه الثالثه والعشرين


وقفنا المرة الى فاتت عند ريم كانت تعبانه وكانت في لحظه رومانسية هي ومينا دي بتبص في عنيه وهوه بيبص في وشها

وقفنا ساعه ما قالها

ريم
ريم

ريم

ريم

ياتري كان عايز يقولها ايه

دا الى هنشوفوا انهرده مع بعض

مينا : ريم

ريم : نعم يا مينا في ايه خضتنني

مينا : انتي وشك اصفر شكل الكشري بتاع المحلات بتاع طنطا

ريم : بجد يا مينا

مينا : اها ورحمة خالي اللي مدوخني

ريم : طيب هاتلي دكتور ولا اعمل اي حاجه

مينا : حادر هنزل اشوفلك دكتور تحت في اي حته

ريم : طيب يلا بسررررررررررررعه

نزل مينا تحت وبيسأل ممرضة

مينا : لو سمحتي يا نيرس

الممرضه : ايوة تحت امرك

مينا : الامر لله يا قمر

الممرضه : بصت ليه كدا وقالتوا خير يا فندم عايز حاجه

مينا : اها واحد كابتشينوا وباكوين بسكويت لو سمحتي

قامت االممرضه ضحكت كدا وقالتوا

الممرضه : حضرتك دا مش كانتين دي مستشفي محترم

مينا : اها مانا عارف عندنا زيها في بلدنا

الممرضه : بلدكوا ؟؟

مينا : اها بلدنا انا شايف الفضول في عنيكي وعايزه تعرفي ايه البلد

الممرضة : ههههههههه بصراحه اها

مينا : طيب مش هقولك

الممرضه : طيب مش مشكل المهم انت كنت عايز تقول ايه ؟


مينا : انا معايا واحدة زملتي فوق رجليها مكسورة ولونها اصفر لو سمحتي عايز حد يشوفها

الممرضه : اها طيب اوكي تعال هاجي معاك اشوف الموضوع يستلزم دكتور ولا لا

مينا : اوكي اتفضلي

طلعت الممرضه معاه وساعه ماشافت ريم بنوته حلوه وعسولة وشكل سمية الخشاب هههههههههههه

راحت مسكت ايديها كدا علي اساس انها بتقيس ليها النبض يعني
وقالت لمينا

الممرضه : عايزاك ثواني

مينا : طيب حاضر هاشوفها يا ريم شكل الموضوع خطير ولا شكلك هتموتي ونخلص منك ههههههههه

ريم : بعد الشر عليا يا مينا متقلش كدا

مينا : انت هاترغي يا ستي استني لما اشوف الممرضه الى بره دي

ريم : طيب

خرج مينا بره لقي الممرضه مستنياه

مينا : ايه مالها خير يانرس

الممرضه : بص يا استاذ ....امممممم

مينا : اسمي مينا وبلاش استاذ دي شيلي التكليف حضرتك

الممرضه : ميرسي يا مينا كلك زوق

مينا : اها مانا عارف البلد كلها بتقولي كدا حتي مريم بتقولي كدا

الممرضه : مريم مين ؟

مينا : هوه انتي علي طول عندك الفضول دا ههههههههههه

الممرضه : سوري اني ادخلت في حاجه مش لياا فيهاا

مينا : لا عادي مفيش مشكل المهم قوليلي ريم مالها

الممرضه : دي بتتدلع ومعندهاش حاجه هي بس لونها مخطوف من الخضه

مينا : ايه دا يعني هيا رجليها مش مكسورة

الممرضه : لا مكسورة بس دلوقتي بقيت كويسة وتقدر تروح كمان 10 تيام ان شاء الله


مينا : عشر تيام ينهار مدوحس داحنا مسافرين بكره

الممرضه : مسافرين فين

مينا : رايحين القاهرة تاني احنا طالبه وجاين رحلة

الممرضه : اها طيب مهي مش هتنفع تخرج قبل كدا

مينا : خلاص هنسبها ولما تخف تبقي تيجي

الممرضه : لا متسبهاش هي ممكن تخرج انهرده

مينا : ه الا قوليلي يا اسمك ايه

الممرضه : اسمي نهي

مينا : عاشت الاسامي يا نهي علي فكرة اسمك جميل اوي وانا بحبه

الممرضه : ميرسي ليك يا مينا كلك زوق

مينا : ايوه مانا قولتلك عارف البلد كلها بتقول عليا كدا

الممرضه : ههه

مينا: هههههههههههههه هوه انتي معاكي شبكة ؟

الممرضه : اها معايا

مينا : طيب ممكن رقم موبيلك
الممرضه : اها طبعا اتفضل 0000000000

مينا : طيب انا هروح اشوف باقية صحابنا وهتصل بيكي اطمن علي ريم وانتي خدي بالك منها

الممرضه : طيب هتيجي امته علشان لو عايزين حاجه في الرسبشن

مينا : علي طول هشوف مريم بس واجي

الممرضه : طيب اوكي هستناك



في نفس الوقت دا مريم قلبت الدنيا علي ريم ومينا مش لاقيه حد ومش عايزه تسأل حد علشان ميبقاش شكلها وحش

وفي الاخر اكتشفت انهم مع بعض

هتعمل ايه بقي تعمل ايه تعمل ايه تعمل ايه

فضلت تفكر شويه وفي الاخر وصلت لفكررررررررة

ياتري هتعملي ايه ياااااااااا مررررررررررررررررررريم ؟
































دا الى هنشوفوا مع بعض الحلقه الجاية

الحلقه الرابعه والعشرين




وقفنا المرة الى فاتت عند مريم كانت بتفكر وبتقول




ياتري هتعملي ايه ياااااااااا مرررررررررررررررررررررريم ؟





طبعا كلكوا عايزين تعرفوا مريم


هتعمل ايه دا الى مش هنعرفوا
مع بعض انهارده لاني هسبها للحلقه الجايه - ههه


نرجع مع بعض لررررررريم ومينا والممرضه




دخلت الممرضه (نهي يعني ) الاوضه بتاعة ريم


وقعدت تتكلم معاها



الممرضه : ازيك يا ريم دلوقتي عاملة ايه ؟؟


ريم : الحمد لله كويسة احسن شويه


الممرضة : لا لا انتي باقيتي
كويسة خالص ايه دلع البنات دا بقي
هههههههههههه


ريم : هههههههه والله مش دلع
بس فعلا رجلي تعباني شويه


الممرضة : ان شاء الله هتبقي كويسة


ريم : ميرسي ربنا يخليكي




وسكتوا الاتنين شويه




وفجأة


ريم والممررضة : امال مينا فين ؟



اتغيررر معالم وش ريم باحمرار
غريب كدا ونرفزه والممرضه
بكسووف


ريم : خير انتي عايزاه في حاجه


الممرضه : لا ابدا بسأل عليه


ريم : مش عارفه والله راح فين


الممرضة : هو كان قايلي انو رايح
يشوف واحدة صاحبته اسمها مريم


ريم : ياربي علي مرررريم دي حتي
في الوقت دا بيفكر فيهاا


الممرضه : بيفكر فيها ازاي يعني


ريم : انتي فضولية اوي ههه


الممرضة : مينا لسه قايلي كدا دلوقتي


ريم : هوه مينا دا مش سايب حد
غير لما يعرفوا ياربي علي كدا


الممرضة : هوه انتو ا صحاب
دراسه ولا ايه بالظبط


ريم : بصي يا.....اممممم


الممرضة : اسمي نهي



ريم : بصي يا نهي احنا اصلا طلبه
مع بعض واحنا التلاته جايين في
رحلة تبع الجامعه بس للاسف
احنا التلاته الى صحاب اوي يعني
ملناش كلام اوي مع باقية الشلة


الممرضة : اها طيب وايه حكايه مريم


ريم : حكايتها ازاي يعني


الممرضة : ههههههه يعني مش عارفه اقصد ايه


ريم : لا عارفة بس ايه


الممرضة : ايه هههههههههههههه


ريم : اصل مفيش حاجه اقدر اتكلم
فيها لاني مش متأكدة من حاجه


الممرضة : طيب لو عايزه تقولي
شكك في ايه قوليلي وانا هخلي
دا سر بيناا ومتقلقيش انا معرفشي
حد اوي يعني مينا اتكلمنا مع بعض
علشانك بس تصدقي اني استريحتلك


ريم : وانا كمان والله


الممرضة : ( طيب قولي يا ياختي )
- بس في سرهاا ههههههههههه


الممرضة : ربنا يخليكي يا ريم



ريم : هاقولك يا ستي اول حاجه
من ساعه متكلمت مع مينا وهوه
اهتمامه الكلي بمريم كأن مفيش
حد تاني معااه بس مش عارفة
بقي حاجه بينهم ولا لا


الممرضة : وانتي تضايقي
ان يكون في حاجه بينهم ؟


ريم : لا طبعاا بس ايه


الممرضة : ايه ؟؟؟ طيب خلاص فهمت



ريم : لا متفهمنيش غلط انا قصدي
ان المفروض يعرفوني لو فيه حاجه
علشان بس مش ابقي ماشيه معاهم كدا


الممرضة : ويمكن يكون صحاب عادي


الممرضة : ممكن الله اعلم


وسكتوووووووا فجأة وبعدين



الممرضة : طيب عندي سؤال
عايزه اسألهولك



























ياتري ايه السؤؤؤؤؤؤؤؤؤؤؤؤؤؤؤؤال ؟

الحلقات الخامسة والسادسة والسابعة

رووووووووووووعة

هههههههههه

بجد بجد ضحكتني

بس مينا ده رهيب خالص

هههههههههه


الف شكر يابطل

وحتابع معاك حلقة بحلقة من اليوميات التحفة دي

شكرا اختى سلوى على مرورك وربنا يباركك
حمدالله على السلامة يافراشتنا نورتى موضوعى فينك من زمان القصة دى كانت محتاجاكى فى الرضود الجميلة بتعتك .
انتظرووووووووووووووووووووووووووووووووووووووووووووووووووووووووووو

الحلقة الخامسة والعشرين




ياتري ايه السؤؤؤؤؤؤؤؤؤؤؤؤؤؤؤؤال ؟




حد عرف السؤؤؤؤؤؤؤؤؤؤؤؤؤال ؟





لسه طبعاا محدش عرفوا علشان انا كمان بفكر اخليه انهي سؤال




المهم ما علينا




شوفنا الحوار الي كان بين ريم والممرضه كان حلو بصراحه الاتنين بيتلأموا علي بعض وشكلهم تحفة





وريم كالعادة هبلة وبتقع في الكلام



المهم نشوف مينا الى راح يشوووف مريم



ومريم عملت ايه



مريم طبعا لما عرفت ان مينا وريم مش موجودة زعلت جدا انهم سايبنها لوحدها
وفي نفس الوقت مينا ماشي علي البحررررررررررررررر





وعمال بيفكر




مينا : هوه ايه الى بيحصلي دا



مانا كنت كويس وعايش حياتي
لا مكنتش عايش دلوقتي عرفت طعم ومعني للدنيا
ايوه يا مينا دلوقتي عرفت حاجات كتيرة
طيب مريم وريم ونهي


دول بالنسبالك ايه يا مينا ؟


امممم مش عارف


مريم بنت جميلة ولطيفه ووقفت جنبي كتير



ريم عسووولة ودمها خفيف بس مش عارف حاسس فيها بحاجات غريبه كدا



نهي يعم دي لسه معرفة نص ساعه نفضلها وخلاص



طيب وبعدين هتتصرف ازاي يا مينا وانت الاتنين معتقدين انك بتحب واحد فيهم



وانت فعلا بتحب مين



وفجأة











خبط مينا في الست الاجنبية العسولة الامورة الى قابلها اول ماجه شرم

مينا : يلهوي انتي تاني


الاجنبية : -------


مينا : نفسي تنطقي مرة لوجه الله



الاجنبية : -------------


مينا : خلاص يا ستي انتي هتقعدي تتكسري في الكلام انا ماشي



جتكو نيلة مليتوا البلد ههههههه



نرجع لمريم ونعرف هتعمل ايه يا مريم


يا تري يا مريم هتعملي ايه
انا ممكن اسبهم وامشي وهما يبقوا علي راحتهم
طيب افرضي يا مريم ان مينا مفيش حاجه بينه وبين ريم تبقي خصرتي مينا


طيب انا هسأله


وجابت الموبيل


واتصلت



مريم : الووو


مينا : ايون


مريم : انت فين يامينا


مينا : انا قدام الاوضه بتاعتك


مريم : انت هتهزر


مينا : لا والله حتي بصي تك تك


مريم : انت كنت فين



مينا : كنت في المستشفي مع ريم


مريم : ملها ريم



مينا : وقعت وهي نازله ع السلم زي الجردل ورجليها اتكسرت


مريم : هوه الجردل ليه رجلين ههههه


مينا: ههههههههههه اها حاله خاصه ههههههههههه


مريم : طيب يلا علشان نروح نطمن عليها
مينا : يلا بيناا


--------------------------------
نازلين شافوا مكان لذيذ كدا شكلوا رومانسي فقالت مريم لمينا


مريم : مينا متيجي تعزمني علي حاجه هنا


مينا : اوكي بس انتي الى تدفعي هههههههههه


مريم : اوك موافقه


مينا : موافقهانتي عايزه واحدة ست تصرف علياا


مريم : ههههههههههههه خلاص يابني ادفع انت هتعمل مشكله ولا ايه


مينا: لا خلاص ادفعي انتي علشان ميبقاش شكلك وحش


مريم : طيب هههه


مينا : اتفضلي


-------------------------------


دخلوا قعدووا وتماممممم
في نفس الوقت ريم قلقانه طبعا مينا بقالوا تلت ساعات سابيها لوحدها مفيش حد في وشها غير الممرضة
المهم ندهت لنهي وقالتها انا عايزه تلفون علشان مش معايا رصيد


نهي : ليه ؟؟ هتكلمي مينا


ريم : اها اصلي مش عارفه اتاخرليه


نهي: اوكي اتفضلي موبيلي اتكلمي منه


ريم : ميرسي ليكي يا نهي مش تقلقي مش هطووول


نهي :لا يا حبيبتي طولي براحتك معاكي 1,50 جنيه رصيد

ريم : هههههه

اتصلت ريم بمينا


ريم : اممممممممممم مش ببيررد


نهي : يمكن الموبيل مش معاه ولا حاجه


ريم : مش عارفه بصراحه استني لما اتصل علي مريم


نهي : اوكي


ريم : اممممممممممممممم غير متاح حاليا


نهي : خلاص استني شويه


ريم : مانا مستنيه وانا هعرف اعمل ايه يعني هاقطع نفسي

نهي : هههههههههههههه معلش يا حبيبيتي بكره تقومي بالسلامة


ريم : ميرسي ربنا يخليكي انما انتي كنتي عايزه تسألي علي ايه امبارح لما الدكتور ندالك


نهي : كنت عايزه اسأل هوه مينا مواعدك انتي ومريم بحاجه


ريم : (سكتت كده) وقالتها هكلمك بصرااحه انا عن نفسي لا ومريم مش عارفه


نهي : اها يبقى متزعليش منه


ريم : لا بزعل مش عارفة ليه


نهي : بكره تعرفي




نرجع لمينا ومريم


مريم : مين كان بيتصل بيك ياا مينا


مينا : دي ريم


مريم : احسن انك مش رديت عليها بت غلسة


مينا : هههههههههه مانا قولت انك هتقولي كدا بردوا


مريم : متفهمنيش غلط لو سمحت


مينا : لا مانا فاهمك صح جوي صح خالص ههههههههه


مريم: انا بقي كنت عايزززك في موضوع كدا بس تجاوبني بصرااحه


مينا : خيرررر ياوش الخير ياجشطة


مريم : انا كنت عايزه اعرف حاجه واحدة


مينا : قولي يابنتي خير قلقتيني


مريم : لا مش تقلق ولا حاجه بس انا مش عارفه


مينا : مش عارفه ايه طلعتي روحي


مريم : اقولهالك ازاي


مينا : والله ماني فاهم حاجه خابط في نفوخك جننتيني


مريم : طيب استني هفهمك


مينا : قولي يا سعاد حسني قصدي ياامينة رزق


مريم : بس بقي مش تقلب الكلام تهريج


مينا : حاضر انطقي بقي اف ياشيخة


مريم : هوه انا ايه بالنسبالك ؟


مينا : مممممممممممممممممممممممممممم



























ممممممممممممممممممممممممممممممم




























ممممممممممممممممممممممممممممممممممم












































ممممممممممممممممممممممممممممممممممممممم









مممممممممممممممممممممممممممممممممممممممممم
























هنعرف مريم بالنسباله ايه مش دلوجيت خالص

فظيع مينا ده انا مش عارف كل البنات دى بتحبه على ايه بس والله اهوه بقى نحاول نتعلم منه يمكن نلاقى حد يعجب \بينا زى مينا بس المهم مينا ده شكله ايه ياترى شكله وحش ولا شكله وحش بصو انا فى النهاية هبقى اجيب لكم صورة مينا شكرا اختى سلوى على المتابعة
انتظرى بقى حلقة بكرة على فكرة الحلقات دى قربت تخلص
انتظرووووووووووووووووووووووووووووووووووووووووووووووووونى

بجد رائع جدااااااااااااااااااا

يلا انا بكمل باقي الاقسام

بس بجد طول ما انا بقراء

الضحك مش بيفارقني ابدا

هههه

بس قلي يابطل

هي دي قصص من تاليفك ولالالالالالالالالالالالالا؟؟

على شان القصص رووووووعة

هيا مش من تاليفى انا لقيها فى منتدى تانى ونقلتها
يارب تكون عجبتك ياقمر انتظروووووووووووووووووووووووووووونى فى القادم

الحلقة السادسة والعشرووون


طبعا مريم كانت سالت سؤال لمينا ومعرفناش اجابته الحلقه الي فاتت




مينا : عارفة السؤال دا يا مريم


مريم : مالو


مينا : كنت لسة بسالو لنفسي من حوالي نص ساعة تقريبا


مريم: و يا ترى وصلت لايه (( قلبها هيقف))


مينا: عايز اقولك علي حاجه


مريم : تفضل


مينا: اقلك اشي بسيط ......... بنفع القمر يطلع بدون ما يكون في ليل ؟؟؟؟؟؟؟؟؟


مريم : لا طبعا


مينا : بنفع الشمس تشرق من الغرب بدل الشرق (( يا حونين))


مريم : برضو لأ


مينا : انتي يا مريم بالنسبة الي ... قمر بينور كحل الليل ... شمس بتلسعني في الشتا .... مش بس كدة


مريم : همممممم وايـــــــــه كمان


مينا : يعني بحس انك قريبة مني جدا وعيب كدة


مريم: انا اسفه ((وشها احمر))


مينا: هههههه انا كنت بهزر انت فعلا قريبه مني


مريم : دا كل الي كنت عايز تقوله ؟


مينا:لا يامريم ..... ما تستبقيش الاحداث ... كل اشي بوقتو .... اتقلي علي الرز


مريم : انا سعيدة جدا بكلامك دا يا مينا ... مع اني متوقعتش تقولهولي


مينا : لييية يعني هههههههههههه حد جلك عليا دكر بط


مريم: ههههه لا مش قصدي


مينا: المهم يا مريم احنا بكرة مسافرين الصبح ..... ولازم نشوف ريم و نجيبها معانا


مريم : اها طبعا يالله


مينا: طيب والعصيرر


مريم : خليها للمرة الجاية عشان نلحق الساعة 11


مينا : زي مبتحبي يا قمر .... وضرب الكوبيتين مرة وحدة وراح وراها


في نفس الوقت نهى قاعدة بتجرب تتصل بمينا .......بس قاعدة بتتصل على رقم مريم مفكرة انه موبايل مينا ... ( لأنو ريم جربت اخر رقم هو رقم مريم )


وفجأة


التلفيون يرن



مريم: ايوووة مين ؟


نهى : انا نهى الممرضة في المستشفى اللي صاحبتك ريم فيها


مريم : اها انا تحت في الريسبشن وطالعة على طول


نهى : انتي مين يختي ؟؟ مش دا رقم موبايل مينا


مريم : لا تلفيوني ... ثواني وطالعين انا ومينا


نهى : اوكي سلام



اول ما طلعت من الاسانسير لقيت نهى بتستناها هتموت طبعا و تشوف مين مريم هههه والمفاجأة الكبرى


نهى : انتي مريم ؟


مينا : اه يا ستي تعرفيها من قبل كدة ؟


مريم: انتي بتعرفيني ؟


نهى : لا سمعت عنك


مينا: صرتي اشهر من نانسي عجرم .... افرحي يا بت


مريم : ههههههههههههه بس يا مينا استنى نشوف سمعت عني ايه ؟


نهى : لا عادي كل صحابك بحبوكي حتى مينا ساب ريم واجالك


مريم اتطلعت على مينا تطليعة حلوة كتيييير ... اشرحلكو ازاي؟








"يلا مش مهم"


مريم: لا هوة مسبهاش هوة كان جاي عشان انا مفضلش لوحدي (( مين البت دي ))


نهى : اها ربنا يخليكو لبعض


مريم : يارب (( شكلي هخبطك بحاجه ))


مينا: ه اية النظام هترغوا كتيير


نهي : لا اتفضلوا ريم جوة


مينا : انا بدي اشرب شاي مثلج بس لو سمحتي حطيلي عليه حليب وسكر بره


نهى : ههههههههه دي مستشفى مش كافتيريا


مينا : يا خرابي ... انتي بتحرجيني يا نهى علطول كدة لسا فيكي العادة دي


نهى :اها ........ خلي مريم تعملك


مينا: اهاههههههههههههه بقي كدة .... طيب بطلنا لا شاي ولا حليب


مريم: في ايه يا مينا


مينا : معرفش والله يا مريم ... عادي .. خلينا نطل علي ريم


مريم : اوك


دخل مينا ومريم الغرفة عند ريم لقوها قاعدة


مريم: الف سلامة عليكي يا حبيبتي


ريم: الله يسلمك يا مريم


مينا: هتروحي انهاردة ان شاء الله


ريم : اها هحاول انهاردة عشان بكرة هانمشي ياخسارة


مينا : طيب اروح اشوف الريسبشن عشان اخلص حسابك معاهم


ريم : الريسبشن برضو ولا نهي ولا مين بالظبط ((دا انت داهية مسيحة يامينا))


مريم : نهى ؟؟


مريم : اها نهى


مينا: مالها نهى يا ريم


ريم : يا ابني هي قلقانة عليك اكتر مني هههههههههه


مينا: وانا مالي ... مليش صالح بيها


ريم : بدها تعرف كل اشي عنك هههههههههههههه


مريم : ازاي يعني ((حبه وقنبلة هاتنفجر))


ريم : بتسأل اسئلة غريبة وعجيبة ....


مريم : زي اية ؟


ريم : مش متذكرة


مينا: والله انت هبلة ... انتي ولا هيا .... انا نازل


مريم : مينا بسررعة و ما تتأخرش .. مش توقف تحكي ساعة (( وبصت في الساعه))


مينا : هههههههههه لا مش رح اوقف مع نهى ما تقلقيش انتي وخليكي علي جنب


مريم : هههههههههه طيب كويس انت عرفت الي اقصدة


مينا : مبدأي بالحياة يا بنتي ... القطها وهيا طايرة


مريم: ماشي ياعم


مينا : يالله انا نازل



مينا رايح عالاسنصير عشان ينزل يشوف الحساب ....... شاف نهى




اممممممممممممممممممممممممممممم









طنش وضل ماشي



المهم خلص حساب المستشفى و الحساباات كلها وجاب سيارة ورجعو عالفندق


وبكرة مسافرين


امممممممممممممممممممممممممممم


ياترى ممكن يحصل شيء قبل ما يسافروا؟


ياا ترى في احداث وهما على الطريق ؟



دا الي هنعرفه في الحلقة الي جاية ياحلوين
انتظروووووووونى

شكرا مينا علي المتابعة في القصة ..


ربنا يقويك ... نفسي تخلصها بقيييييي... هههههه

اظاهر كمان القصة دي سرقتك من باقي المنتدي هههههه

لا طبعا ياكبير القصة مسرقتنيش من باقى المنتدى بس زى ما انت شايف انا مش بدخل كتير علشان اليومين دول مشغول حبتين ربنا يدبر الامور بقى وانشاء الله هفضى للمنتدى على طول

الحلقة السابعة والعشرون
طلع مينا و مريم والمكسورة ريم علي اودهوم
وهنا دار حوار

بين مين ومين ؟؟؟
اممممممممممم









بين ريم ومريم

ريم : مريم انا عايزة اسالك علي حاجه

مريم: نعم يا ريم

ريم : انتي ايه رأيك في مينا

مريم : مينا ( ولحظة من التفكير العميق ) مالو ؟؟

ريم : مالك ... ليه اتغير لونك

مريم : لا عادي

ريم : ... طيب ياختي

مريم: ممكن تنامي عشان الصبح نطلع بدري

ريم : اها دا انا هاموت وانام



مريم : وانا كمان تصدقي ... نفسي انام 50 ساعة من التعب

ريم: اها باين

مريم: باين عليا ه




ريم : اها


مريم : طيب يالله ننام ياست هانم


ريم : اوكي يالله



وطفو النور.... وبعد 5 دقائق ....... رن تلفون مريم



صحيت ريم ومسكت التلفون




ريم: الوووووو ... ايوة مينا

مينا : ايوه يا حبيبتي كيفك

ريم : حبيبتك ؟


مينا : اها يا مريم تنك اول مرة تسمعيها عاد .. هههههههه ؟

ريم: بس انا مش مريم يا استاذ مينا

مينا: ريم

ريم : اها زفت ريم يامينا

مينا : مالك ياريم اشبيكي انتي

ريم : لا ابدامافش حاجة ... ثواني اصحيلك حبيبتك تحكي معها

مينا : امممممممممممم طيب شوفي يا ريم

ريم: نعم

مينا : شوفي يا ماما ... انا لو فكرت احب حد ..... لو فكرت هه .... مش رح الاقي احسن من مريم عشان احبها

ريم : اشمعنا يعني.... مفيش غيرها


مينا : لاابدا .. بس انا بعرف مريم كويس... وعارف عنها كل صغيرة وكبيرة
ريم: اها مهوة واضح من حكيك عليها

مينا: يا بنتي انا مبعرفش عنك اشي

ريم : طيب مش مشكلة




وفجأة




تصحى مريم وتسمع بقية حديث مينا وريم

اللي هوووووووووووووووو
مينا : طيب انا ما بدي اياكي تزعلي يا ريم ... ما انتي عارفة اني انا بحبك
ريم : وانا كمان بحبك

مينا : لا بحبك زي اختي متفهمنيش غلط


ريم: شعور رقيق منك يا مينا بس للاسف في وقت متأخر

مينا : شو تقصدي بوقت متأخر

ريم : ايوة يعني ..... انا حتى لو بحبك مش رح اقدر اكمل معك عشان مريم

مينا:اسمعي انتي انا بحب مريم اصلا يا ريم

ريم : شوف مينا مش رح احكي معاك دلوقت ... خليها للظروف

مينا: اوكاي سلام


ريم : مينا

مينا: نعم يا ريم

ريم: لا ابدا مافيش



طبعا مريم سمعت هالحكي وكانت ردة فعلها انها عملت نفسها لسة نايمة عادي وقالت


تستنا عشان تفهم وتشوف مينا هيقلها اية!




وتاني يوم الصبح قدام الباص

مينا واقف مستني ريم ومريم

طبعا محدش فيهم لسة وصل ... والباص فاضلة10 دقائق و يتوكل على الله


ومينا برن على تلفون مريم وهيا مبتردش .... بتكانسل

ووصلت مريم وريم

مينا رايح يحكي مع مريم وريم

مينا : خبر ايه يا مريم ..انتي ما بتردي عالموبيل لية
مريم : مزاجي كده

مينا : مليش مزاج ؟؟؟؟؟؟طيب براحتك وانا غلطاان اصلا اني
حكيت معاكي

مريم : اها من ناحية انتا غلطان فانت غلطان في حوارات كتير ... وباقولك اييه
......

مينا : تقوليلي ايةو ... انتي اجننتي انتي عالصبح ..... الناس بتصحى بتقول صباح الخير


مريم: لا انا صاحية اقول صباح الزفت

ريم : مريم مالك بس؟


مريم: لا مافش يا ست ريم
ريم : طيب يالله نركب ... بدي اقعد هنا عشان رجلي

مريم: لا انا رأيي انك تقعدي جنب مينا ... و كمان عشان الظروف تبقي مناسبه
ريم : ظروف ؟ ظروف ايه يا بنتتي ؟


مريم : لا ما تشغليش بالك

مينا :يالله ياريم عشان اركبك ... مريم مش عارف مالها علي الصبح

مريم: استاذ ميناااااااااااااا اامالكش دعوة بية لحد
ما نوصل القاهره ..... و كل واحد بشوف حالوة هناك

مينا : طيب يا مريم ... انا مش راح ااعبرك .... بس خليكي فاكرة (( والله الولاد دول غلابة علي طول ))


ريم: هوة يا مينا انتا زعلتها في حاجه

مريم : مين دا الي يزعلني محدش يقدر يزعلني

مينا : يوووووووووووه ... حركات الولاد الصغار دي انا ما بحبهاش .... انا طالع



وطلّع مينا وريم........ وطلع ركب وبينه وبين مريم 3 كراسي

المفاجأة انو مريم لما قالت الظروف مناسبة .... ريم فهمت
انو مريم سمعت الحكاية ا مبارح وقالت
فرصه عشان اعرف اوصل للي انا عايزة. اوصلة اللي مدوخني... نياا ها ها ها


وركب مينا قدام

بدأ مينا يفكر بالموضوع ويشوف اية الي حصل عشان تتغير مريم لهالدرجة

وبدأت ريم تفكراذاي تخلي مريم ومينا يكرهو بعض

وفكرت ريم
بعد معملت خطة استراتيجية محكمة لكل دا وراحت تبدا مع مريم

يا ترى ريم ناوية تعمل ؟؟؟؟؟


ويا ترى مينا ناوي يعمل؟؟؟

ويا ترى مريم ناوية تعمل ؟؟؟





دا الي هانعرفه الحلقة القادمة

يا بطل

الثامنه والعشرين



وصلنا المرة اللى فاتت ان ريم كانت بتظبط امورها علشان توصل للي هيا عايزااه

نشوف مع بعض ايه الى هيحصل

ركبت مريم جمب ريم في الاول علشان رجل ريم المكسورة

وركب مينا قدام

بدأ مينا يفكر في الموضوع ويشوف ايه اللى حصل علشان مريم يبقي اسلوبها كدا

وبدأت ريم تفكر ازاي تخلي مريم ومينا يكرهوا بعض

وبدأت ريم بعد معملت خطه محكمة لكل دا وهتبدأ مع مريم

ريم : مالك يا مريم مضايقه ليه


مريم : مش مضايقه ولا حاجه انتي هضايقيني بالعافية


ريم : لا شكلك مضايقه انا مش لسه عارفاكي يعني


مريم : وبعدين بقي يا ريم

ريم : طيب سوري يا مريم بس عايزه اعرفك حاجه


مريم : وانا مش عايزة اعرف حاجه يا ريم علشان خاطر ربنا


ريم : طيب ياريت تفهميني مالك علشان شكلك كده ميطمنشي


مريم : اقولك والله لقايمة مغيرة الكورسي مع حد تاني ومش قاعدة


جمبك انتي كمان لو نطقتي بحرف واحد أوف


ريم : لا لا لا خلاص خليكي


مريم : طيب اسكتي بقي علشان عايزة شوية هدوء


ريم : حاضر


وسكتت فجأه كده ومسكت الموبيل



بعتت رساله لمينا



مضمون الرساله



مينا : انا مش عارفة مريم بتعاملني وحش وعمالة تقولي كلام غريب مش عارفه ايه اللى غيرها كدا


المهم رن موبيل مينا برساله النغمة



مينا : ياتري مين الى بعتلي رساله يارب تكون مريم
فتح الرساله لاقها من ريم ومكتوب فييها الكلام اللي فات


راح قايم


وراح ناحيه مريم



مريم : ايه يابنتي مالك



مريم : لو سمحت روح اقعد مكانك وملكشي دعوة بيااا ابداااااااااااااااااا

مينا : علي فكرة اسلوبك وحش اوي معايا وانا مبحبش الاسلوب داون

مريم : ايوه عارفه بس انت شخصيا مينفعشي معاك غير الاسلوب داون ياخفيف

مينا : واشمعنا انا شخصيا علي اساس اني -- زويل ههههههههه


مريم : دمك تقيل بصرااحة


مينا : انتي كدا بصراحه زوديتها اوي وانا اسف اني قومت من مكاني علشان اشوفك مضايقه من ايه


مريم : طيب يلا روح اقعد مكانك وياريت تخليك في نفسك و بس


مينا : اممممممممم اوكي شغل عيال صحيح انتي شكلك كدة عوزاني
اجبلك مصاصة ناجص انا شغل عيال اوف


ورجع مينا قعد مكانوا تاني


وبدأت مريم تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب داون عيب انا احرجتة وهو مستحملني

ففكرت في مسدج

اممممممممممممممممممممممم










امممممممممممممممممممممممممممم








امممممممممممممممممممممممممممممممممممم


























امممممممممممممممممممممم هتكتب ايه في المسج ؟؟؟؟؟؟؟؟؟؟؟؟؟؟





























دا الى هنعرفوا مع بعض الحلقه الجايه

الحلقة التاسعه والعشرووون




وقفنا المرة الى فاتتت



بدأت مريم تتكلم مع نفسها وتقول هوه ايه الي انا عملته دا مكنش المفروض اكلمه بالاسلوب دا ون




ففكرت في رسلة تبعتها لمينا




ياتري كتبت ايه في الماسج



مسكت الموبيل وقعدت تفكررر



اكتبلة ايه يابت اكتبلة ايه



المهم بعتت الماسج



وكتبتلوا انا اسفة خاااااااااااااااااالص










المهم مينا شاف الماسج وبصلها ورجع تاني يبص قدامه تاني

وفكر يقوم يكلمها بس كرامته مسمحتلوش

فقال يقعد ويستني الظروف هاتعمل ايه





وبعد لحظاات











قامت مريم جمب مينا وقالته







مريم : مينا


مينا : نعم

مريم : انا سمعتك انت وريم بتتكلموا امبارح


مينا : بجد يا مريم

مريم : اها بجد ياخويا

مينا : والله يا مريم كل كلمة قولتها لريم ساعه مكنا بنتكلم كانت من جوة تلافيف قلبي


مريم : اممممممممممممم ( وشها احمر كدا طبعا مضايقه ) طيب ربنا يتتمم ليكم بخير


مينا : لا لا لا استني انتي فهمتي غلط خالص


مريم : غلط ايه وصح ايه والله انا مبقتشي عارفه الصح من الغلط

مينا : ه ليه ان شاء الله

مريم : مينا بطل تهريج لو سمحت وفهمني في ايه

مينا : طيب اهدي يابنتي احنا في الاتوبيس ومعانا ناس

مريم : طيب هديت ممكن تتكلم بقي

مينا : لا ممكن تقعدي بقي وتهدي كدا ولما ننزل ان شاء الله هبقي افهمك كل حاجه


مريم : انت بتهرج يا مينا هوه انت فاكر اني هقدر استني لحد منوصل

مينا : مهو في احتمال 50 % منوصلشي ههههههههههههه

مريم : والله انت رخممممم مووووووووووت

مينا : ربنا يسامحك روحي بقي اقعدي وحاولي تفهمي من ريم علي مانبقي نوصل


مريم : حاضرر يامغلبني

مينا : ههههههههه والله البنات دي عايزة الولعه مش عايزه الى يكلمهم بالراحة
















***************************************


راحت مريم علشان توقع ريم في الكلام

مريم : ها يا ريم عاملة ايه دلوقتي

ريم : الحمد لله كويسة

مريم : طيب

ريم : بس انتي رجعتي لمودك تاني هوه انتي كنتي مضايقه من حاجة

مريم : لا لا ابدا بس مكنتش نمت كويس

ريم : قصدك سمعتي المكالمة بتاعه مينا امبارح معايا

مريم : اها


ريم : علي فكرة يا مريم انتي صحبتي وصعب علية اني اضحك عليكي او اقولك حاجه محصلتشي ياعني

مريم : قولي يا ريم انتي عارفه اني بثق فيكي

ريم : مينا امبارح كان بيكلمك علي موبيلك

فانا رديت عليه

فقالي ايوه يا حبيبتي

مش عارفه بقي كان يقصدني ولا يقصدك

مريم : هوه انتي كنتي اتكلمتي

ريم : ايوة كنت قولت الوووووووووووووو

مريم : اها ممكن يكون مش ركز في الصوت بس

ريم : عايزة اسالك سؤال يا مريم

مريم : اتفضلي

ريم : هوه انتي بتحبي مينا ؟

مريم : نعم ؟؟ بتقولي ايه

ريم : هه هوه انتي بتحبي مينا

وفجأة




وفي ولهة من الوقت



سمع الجميع صوووووووووووت كداا اااااااااااااااا



ياتري صوووت مييييييييييين ؟؟؟؟؟؟؟؟؟




صووووووووووت السواق الريست يا جماعه هنريح هنا شوية ونكمل بعد ساعتين


مريم فرحت اوي ههههههههههههه انها مريحتش ريم هههه

نزل الجميع علي الطريق قدام فندق علشان يشربوا حاجه ياكلوا حاجة كدا يعني

وقامت قالت لها ثواني هسأل مينا علي حاجة

ريم : اوكي














راحت مريم لمينا

مريم : مينا

مينا : نعم

مريم : انت وانت بتتكلم امبارح كنت عارف ان مين الى معاك

مينا : كنت عارف انها ريم

مريم : كنت عارف انها ريم وبتقولها ايوه يا حبيبتي ؟

مينا : لالالا في الاول كنت بكلمها علي اساس انتي ياهبلة

مريم : وبعدين

مينا : اتكملنا كلام عادي يعني وفهمتها اني ؟؟؟؟؟

مريم : انك ايه ؟

مينا : اني كنت عايزك انتي ياعبيطة هههههههههههه

مريم : طيب وليه مش خليتها تصحيني

مينا : مكنتش عايز اقلقك يا قمر انتي ياسكر

مريم : تقلقني ياسلام ياخويا كل بعقلي حلاوة

مينا : اها هههههههههههههه

مريم : والنعمة انت رخم

مينا : من بعض ما عندكم ياجشطة يامهلبية

مريم : طيب هروح اقعد مع ريم علشان مش تبقي لوحدها

مينا : لا استني نفاضلها بجيي انا ماصدجت وتعالي نتغدي مع بعض

مريم : هتغديني ايه طيب

مينا : ههههههههههه في سندوتشات فول وطعمية هنا جنان ههههههههههه

مريم : ه لا انا هروح اتغدي مع ريم

مينا : طيب هتتغدوا ايه

مريم : مش عارفه

مينا : طيب تعالي بس ندخل جوه ونشوف عندهم اكل ايه

مريم : طيب اوكي يلا






















***************************************


ريم قاعدة هتولع مريم سابتها وهي ومينا دخلواالمطعم

وجتلها فكرررررررررررررررررررررررررررة


ياتري هنعمل ايه ؟؟؟؟؟؟؟؟؟؟؟؟؟؟؟؟؟؟

























هتعمل حاجه ظريفة اوي
























داالى هنعرفوا مع بعض الحلقه الجاية

الحلقه الثلاثون




















**************
***************
******************
ريم قاعدة هتولع مريم سابتها هي ومينا ودخلوا المطعم
وجتلها فكرررررررررررررررررررررررررررة


ياتري هتعمل ايه ؟؟؟؟؟؟؟؟؟؟؟؟؟؟؟؟؟؟


اممممممممممممممممممممممممممممممممممممممممممممم


عايزه اعمل حاجه علشان اخليهم مش يعرفوا يتصالحوا
ياتري هتعملي ايه يا ريم


اممم يلا يا ريري فكري


وجدتها


اها يا رجلييييييييييييييييييييييييييييييييييييي


رجليييييييييييييييييييييييييييييييييييييييييييييي
سمع مينا ومريم صوت ريم وهي بتتألم سابوا المطعم ومشيوا من غير مياكلوا يعيني وراحوا يشوفوا ريم


مريم : مالك يا ريم


ريم : رجلي بتوجعني اوي


مريم : من ايه حصل حاجه


ريم : اها اتخبطت مني هنا


مينا : وكل الدوشة الى انتي عملاها
دي علشان رجلك اتخبطت مكنتش تبقي الخبطه في دماغك وتموتك ونستريح منك هههه


مريم : لا حرام عليك يا مينا متقولشي كدا بعد الشر عنها


ريم : ان شلاااااااااااااااااااااااااا انت


مريم : لا متقوليش كدا بقي وبس خالص انتي وهوه


مينا : حاضر انا بسيت اهووووووووووه


ريم : ايوه امشي من هنا كمان
دي قاعدة بنات انت جاي تقعد معنا ليه


مريم : ههههه
ايوة يا مينا يلا اسمع الكلام وامشي بقي


مينا : شوفتي الى مش بيطمر فيها
حاجة انا جاي اشوفها يمكن تكون فيها حاجة


مريم : لا امشي هي كويسة ههه


مينا : طيب يلا نروح نشوف الاكل زمانه برد


مريم : لا روح هات الاكل هنا علشان ريم تاكل معانا


مينا : بقي انا هاكل مع ريم دي ههههههههههههه


ريم : ومالها بقي ريم يا سي مينا


مينا : سي السيد لو سمحتي ههههههههههههه اتعلموا تكلموا ولاد الناس بقي هههههههههه


ريم : ولاد ناس هههههههههه
هههههههههه ضحكتني
هههههههه


مريم : بس يابنتي انتي وهوه كدا هتزعلوا من بعض


مينا : لا لا متقليش يا مريم باخد بمبدأ انا اذا تكلم السفهاء فدع القافله تسير ههه


مريم : هه
هههههههههههه
ههههههههه
طيب بس يا مينا علشان خاطري


مينا : بس كدا دانت تؤمري يا قمر


ريم : اجبلكوا اتنين عصير ليمون


مينا : اها ياريت وشجاريتن وكرسي وترابيزة هههههههه


مريم : قصدك كرسين وشجره وترابيزة
هههههههههههههه
ه


مينا : يا ستي بقول شجرتين علشان تقوم مترجعشي ه



ريم : انشللاااااااااااااا اللي يكرهني


مينا : هوه انتي في حد بيحبك اصلا
ه
هه


مريم : انا بحبها اختي العسووولة دي


ريم : تسلملي يارب يا مريم


مينا : اعدم عم ابراهيم بتاع الترمس بتجاملك ههههههه
ريم : ملكش دعوه يا غلس
مريم : متقوليش عليه غلس لو سمحتي


مينا : يابنتي قولتلك سيبك منها
وتعالي نروح نتغدي سوا وهي
انشالله ماكلت هههههههههه


مريم : لا روح هات انت بقي يا مينا
علشان خلاص فاضل في الريست نصف ساعه


مينا : حاضر
مريم :تاكلي ايه يا ريم ؟


مينا : لا هجيبلها علي زوقي
ههههههههههههه
سندوتشين طعمية
ونخلص من رخامتها


ريم : يابني بطل الرخامة الى فيك دي


مينا : طيب هروح اجيب الاكل واجي








***************
*******************


مشي مينا راح يبجيب الاكل



وبعدين ريم بتسأل مريم


ريم : مريم عايزه اسألك علي حاجه


مريم : اسالي يا ريم


ريم : هوه انتي ومينا خلاص يعني ؟


مريم : يعني ايه خلاص يعني ههههههههه
مش فاهمة حاجة


ريم : بتحبوا بعض يعني


مريم: بصي هوه بصررررررررراحة
مش قالهالي مرة واحدة


ريم : امال قالهالك علي تلت مقاطع
مريم : نوو هوه يمكن حسسني
بيها بس مش قالهالي


ريم : وانتي بتحبية


مريم : ايه ؟


ريم : وانتي بيحيبه


مريم : بصراحة ؟


ريم : امال يعني بالسلطة
مريم : اه بس مش عارفه
هوه بقي ناوي علي ايه
ريم : علي فكرة عايزه اعترفلك بحاجة


مريم : تعترفي !!!!!!!!!!!!!


ريم : اه


مريم : باية !!!!!!!


ريم : انا كنت حاسه اني بحب
مينا وهوه كمان حسسني انه بيحبني
بس بعد مكالمه التليفون عرفت
انه بيحبك وكنت شاكه قبل كدا


مريم : بيحبني


ريم : اها


مريم : بصي يا ريم صعبه اوي
اني اختار بين صحبتي وبين اللى
انا بحبه فانا هسيب الامور تمشي
بطبيعتها علشان مش نزعل من بعض


ريم : لا هنزعل من بعض ليه يعني
دانا المفروض اني افرحلك في
فرحك هوه احنا مش اخوات


مريم : ربنا يخليكي يارب يا ريم
ريم قاعدة هتولع (( ايه الي انا هببتوا دا ))
جييييت اكحلها عمتها


ولحظااااااااااااااااات من الصمت


*
**
***
****
*****
******
*******
********









ويأتي مينا
بالسندوتشاات




يلا كلوا بسرعه علشان السواق بيقول
استعدووووا علشان هانمشي



***************
*********************


وينتهي الريست بانتهاء الغداا
ويرجع الجميع للاتوبيس لاستكمال
العوووووووووووووودة



***************
**********************






























































وانتظروووووووووووونيييييييييي
الحلقه القادمة

الحلقه الحادية والثلاثون


وقفنا المرة الي فاتت

وينتهي الريست بانتهاء الغداا ويرجع الجميع للاتوبيس لاستكمال العوووووووووووووودة


الصمت يسوووووووووووود الاتوبيس ياتري في ايه

ريم مضايقه اوي من الى حصل ومن مينا ومن مريم ومش طايقه نفسها ففضلت السكوت

مريم بتفكر في مينا يااتري هوه كمان بيحبها ولا مجرد اعجاب ولا مجرد واحد بيتسلي وياتري هي

اخطأت الاختيار ولا ايه بالظبط

مينا بقي ودا مشكلته مشكلة عمال يفكر يعرف مريم انو بيحبها ازاي ؟؟

والاتوبيس ماشي في الطريق والسواق هينام وشكلوا هيقلب الاتوبيس بيهم وهيموتوا ونخلص

منهم كلهم

ههههههه
هههههههههه

**************************

وبعد مرور سبع ساعات تقريبا ومحدش يسألني
ليه سبع ساعات علشان هي جت في دماغي

كدا

السواق : حمداالله علي السلامة يا جماعة

وصلنا الحمد لله

وصل الرجل ووصل الناس

ونزلت الناس من الاتوبيس

ونزل مينا ومريم وريم ووقفوا تاكسي


ريم : ميرسي يا مينا معلش تعبتك معايا

مينا : انتي بتقولي ايه يا هبلة احنا اخوات

ريم : تسلم يارب يا مينا

مينا : يارب يختي يارب هههههههههههههه

مينا : مريم هتروحي فين دلوقتي

مريم : هرجع تاني شرم ه

مينا : طيب استني نروح ريم ونرجع سوا هههههههههههه

ريم : ماشي انا هركب وامشي يا غلسين

مريم : هروح طبعا يا مينا مرهقة جدا ومحتاجه اني اريح

مينا : طيب بعد متوصلوا اتصلوا بيا طمنوني عليكوا

ريم : وانت هتروح فين يا مينا

مينا : هروح اخد شوية حاجات من البيت وهنزل البلد

مريم : انت هتنزل البلد ؟

مينا : اها

مريم : طيب هشوفك امته تاني

ريم : خليه ياستي قاعد في بلدهم اكرمله ههههههههههههه

مينا : خليكي في حالك يا غلسه انتي

ريم : انا غلسه يا مينا

مينا : بصرااحة اها

مريم : عندوا حق بصراحه يا ريم

ريم : ماشي ماشي ربنا يسمحكوا

يلا علشان تروحوا ووقف مينا تاكسي وركب مريم
وقالها انا هوصل ريم لحد البيت

مريم : لا هاجي معاكوا انا بيتي مش بعيد عن ريم

مينا : هههههههههههه ولا بعيد هههههههههههه

مريم : يلا مش مهم توقف تاكسيات تاني

*****************************

السواق : علي فين يا انسة

ريم : المعادي يا اسطي

السواق : هي المعادي دي شارع يعني راحة فين في المعادي

مينا : ايه يعم انت في ايه مش في راجل واقف
المفروض تتكلم معاه ولا انت ابن دزمه معترفشي

في الاصول

السواق : اللهم طولك يا روح بلاش غلط يا بليدنا انت

مريم : خلاص انتو هتتخانقوا

السواق : لا يا ستي اتفضلوا اركبوا مهو يوم
مش معدي باين عليه من اوله

مينا : تصدق بالله يا اسطي

السواق : ايه قول

مينا : انت متنفعشي سواق اخرك سبااك مش
عارف دا احساسي من ناحيتك

السواق : والله يا اخينا انا مش مستريحلك مش عارف ليه

مينا : يعم هوه انا جاي اتجوز اختك
هتقولي مستريحلك ولا مش مستريحلك ايه الناس دي

السواق : يعم متبطل غلط مش عايز اطول لساني عليك

مينا : تطووول ايه انت عبيط يعم انت ولا شكلك كدا

ريم : خلالالالالالالالالالالالالالالالالالاص انتوا بتتخانقوا

السواق : والله مانا مركبكوا

مينا : احسن يعني هنركب التروماي ه
يلا يعم شوف انت رايح فين








******************************

ومشي سواق التاكسي

ومينا واقف واحد تاني بس شاب كدا وباين عليه لذيذ

السواق : علي فين يا فندم
مينا : المعادي يا باشا
السواق : اتفضل ياباشا
ونزل فتح شنطه العربية ودخل الشنط وركبهم ومشي

السواق : علي فين بالظبط في المعادي يا استاذ
مينا : شارع بغداد عمارة 32
السواق : اوك

وبعد خمس دقايق تقريباا

وصلوا

ريم بتتكلم في التليفون

ريم : ايوه يا ماما
مامتها : ايوه يا ريم
ريم : انا تحت العمارة ورجلي مكسورة
مامتها : مكسورة ؟؟
ريم : اها
مامتها : طيب انا هنزلك حالا
ريم : اوكي بس بسرعه

ثواني معلش ماما نازلة دلوقتي

السواق ولا يهمك يا فندم

مينا : علي فكرة انت زوق يعني

السواق : ربنا يخليك
ونزلت مامة ريم

مامة ريم : مالك يا ريم

مينا : هوه دا وقت مالك يا ريم هههههههههههههه
ريم : بس يا مينا ههههه
مينا : حادر
ريم : يلا نزلوني

نزلت ريم وخرج الراجل شنطها
مينا : ثواني معلش هطلعها وانزلك
السواق : ولا يهمك انا معاك
طلع مينا مسند ريم ومامتها معاه
ومريم في العربية ولا نطقت بحرف واحد

المهم طلعت ريم ونزل مينا

مينا : يلا بينا يا باشاا
السواق : علي فين ياباشا

مينا : لا مش بعيد الشارع الجاي دا وبعد كدا هتوديني الحدايق
السواق : اوكي

وسكون لحظات كدا

وبعدين مريم تتكلم

مريم : مينا انزل ثواني عايزاك
مينا : اوكي حاضر
نزلوا الاتنين شال معاها الشنط
لحد موصلها لجوه العمارة

مينا : خليكي معايا في الفون
مريم : لا انت رخم اصلا
مينا : ليه بس ؟
مريم : عمال تهزر مع ريم ومع مامتها
مينا : يا هبلة ريم دي اختي ومامتها مامتي
مريم: بس بردوا
مينا : طيب خلاص متزعليش كدا

مريم : هتقعد قد ايه في البلد
مينا : قد ايه هههههه
دا اصلا فاضل علي الدراسة 19 يوم
هههههه

مريم : يعني هتقعد ال 19 يوم في البلد يا مينا
مينا : لا طبعا هقعد 18 بس
هههههههههه

مريم : بتكلم بجد بئي متبقاش رخمممممم

مينا : طيب هقولك هوه اسبوع واحد بس
علشان ابويا ميزعلشي
مريم : طيب ابقي طمني عليك
مينا : وانتي كمان هتوحشيني والله
مريم : ايه
مينا : الراجل واقف بره ههههههههه
مريم : هههههههههههه
طيب ابقي كلمني اول متوصل البيت
مينا : حاضر
مريم : يلا ربنا معاك, باي
مينا : باي يا قمر





خرج مينا للراجل

مينا : معلش يا باشا اتأخرت عليك
السواق : ولا يهمك ياباشا
مينا : تسلم يارب

ومشيوا ومينا قالوا علي العنوان وووصل
مينا بالسلامةةةةةةةةةةةةةةةة




مينا : اتفضل معانا ياباشا

السواق : الله يخليك علشان شغلي بس

مينا : ماشي ياباشا

مشي السواق ومينا طالع علي الشقه


حب يتكلم في التليفون

ياتري هيكلم مين ؟؟؟


اكيد مرررررررررريم

المهم اتصل بيها

مينا : وحشتني
مريم : بس يا مجنون
مينا : مجنون ليه ؟ ههههههه
مريم : بس بقي يامينا
مينا : طيب خلاص انا وصلت اهوه وطالع علي السلم
مريم : حمدالله علي السلامة
مينا : عايز اقولك علي حاجة
مريم : قول
مينا : انا ان شاء الله لما ارجع من البلد
وسكت

مريم : ها يابني

مينااااااا : ,,.,.,.,.,.,.,.,.,.,.,.














دا الى هنعرفوا مع بعض الحلقه الجاية






انتظرونا

الحلقه الثانية والثلاثون




وقفنا المرة الى فاتت ساعه ما مينا كان بيكلم مريم وبيقولها





انو لما يرجع من البلد وسكتتتتتتتتتتتتتتتتتتتتتتتتت




ياتري هيقول ايه دا الى هنعرفوا مع بعض خلال حلقتنا انهردة




مينا : عايز اقولك علي حاجة

مريم : قول
مينا : انا ان شاء الله لما ارجع من البلد
وسكت




مريم : ها يابني

مينا : هغير الشقه دي واخد شقه تانيه




مريم : اشمعنا يعني




مينا : لسببين بصراحة

مريم : الى هما ايه يعني
مينا : السبب الاول يا ستي الست صاحبة البيت مش مظبوطه كدا




مريم : مش مظبوطه ازاي يعني




مينا: عادي يعني مش مستريحلها انا

مريم : اها والتاني ايه بئي
مينا : عايز اخد شقه قريبه من بيتكوا
مريم : من بيتنا اشمعنا ؟
مينا : هقولك لما ارجع ان شاء الله




مريم : لا قولي دلوقتي




مينا : لا مش هينفع دلوقتي والله




مريم : بئي كد يا مينا

مينا : يابنتي عادي والله هقولك لما ارجع
مريم : ان شاء الله ترجع بالسلامة
مينا : طيب انا هقفل دلوقتي وابقي اكلمك وقت تاني
مريم : طيب بس مش تتأخر عليا
مينا : مقدرشي اتأخر عليك يا قمرررر
مريم : :$ طيب يلا سلاام
مينا : ههههههههههههه سلام




وقفل مينا مع مريم

وطالع السلم قابل مين




جارته صحبة البيت





جارته : حمد الله علي السلامة يا استاذ

مينا : الله يسلمك
جارته : جيت امته
مينا : لسه حالا
جارته : علي فكرة ابوك اتصل بيك كزا مرة
مينا : ابويا
جارته : اها
مينا : طيب ماشي انا رايح اصلا حالا
جارته : ابقي طمني عليك لما توصل




مينا : ان شاء الله




وطلع مينا لم حاجاته




وراح ركب العربية الى هتوديه البلد




وركب فعلا




وبعد سااعاات وصل مينا البلد






نزل من العربية




قابل مين ؟؟؟؟




ياتري قابل مين




قابل ابن عمه




ابن عمه : مييييييييييييييييييييييييين مينا ؟؟؟؟




مينا : اها يابني ايه شوفت عزرائيل هه





ابن عمه : وحشني يا وله




مينا : وانت كمان والله ايه اخبارك

ابن عمه : الحمد لله عايشيييييييييييييين انت عامل ايه يا ولة




مينا : وله ايه يعم هههههههههههه متهدي شوية عليا




ابن عمه : ايه انت بقيت خلاص بندري




مينا : بندري ايه يابني :s




ابن عمه : انت اتغيرررت يا مينا ومبقتشي زي الاول




مينا : يلا يابني علشان توصلني




ابن عمه : اوصلك فين ؟؟

مينا: اللبيت يابني
ابن عمه : لا لا لا لا تعال نروح البيت عندنا نتغدي الاول




مينا : لا يلا نروح ابويا وامي وحشني وعايز اشوفهم




ابن عمه: طيب يلااا انت حرر

مينا : طيب يلا




*************************




مشيوا الاتنين وراحوا بيت مينا




مينا دخل البيت سلم علي ابوه وامه وقعد اتكلم معاهم




وبالليل بعد مسلم عليهم قال لابوه انا عايزك في كلميتن




ابوه خدوا وخرجوا معرفشي رراحوا فين بس المهم انهم خرجوا




وهما ماشين




ابوه: ايه يا مينا خير في ايه




مينا : بصراحه يابا انا كنت عايز اكلمك في موضوع كدا




ابوه: قول يا مينا في ايه

مينا : انا معايا بنت في الجامعه بحبها وعايز اخطبها
ابوه: ودي من مصر يا مينا
مينا : اها من مصر يابا
ابوه: بص يا مينا انت طلبت تروح مدرسه كبيرررة




مينا : اسمها الجامعه ياباا




ابوه انا معرفشي في الحاجات دي




مينا : المهم يابا البنت دي بحبها وهي بتحبني وعايز اخطبها




ابوه: يابني بنات مصر غيرنا

مينا : لا يابا دي كويسة اوي
ابوه: يا مينا فكر تاني وانا يابني مش هتأخر عنك
مينا : تسلملي يارب يابا وربنا ميحرمنيش منك
ابوه : تصدق ان امك لسه مكلماني في الموضوع دا
مينا : موضوع ايه
ابوه: كانت عايزه تخطبلك مسعدة بنت خالك
مينا : حرام عليك ياباا دي دايسه علي وشها قطرر قبل كدا ههه




ابوه : بس يا وله دي بنت خالك بردوا




مينا : ماشي ياباا سكت اهوه





*********************************








ومشي ابوووه هوه ومينا ماشين بيتمشوا في البلد

وروحوا بالليل




مينا كان مستعجل عايز يروح علشان يكلم مريم




المهم دخل مينا اوضته وقال هكلم مريم




المهم اتصل بيها




مريم ردت عليه




مينا : مريم

مريم : مينا ازيك
مينا : الحمد لله تمام ازيك انتي عاملة ايه
مريم : الحمد لله تمام
مينا : فاكرة يا مريم السبب التاني الى كنت بقولك عليه بتاع الشقه
مريم : اها طبعا فاكرااه الي انت مردتش تقولي عليه هههههههههههههه
مينا : مانا خلاص كلمت الحج
مريم : حج ايه ؟ مش فاهمة حاجة
مينا : مريم
مريم : نعم
مينا : شكلك حلو وانتي بتعملي عبيطة هههههه
مريم : هههههههههههههه لا بجد مش فاهمة في ايه
مينا : مريم
مريم : يادي مريم نعم يابني
مينا: بحبك













*

***





*******










انتظرواا الحلقه الاخيرررررررررررررررة

مدش عاوز يعرف الحلقة الاخيرة ولا ايه
دى القصة كلها فى الحلقة الاخيرة
يلا بقى اشوف ردودكم واكتب الاخيرة
انتظروووووووووووووووووووووووووووونى

شكلنا كده مش هنزل الحلقة الاخيرة
يلا بقى اشوف الردود ولا نستنى شوية